Shimbi 4:21 - MUKANDA USANDU WA ZAMBI 1975

²¹ Chikwo nawa, Yehova yatenuka ni yami mumu hali yenu, yalishinga ngwenyi, Kuchi kuzauka Yordau hanji kunjila mu chifuchi chize chipema, Yehova Zambi yenu ananwehecho, chikapwe chihinga.

Mukanda Wa Zambi 1970

²¹ Mwene Zambi, Zambi yenu, hanangutenukina mumu hali yenu, yalishinga ngwenyi, yena Mose kuuchi kanjila mu chifuchi cha chinuno chize hananwehe.

Shimbi 4:21 Iomraidhean Croise

Kwalula 20:12

Yehova yamba kuli Mose ni Arone ngwenyi, Mumu te kunwafulielele yami, mukungusela ku usandu kumeso ja A-Izalele, kashika kunuchi kahetesa chino chikungulwila ku chifuchi hingunaahecho.

Shimbi 1:37

Yehova yangutenukina nawa mumu hali yenu ngwenyi, Ni yena nawa kuchi kunjilamo.

Shimbi 12:9

Mumu kanda nuchiheta kwa kuhwimina ni ku chihinga Yehova Zambi yenu ananwehecho.

Shimbi 15:4

Hindu kanda kupwa kuli yenu chiswale niumwe, mumu chamwenemwene Yehova makanuwahisa mu chifuchi ananwehecho kuli Yehova Zambi yenu, chikapwe chihinga, nukachizuke,

Shimbi 19:10

kuchina mamwanga manyinga ja mukwa kusamba mukachi ka chifuchi chenu Yehova Zambi yenu ananwehecho chikapwe chihinga, kuchina mutonga wa manyinga muupwa kuli yenu.

Shimbi 19:3

Nukalilulikile majila ni kupula chifuchi chenu yihanda yitatu Yehova Zambi yenu ananwehecho chihinga, hanga mweswe mukwa kushiha mutu akachinyineko.

Shimbi 20:16

Ahoze membo a atu ano Yehova Zambi yenu ananweho apwe chihinga, kanda nukafunga niumwe wa mwono wakuhwima mwiku,

Shimbi 21:23

mujimba wenyi kanda usala ku mutondo ufuku weswe. Numufunde tangwa lioliene, mumu mutu wasukama ku mutondo kapwa shingo lia Zambi, kuchina munuchisa chifuchi chenu Yehova Zambi yenu ananwehecho chikapwe chihinga.

Shimbi 24:4

lunga lienyi mutangu, wamukatwishile, kanda akamumbata cheka nawa kupwa mukwo-pwo muze te halichisa, mumu acho chizelwokeso kumeso ja Yehova. Kanda nuvulumwisa chifuchi chize Yehova Zambi yenu ananwehecho chikapwe chihinga.

Shimbi 26:1

Muze muheta mu chifuchi Yehova Zambi ye anakwehecho chihinga, uchizuke, ni kutwamamo,

Shimbi 3:26

Alioze Yehova yatenuka ni yami mumu hali yenu, kapanjikile kuli yami. Yehova yamba kuli yami ngwenyi, Kwahwa! Kanda uhanjika nawa ni yami ha kutwala ku chikuma chino.

Shimbi 31:2

Yamba ngwenyi, Musono uno nguli ni kulakaji lia miaka ni makumi aali a miaka, Chahashile nawa kutuhwoka ni kunjilanjila. Yehova hamba kuli yami ngwenyi, Kuchi kuzauka yono Yordau.