Shimbi 4:26 - MUKANDA USANDU WA ZAMBI 1975

²⁶ ngunatambika malilu ni hashi yinushindakenye tangwa lino ngwo, Nikawashi munukakuwa liakulu mu chifuchi munuzauka Yordau kuchizuka. Kunuchi kwokesamo matangwa jenu, alioze munukakuwa liakulu.

Mukanda Wa Zambi 1970

²⁶ Lilu ni hashi yili yela jami musono ha kulimika ni yenu. Nyi kunwafungile Shimbi jami, akwa kole maakanuhanga nikawashi mu chifuchi. Kunuchi katwama miaka yinji mu chifuchi chize nunambe kuzuka musali lia Yordau, mumu makanwonona liakulu.

Shimbi 4:26 Iomraidhean Croise

Ubutukilo 19:13

Mumu mutwonwona limbo lino ha mukunda lufuma wo wahiana kumeso ja Yehova, mba Yehova hatutuma mukulionwona.

1 Yitanga Ya Mianangana 9:7

nyi chocho munguteta A-Izalele ku chifuchi chino naahele mba zuwo lino hinasela ku usandu ha jina liami mungulimbila kumeso jami. A-Izalele nawa kumalumuka ngwe chishima, kanda ngwe kashilikilo hakachi ka mavungu.

Izaya 1:2

Malilu, panjikenu. Hashi, neha matwi je. Mumu Yehova hanahanjika. Hinalela ana ni kwahoka, alioze hanangukatukila.

Izaya 6:11

Ami yingwamba ngwami, Mwene, ndo mwiji muka? Aye yamba ngwenyi, Ndo yihunda muyipwa ya hululu, ni yoze matwamamo wakuhi, ni mazuwo keshi malunga, ni chifuchi muchisala cha woya,

Jeremia 16:13

Kashika mungunuchiza mu chifuchi chino ni kununyasa ku chifuchi, chipwe yenu chipwe tulamba twenu kachinyingikine. Kwenako munukalingila mazambi eka mwalwa ni ufuku, mumu chichi kanuvwila vumbi nilimwe.

Jeremia 2:12

Enu malilu, lishimwokenu ha chuma chino. Pwenu ni woma wunji; pwenu a hululu. Chocho kanambe Yehova.

Jeremia 22:29

Ena chifuchi! Chifuchi! Chifuchi! Ivwa liji lia Yehova!

Jeremia 32:24

Milumba ya kuseleka hiyakundama ku chihunda kuchitambula, mumu ha katana, ni kapunga, ni chilungo chihunda chino hanachikunjika kuli A-Kaletea waze alinwa nacho. Chize wambile mba hichapwa, ni kumanyi unachimono.

Jeremia 44:22

Yehova te kahashile kusúla ni yitanga yenu yipi, ni yuma ya kuzelwokesa yize nwalingile, kashika chifuchi chenu hichalumuka cha hululu, ni cha kwenyeka, ni shingo, kuchishi atu ndo musono uno.

Jeremia 6:19

Ena hashi panjika ngwami, Ngunaneha chipi hali wano atu, ye mihuko ya kutaka cho. Mumu kapanjikile ku maliji jami, ni shimbi yami hanalitunuyo.

Ezekiel 33:28

Mungukapwisa chifuchi cha kwenyeka, cha hululu, mba ndundo jenyi ja kulengumuka mujikasula. Milundu ya Izalele muyipwa ya kwenyeka, chocho niumwe mapalikamo.

Ezekiel 36:4

kashika enu milundu ya Izalele, ivwenu liji lia Mwene Yehova: Mwene Yehova kanambe ku milundu, ni ku mindundena, ni ku mishitu, ni ku yikulo, ni ku puya ja kwenyeka, ni ku yihunda yize atu jayo hayichina, yize hiyalumuka ya kupupa, ya kulenya ku mavungu akwo a kujingilika,

Alevi 18:28

Kuchina chifuchi muchinusaza ha kuchichisa, ngwe chaasajile ayo akwa vungu lize nwawanyine.

