Shimbi 4:16 - MUKANDA USANDU WA ZAMBI 1975

¹⁶ Kuchina munulilumbula nikulisongela kaponya mu kulifwa cha mujimba weswawo, hanji mu kulifwa cha lunga, hanji cha pwo,

Mukanda Wa Zambi 1970

¹⁶ nyi ka munuvulumuna ha kulisongela hamba hanji chimwe Chuma chize chalifwa ni lunga hanji ni pwo,

Shimbi 4:16 Iomraidhean Croise

Kutuhuka 32:7

Yehova yamba kuli Mose ngwenyi, Yako upalumuke, mumu atu je waze yena waachijile ku chifuchi cha Engitu halichisa.

Izaya 40:18

Nyi chocho neka munutesa Zambi? Kulifwa chenyi kuchi munuchipwisa?

Izaya 44:13

Karpinteru kakulema muhipu ni kufunjika ni lapi. Kakweseka ni palaina ni kompaso kaponya wa kulifwa ni mutu, ni upeme wa mutu, akatwame mu zuwo.

Ezekiel 8:10

Chocho yingunjila, yingumona, mba ha yishimi ya kujingilika hasoneka milali yeswe ya tushitu a kukalala, ni tushitu api chikolo, ni tuponya eswe a munyachi wa Izalele.

Alevi 19:4

Kanda nutewulukila ku tuponya, hanji ku tuzambi twa kuzuzulula. Yami Yehova Zambi yenu.

Alevi 26:1

Kanda nulilingila tuponya. Kanda numika kulifwa chimwe cha kwola hanji liwe limwe. Kanda numika liwe lia kwola mu chifuchi chenu. Kanda nulihetamina ku yino yuma mumu yami Yehova Zambi yenu.

Yoano 4:24

Zambi iye Spiritu: ni waze akumuwayila chaatamba kumuwayila mu uspiritu ni mu umwenemwene.

Yilinga 17:29

Se kashika tuli ana a Zambi, kuchatutambile kushinginyeka ngwe Uzambi unalifu ni oru, hanji prata, hanji liwe, kaponya wa kwola ni ulangaji ni chishinginyeka cha atu.

Shimbi 16:22

Chipwe kaponya kanda nulijikilaye, Yehova Zambi yenu kanaavwila lwaji.

Shimbi 27:15

Kashingiwa mutu yoze masonga kaponya, chipwe mazuzulula umwe, chizelwokeso kuli Yehova, yilinga ya moko ja chilangaji, nikumumika ku tenga. Atu eswe até ngwo, Amene.

Shimbi 31:29

Mumu ngunanyingika ngwami, Kulutwe lia kufwa chami kumunukalilumbula liakulu, munukahambuluka ku jila nanwambileyo, yipi muyiza kunuwana ha matangwa a kusula, mumu munukalinga chipi kumeso ja Yehova, mukumwihia ku yitanga ya moko jenu.

Shimbi 4:23

Nukanyame ngwami, Kuchina munuvulama usendo wa Yehova Zambi yenu, aukolesele ni yenu, ha kulisongela kaponya mu kulifwa cha chuma cheswacho Yehova Zambi yenu anukanjishilecho.

Shimbi 4:25

Muze nwasema ana ni ajikulu hinwashimbula mu chifuchi, nyi munulilumbula ha kulisongela kaponya mu kulifwa cha mujimba weswawo, ha kulinga chipi kumeso ja Yehova Zambi yenu mukumwihia,

Shimbi 5:8

Kanda ukalisongela kaponya, chipwe wa kulifwa ni chuma chimwe cha mwilu, chipwe chuma cha hashi, chipwe chuma cha mu meya mushi lia hashi.

Shimbi 5:9

Kanda ukafukama kuli ayo, chipwe kwalingila, ka, mumu yami Yehova Zambi ye, nguli Zambi ya ukwa, nikufwetesa ana uhenge wa atato ndo ku chisemuko chamuchitatu ni chamuchiwana cha waze akunguvwila kole;

Shimbi 9:12

Yehova yamba kuli yami ngwenyi, Katuka, upalumukeko washi, mumu atu je waachijile mu Engitu hanalilumbula, hanahambuluka ku jila naambileyo, hanalizuzulwila kaponya.

1 Timoteu 1:17

Haliapwila kuli Mwanangana wa mutolo, keshi kuhasa kupola, keshi kumoneka, mwe Zambi umuwika, ulemu ni uhenya ukapwe ndo ku miaka yeswe ya mutolo. Amene.