Shimbi 4:2 - MUKANDA USANDU WA ZAMBI 1975

² Kanda nuweza ku liji ngunanwambelio chipwe kutepululako. Nufunge maliji a shimbi a Yehova Zambi yenu nanwamba.

Mukanda Wa Zambi 1970

² Kanda nuweza Chuma nichimwe ku yize ngunanwambe, chibwe kuchiza ko chikwo. Ononokenu ku Shimbi ja Mwene Zambi, Zambi yenu, jize hingunanulongesa.

Shimbi 4:2 Iomraidhean Croise

Miaso (Masamu) 78:7

Hanga akasele kutalatala cho muli Zambi, nikuvulama yitanga ya Zambi ka, alioze akafunge shimbi jenyi.

Yishima 30:6

Kanda uweza ku maliji jenyi kuchina makukanjisa mba makumona uli mukwa mahuza.

Longeshi 12:13

Songo lia chikuma; cheswe twachivwa. Vwila woma Zambi, ni kufunga shimbi jenyi, mumu henaho hasulila milimo ya mutu.

Jeremia 26:2

Yehova kanambe ngwenyi, Manyina mu yize ya zuwo lia Yehova ukahanjike kuli akwa yihunda yeswe ya Yunda waze akwiza kuwayila mu zuwo lia Yehova maliji eswe mungukwaha kuhanjika no. Kanda uhichika chipwe liji limuwika.

Mateu 5:18

Mumu pundu, ngunambe kuli yenu ngwami, Ndo lilu ni hashi muyihwa, toshi limuwika hanji toma yimuwika kuyichi kahwa nichimwe ku shimbi ndo yeswe muyiza kupwa.

Mateu 5:43

Hinunevu ngwe achambile ngwo, Ukazange mwenyembo we, ukavwile kole mukwa kole ye:

Galashia 3:15

Mandumbu, ngunahanjika nikulita ni atu ngwami, Chipwe usendo wa atu tuhu, hindu muze haukolesa, niumwe maulelesa, hanji mawezaho.

Shimbi 1:3

Mba ha mwaka makumi awana, ha kakweji kumi ni limuwika, ha tangwa litangu lia mwe kakweji, Mose yamba kuli A-Izalele, nikulita ni yeswe amuhele Yehova ni shimbi hali ayo,

Shimbi 12:32

Cheswacho ngunanwambecho, nukanyame kuchilinga. Kanda nuwezako, chipwe kanda nutepululako.

Shimbi 13:1

Kachi mukachi kenu mukupwa profeta, hanji mukwa kulota yilota, manwaha chilayi, hanji chikomokeso,

Shimbi 33:4

Mose yatwaha shimbi, ayo chihinga cha chikungulwila cha Yakomba.

Shimbi 4:14

Yehova yangwamba ha mwaka uze ngunulongese yiyulo ni upatwilo, hanga nuyilinge mu chifuchi nunazauka kuchizuka.

Shimbi 4:40

Nufunge yiyulo yenyi ni maliji jenyi a shimbi, ngunanwambeyo musono, hanga nutwame kanawa; ana jenu nawa kulutwe lienu akatwame kanawa, hanga nwokese matangwa jenu mu chifuchi Yehova Zambi yenu ananwehecho cha mutolo.

Shimbi 4:5

Kutala! Nanulongesele yiyulo ni upatwilo, ngwe Yehova Zambi yami wangwambile, nulinge chizechene mu chifuchi nunayi kuchizuka.

Shimbi 5:29

Kachi mapwa ni mbunge yino muli ayo, hanga anguvwile woma, afunge maliji jami eswe a shimbi matangwa eswe, hanga atwame kawape, ana jo nawa atwame kawape cha mutolo.

Shimbi 5:32

Kashika nukanyame kanawa, nuyilinge ngwe Yehova Zambi yenu hanwamba; kanda nuhambuluka ku chindume chipwe ku chimeso.

Yoshua 1:7

Takama wika. Pwako ni hamu linji, nikufunga kanawa shimbi jeswe kavumbi kami Mose wakutumine. Kanda upiasuka ku chindume hanji ku chimeso, hanga yuma ye yikawahe kweswako muoya.

Yoshua 8:35

Nilimwe liji kuliasalile lia kutuma kuli Mose, Yoshua yaatanga eswe kumeso ja chikungulwila cha Izalele, ni mapwo, ni ana, ni njize waze atwamine hakachi ko.