Mika 1:2

Ivwenu enu eswe akwa mavungu; panjika ena hashi ni yuma yeswe yiliho, hanga Mwene Yehova akapwe chela wa kunushindakenya, mwe Mwene ku tembele yenyi yisandu.

Mika 6:2

Enu milundu ivwenu chikuma cha Yehova, ni yenu fundamentu jikolo ja hashi; mumu Yehova kanasumu atu jenyi, makasopa ni A-Izalele.

Luka 21:24

Kumakafwa ku lutwilo wa katana, kumakaatwala funge ku mavungu eswe; ni Yerusaleme kumakayiliata kuli akwa mavungu, ndo miaka ya akwa mavungu muyikamanunuka.

Shimbi 11:17

Mba utenu wa Yehova muukanukasumukina, majika mwilu, kukuchi kapwa vula, minda kuyichi kema mbuto yayo, munukakuwa washiwashi mu chifuchi chipema ananwehecho kuli Yehova.

Shimbi 28:20

Yehova makanutuma shingo, ni kupinda, ni kwámbila, ku yuma yeswe munukalinga ni moko jenu, ndo makanwonwona, ndo munukakuwa washiwashi, mumu te ha yipi ya yilinga yenu, nwangwehukile nayo.

Shimbi 28:22

Yehova makanulamba ni musongo wa mukaka, ni kachiki, ni chivukuminya chá ku mujimba, ni kusasaminya cha kahia, ni katana, ni kukonyata, ni kuunda. Muyikanuhanga ndo munukakuwa.

Shimbi 28:45

Mashingo ano eswe makapwa kuli yenu, makanuhanga, makanuwana, ndo makanwonwona, mumu te kunwapanjikile ku liji lia Yehova Zambi yenu, mukufunga maliji jenyi a shimbi, ni yiyulo yenyi iye wanwambile.

Shimbi 28:61

Weji weswe ni lamba lieswe nawa, kuliasonewene mu mukanda wa shimbi yino, Yehova makalineha kuli yenu ndo munukakuwa.

Shimbi 29:28

Yehova yaatukula ku chifuchi cho ni utenu wenyi, ni ufwatulo wenyi, ni matoto anji, yaambila mu chifuchi cheka, ngwe chapwa musono.

Shimbi 31:28

Ngukungulwilenu makulwana eswe a minyachi yenu, ni yilolo jenu, hanga nguhanjike maliji ano ku matwi jo, ngutambike malilu ni hashi akapwe chela cha kwakumisa.

Shimbi 32:1

Enu malilu panjikenu mba munguhanjika; ena hashi ivwa maliji a mu kanwa liami.

Shimbi 7:4

Mumu o makahambulwisa ana jenu a malunga kungukaula yami, hanga akavumbike tuzambi tweka, chocho utenu wa Yehova muukanukasumukina, Yehova makanwonwona nikawashi.

Shimbi 8:19

Kachi munuvulama Yehova Zambi yenu, nikukaula tuzambi tweka, ni kutuvumbika, ni kutuwayila, chamwenemwene ngunanushindakenya musono ngwami, Kumunukakuwa.

Shimbi 8:20

Enu nawa munukakuwa ngwe mavungu aakuwishile kuli Yehova kumeso jenu mumu te kunusolo kupanjika liji lia Yehova Zambi yenu.

Yoshua 23:16

Nyi munutangula usendo wa Yehova Zambi yenu uze hanwamba, nukaye nikulingila mazambi akwo nikufukama kuli ayo, mba utenu wa Yehova muukalekwoka kulimika ni yenu nukanonge lume washi ha chifuchi chipema hanwaha.

Yoshua 24:20

Nyi munwehuka Yehova nukalingile mazambi a tundaka mba makalumuka akanulinge chipi nikununongesa, muze te hanulinga chipema.