Shimbi 4:28 - MUKANDA USANDU WA ZAMBI 1975

²⁸ Munukavumbikako tuzambi, yitanga ya moko ja atu, twa mitondo ni twa mawe, keshi kumona, chipwe kwivwa, chipwe kulia, chipwe kuhumbika.

Mukanda Wa Zambi 1970

²⁸ Kwenako munukawayila mazambi a mitondo ni a mawe waze akulinga ni moko, mazambi waze kaahashile kumona chibwe kwivwa, hanji kulia chibwe kuhumbika.

Shimbi 4:28 Iomraidhean Croise

1 MIANANGANA 17:40

Hindu kapanjikile alioze alingile nikulita ni ndako jo jikulu.

Izaya 26:14

O afu lume, kechi kapwa ni mwono; kapwa yizulie, kechi kahinduka; kashika hiweza kuli ayo ni kwaonwona, ni kwajimuna, kechi kaewuluka nawa.

Izaya 44:11

Atu jenyi eswe mevwa sonyi. Yilangaji, no nawa atu tuhu. Alikungulule, amane; eswe mevwa mwongo, eswe maakolesa sonyi hamuwika.

Izaya 44:12

Mwe fuli kakweseka kaponya, ni kumululika ha makala. Kakumufula ni mihato, kakumufula ni kwoko lienyi lia tachi. Kakwivwa zala, kakuhonga, keshi kunwa meya, kanevu ndwezo.

Izaya 44:9

Akwa kulinga tuponya kapwa amokomoko; yuma yize yaawahila kuyafumbukile. Yela jo kamwene, kanyingikine. Kumakaakolesa sonyi.

Izaya 45:20

Kungulukenu nwize; kundamenu hamuwika, enu kunwafwile hakachi ka akwa mavungu. Waze akumbatambata tuponya twa mitondo, nikulemba kuli umwe zambi kahashile kulamwina, o keshi yinyingi.

Izaya 46:7

Kakumuzundula ha yipaya yo nikumumbata; kakumumika homa henyi, mba hahene makamana, kahashile kukatukako. Chipwe umwe mateta kuli iye kechi kakumbulula, hanji kumulamwina ku lamba lienyi.

Jeremia 10:3

mumu ndako ja mavungu ja kwonga. Mapakula mutondo wa mu yambu mausonga ni njimbu mu kwoko lia chilangaji.

Jeremia 10:5

Tuponya two kapwa ngwe mutondo wa kwola kahashile kuhanjika. Chatamba kwambata mumu kahashile kwenda. Kanda nwavwila woma, mumu kahashile kulinga chipi, chipwe kulinga chipema keshi nacho.

Jeremia 10:9

Prata ya kutatula mayineha ku Tashi, oru mayineha ku Ufaze. O kapwa milimo ya yilangaji, ni ya moko ja fuli-oru. Mazalo jo alauluka ni a ufungo, eswe milimo ya akwa utotombo.

Jeremia 16:13

Kashika mungunuchiza mu chifuchi chino ni kununyasa ku chifuchi, chipwe yenu chipwe tulamba twenu kachinyingikine. Kwenako munukalingila mazambi eka mwalwa ni ufuku, mumu chichi kanuvwila vumbi nilimwe.

Ezekiel 20:32

Chize chili mu manyonga jenu kuchichi kwiza kupwa, ha kwamba ngwenu, Tukalifwe ni mavungu, ngwe minyachi ya yifuchi tukakombelele mitondo ni mawe.

Ezekiel 20:39

Ha kutwala kuli yenu, akwa munyachi wa Izalele, Mwene Yehova kanambe ngwenyi, Yénu nukalingile mutu mweswe mahamba jenyi, chipwe haliapwila chipwe kulutwe, nyi kunwangupanjikile. Alioze jina liami lisandu kunuchi kajilula nawa nilimwe tangwa ni milambu yenu ni mahamba jenu.

Yilinga 19:26

Mba nunamono, nunevu ngwe hi ku Efwesu wika ko, alioze ndusu mu Eshia mweswe, chikepe chinasala, yono Paulu hanakununa nikukondolola mbunga yinene ngwenyi, Hi mazambi ko aze akutengewa ku moko ja atu.

Yilinga 7:42

Alioze Zambi wombile nyima, waechelele kulingila chizavu cha mwilu, ngwe chinasonewa mu mukanda wa aprofeta ngwo, Yenu akwa zuwo lia Izalele, nwangulambwile yitapo ni milambu makumi awana a miaka mu puya, nyi?

Shimbi 28:36

Yehova makanuhetesa ni yenu ni mwanangana wenu nwamutongwele anuyule ku vungu limwe yenu kunwalinyingikine, chipwe yenu, chipwe akakenu, munukavumbikako tuzambi tweka, te mitondo ni mawe.

Shimbi 28:64

Yehova makanumwanga hakachi ka mavungu eswe, katuke ku songo limwe lia hashi ndo ku songo likwo lia hashi. Munukavumbikako tuzambi tweka, kunwatunyingikine chipwe yenu, chipwe tulamba twenu, te mitondo ni mawe.

Shimbi 29:17

Nwamwene yizelwokeso yo, ni mahamba jo a mitondo ni a mawe, ni a prata, ni a oru, japwile hakachi ko.

Usolwelo 9:20

Mba masalila ja atu aze kaashihile ni lamba lino, kalikonyekeneko ha yitanga ya moko jo, hanga kechi kawayila andemoniu, ni mahamba ja oru, ni ja prata, ni ja kengelia, ni ja mawe, ni ja mitondo; waze kahashileko chipwe kumona, chipwe kwivwa, chipwe kwenda:

1 Samuel 26:19

Kashika mwene wami mwanangana panjikenu ku maliji a yami kavumbi kenu. Nyi Yehova hananuvundula kulimika ni yami atambule mulambu. Alioze nyi malunga hachilinga akashingiwe kumeso ja Yehova mumu hananguhumu musono hanga ngukahone chihanda cha chihinga cha Yehova ngwo, Yako ukavumbike mazambi eka.