Shimbi 4:23 - MUKANDA USANDU WA ZAMBI 1975

²³ Nukanyame ngwami, Kuchina munuvulama usendo wa Yehova Zambi yenu, aukolesele ni yenu, ha kulisongela kaponya mu kulifwa cha chuma cheswacho Yehova Zambi yenu anukanjishilecho.

Mukanda Wa Zambi 1970

²³ Nukanyama kuchina munuvulama Usendo wa Mwene Zambi, Zambi yenu, uze akolesele ni yenu. Nukafunga Shimbi jenyi, kanda nulisongela umwe hamba,

Shimbi 4:23 Iomraidhean Croise

1 MIANANGANA 17:38

Chikwo nawa kanda nuvulama usendo uze nakolesele ni yenu; kanda nuvwila woma mazambi akwo.

1 Sango Ja Mianangana 16:15

Iwulukenu usendo wenyi ku miaka ya mutolo; iwulukenu liji lize ambile ndo ku kanunu ka yisemuko.

Kutuhuka 23:13

Nukafunge yuma yeswe hinamba kuli yenu. Kanda nukavuluka majina ja tuzambi tweka, chipwe kanda akaevwa ku makanwa jenu.

Izaya 24:5

Hashi hapwa ha luchisa kushi lia yiliato ya waze atwamaho, mumu hanatangula shimbi, hanavulumuna yiyulo, hanashihi usendo wa miaka yeswe.

Jeremia 31:22

Ndo mwiji muka mukakashana, ena mwanami wa pwo mukwa mafwefwe? Mumu Yehova hatanga chuma chaha hano hashi. Pwo majingilika lunga.

Ezekiel 16:59

Ewa, Mwene Yehova kanambe ngwenyi, Mungukalinga ni yena nikulita ni chize yena hiwalinga. Yena hiwalelesa shingo ha kutangula usendo,

Ezekiel 8:10

Chocho yingunjila, yingumona, mba ha yishimi ya kujingilika hasoneka milali yeswe ya tushitu a kukalala, ni tushitu api chikolo, ni tuponya eswe a munyachi wa Izalele.

Malaki 4:4

Iwulukenu shimbi ja kavumbi kami Mose; maliji ni yiyulo yize namutumine ku Horepe hali A-Izalele eswe.

Kwalula 15:39

Jikapwe sapo kuli yenu hanga ha kutalaho nukewuluke maliji eswe a shimbi ja Yehova, nukaalinge, kuchina munukaula mbunge ja yenwene ni meso ja yenwene, yenayo nwakukaula ni kulinga ukoi.

Mateu 24:4

Yesu waakumbulwile ngwenyi, Kanyamenu, niumwe kanda akanupiangula.

Luka 12:15

Iye wambile kuli ayo ngwenyi, Kanyamenu, lifungenu ku kuzo yeswe; mumu mwono wa mutu kuushi kupwa ni kulumbama cha yize ali nayo.

Luka 21:8

Iye wambile ngwenyi, Kanyamenu kanda akanupiangula, mumu anji kumakeza mu jina liami, ngwo, Yami Kristu, ni mwaka hiwakundama: kanda nwakaula.

Shimbi 16:22

Chipwe kaponya kanda nulijikilaye, Yehova Zambi yenu kanaavwila lwaji.

Shimbi 27:15

Kashingiwa mutu yoze masonga kaponya, chipwe mazuzulula umwe, chizelwokeso kuli Yehova, yilinga ya moko ja chilangaji, nikumumika ku tenga. Atu eswe até ngwo, Amene.

Shimbi 27:9

Ni Mose, ni asasendote A-Levi, yahanjika ni atu eswe a Izalele ngwo, Enu A-Izalele holenu, nupanjike. Musono hinwapwa atu a Yehova Zambi yenu.

Shimbi 29:25

Henaho malunga makamba ngwo, Mumu te o ehukile usendo wa Yehova Zambi ya akako, iye waukolesele no muze aachijile mu chifuchi cha Engitu.

Shimbi 31:20

Muze mungwahetesa mu chifuchi nalishingile kuli tulamba two mukwaahacho, kuze kunokela yamwa ni wuchi, ha kulia, ha kukuta, ha kutoha, henaho o makatewulukila ku tuzambi tweka, nikutuvumbika, makangulelesa, makatangula usendo wami.

Shimbi 4:25

Muze nwasema ana ni ajikulu hinwashimbula mu chifuchi, nyi munulilumbula ha kulisongela kaponya mu kulifwa cha mujimba weswawo, ha kulinga chipi kumeso ja Yehova Zambi yenu mukumwihia,

Shimbi 4:9

Chino wika ngwami, Nukanyame, nufunge chikolo mbunge jenu kuchina munuvulama yuma yize hinunayimono, kuchina muyikatuka ku mbunge jenu matangwa eswe a mwono wenu, ni ana jenu ni ajikulu jenu nwanyingikiseyo.

Shimbi 5:2

Yehova Zambi yetu yakolesa usendo ni yetu mu Horepe.

Shimbi 6:12

henaho, nukanyame kuchina munuvulama Yehova wanuchijile mu chifuchi cha Engitu, ku zuwo lia upinji.

Hebreu 3:12

Kanyamenu, mandumbu, kuchina hanji muyipwa muli umwe hakachi kenu mbunge ya ungulungulu ya kuhona Ufulielo, ha kukatuka kuli Zambi ya mwono.

Yoshua 23:11

Kashika nukalinyonge kanawa nukazange Yehova Zambi yenu.

Yoshua 23:16

Nyi munutangula usendo wa Yehova Zambi yenu uze hanwamba, nukaye nikulingila mazambi akwo nikufukama kuli ayo, mba utenu wa Yehova muukalekwoka kulimika ni yenu nukanonge lume washi ha chifuchi chipema hanwaha.