Shimbi 4:27 - MUKANDA USANDU WA ZAMBI 1975

²⁷ Yehova kumakanumwanga hakachi ka mavungu. Munukasala piliwiji hakachi ka mavungu kuze Yehova makanumwangina.

Mukanda Wa Zambi 1970

²⁷ Mwene Zambi makanumwangina mukachi ka mavungu akwo, akepe mukachi kenu makasala ho ni mwono.

Shimbi 4:27 Iomraidhean Croise

Ubutukilo 11:4

Yamba ngwo, Tuyenu tutunge limbo, ni kaposhi songo lienyi likahete mwe mwilu, tukapwe ni jina kuchina mutumwangana mwamwa hashi heswe.

Ubutukilo 34:30

Yakomba yamba kuli Simeone ni Levi ngwenyi, Lamba nwangunehena. Nwangupwisa ngwe vumba lipi hakachi ka akwa chifuchi, A-Kanana ni A-Perize. Se yami chishi ni atu anji malikungulula hamuwika akalikwate ni yami akangulambe. Kumungunonga, ni yami ni akwa zuwo liami.

Nehemia 1:3

Yangulweza ngwo, Masalila waze a ku unjize aliko mu chifuchi kanatwama mu huli ni sau. Chipanga-cha-mawe cha Yerusaleme nawa chapuzuka ni yajilo yacho hiyawema ni kahia.

Miaso (Masamu) 106:27

akanungwine munyachi wo hakachi ka mavungu nikwamwanga mu yifuchi.

Miaso (Masamu) 44:11

Hiwatukunjika ngwe mapanga aze haatongola apwe yifwo; hiwatumwanga hakachi ka mavungu.

Miaso (Masamu) 44:12

Hiwalanjisa atu je ndando yakuhi, kwafumbwile nichimwe ni ndando yo.

Izaya 17:6

Mbuto yimwe muyilisalaho, ngwe muze masunga mutondo wa olevwe— mihuko yiali hanji yitatu ha masongo a mitango ya kwilu; yiwana hanji yitano ha mitango ya mutondo wa mihuko. Chocho kanambe Yehova Zambi ya Izalele.

Jeremia 16:13

Kashika mungunuchiza mu chifuchi chino ni kununyasa ku chifuchi, chipwe yenu chipwe tulamba twenu kachinyingikine. Kwenako munukalingila mazambi eka mwalwa ni ufuku, mumu chichi kanuvwila vumbi nilimwe.

Ezekiel 11:16

Kashika amba ngwe, Mwene Yehova kanambe ngwenyi, Chipwe naatwalile kusuku hakachi ka mavungu, chipwe naamwangine hakachi ka yifuchi, hindu hinapwa kuli ayo chiswamo ha shimbu lino mu yifuchi kuze ayile.

Ezekiel 12:15

Makanyingika yami nguli Yehova, muze hinaamwangina hakachi ka mavungu, nikwasandumuna ndusu mu yifuchi.

Ezekiel 20:23

Chikwo nawa nalishingile kuli ayo mu puya ngwami, Mungwamwangina hakachi ka mavungu ni kwahumina ndusu mu yifuchi,

Ezekiel 22:15

Mungukanumwangina hakachi ka mavungu; mungukanuhumina ndusu mu yifuchi; mungukamanununa luchisa wenu hakachi kenu.

Ezekiel 32:26

Mesheke ni Tupale kokwali ni mbunga yo yeswe, ni mafuka jo a kwajingilika, eswe yilima a kushiha ni katana; mumu akolesele mwongo mu chifuchi cha akwa mwono.

Daniel 9:7

Mwene, ululi unalite ni yena, alioze chize chinatute yetu, sonyi ku meso, chize tunamono musono, kuli malunga ja Yunda, ni kuli akwa Yerusaleme, ni kuli A-Izalele eswe, waze ali hakamwihi ni waze ali kusuku mu yifuchi yeswe kuze hiwaahumina mumu ha mafwefwe aze halinga ni yena.

Hosea 9:17

Zambi yami maambila mumu kamupanjikile. Kumakapwa yendanganyi hakachi ka mavungu.

Alevi 26:33

Mungunumwanga hakachi ka mavungu. Mungutomona katana ka jita kunyima yenu mba chifuchi chenu muchipwa puya ni yihunda yenu muyipwa yahululu.

Zakaria 7:14

Kashika naamwangine ni chijimbi hakachi ka mavungu eswe kaanyingikine. Chocho chifuchi cho chasalile cha hululu; niumwe wapajekelemo, ni chifuchi chipema achipwishile cha hululu.

Shimbi 28:36

Yehova makanuhetesa ni yenu ni mwanangana wenu nwamutongwele anuyule ku vungu limwe yenu kunwalinyingikine, chipwe yenu, chipwe akakenu, munukavumbikako tuzambi tweka, te mitondo ni mawe.

Shimbi 29:28

Yehova yaatukula ku chifuchi cho ni utenu wenyi, ni ufwatulo wenyi, ni matoto anji, yaambila mu chifuchi cheka, ngwe chapwa musono.

Shimbi 30:3

Yehova Zambi yenu kumakalumuna ufunge wenu, makanuvwila keke, nikunukonga ku mavungu eswe kuze Yehova Zambi yenu wanumwanginyine.

Shimbi 32:26

Te nambile kwamba ngwami, Mungwamwanga kusuku. Mungwajimisa ku manyonga ja atu.