Shimbi 4:13 - MUKANDA USANDU WA ZAMBI 1975

¹³ Yanulumbunwina usendo wenyi anwambilewo nuulinge, te kumi lia shimbi, iye yajisoneka ha mikanda yiali ya mawe.

Mukanda Wa Zambi 1970

¹³ Yanulweza chize chanutamba kufunga Shimbi ja Usendo uze akolesele ni yenu, chanutamba kwononokena Shimbi kumi jize asonekene ha mawe aali.

Shimbi 4:13 Iomraidhean Croise

1 Yitanga Ya Mianangana 8:9

Kumwapwile nichimwe mu mushete shina mawe aali aze Mose waselemo ku Horepe muze Yehova yakolesa usendo ni A-Izalele ha kukatuka ku chifuchi cha Engitu.

Miaso (Masamu) 119:4

Hiunatwambe tukafunge ndongo je, nikujimanununa kanawa.

Kutuhuka 19:5

Kashika haliapwila, nyi munuzeya chamwenemwene ku liji liami nikufunga usendo wami, mba kumunukapwa kuli yami upite wami wa kutongola hakachi ka mavungu eswe, mumu hashi heswe ha mbala ha yami.

Kutuhuka 24:12

Yehova yamba kuli Mose ngwenyi, Kanduka ha mulundu ndo kuli yami, utwameko. Mungukwaha mawe ni shimbi ni maliji a shimbi, yize hingunasoneka, ukayilongese.

Kutuhuka 31:18

Muze Yehova hamana kulishimwinya nenyi ha mulundu wa Sinai, yahana kuli Mose mikanda yiali ya Shindakenyo, te mikanda ya mawe ya kusoneka ni munwe wa Zambi.

Kutuhuka 34:1

Yehova yamba kuli Mose ngwenyi, Ulitotele mawe aali a kulifwa ni atangu. Mungusoneka ha e mawe maliji aze apwile ha mawe atangu aze unakashiha.

Kutuhuka 34:28

Iye wapwile kuze hamwe ni Yehova makumi awana a matangwa ni makumi awana a ufuku. Kalile, chipwe kunwa, kanwine. Iye yasoneka ha mawe maliji a usendo, e maliji kumi.

A-ROMA 9:4

o A-Izalele; waze aapwishile ana, ni uhenya, ni usendo, ni kuhana cha shimbi nicho; ni uvumbiko wa Zambi, ni yilakenyo;

2 Korintu 3:7

Alioze kachi uvumbiko wa kufwa, ni sona ja kwola ha mawe, wejile ni uhenya, chocho ana a Izalele kahashile kuhulikila meso kuli Mose, mumu ha uhenya wa ku meso jenyi, uhenya uze te unahu.

Shimbi 4:12

Yehova yahanjika ni yenu liji Unatuhuka mukachi ka ke kahia, enu nwevwile kuhiohia cha maliji ahoze kunwamwene mujimba niumwe, yinwivwa liji tuhu.

Shimbi 4:14

Yehova yangwamba ha mwaka uze ngunulongese yiyulo ni upatwilo, hanga nuyilinge mu chifuchi nunazauka kuchizuka.

Shimbi 5:22

Maliji ano ambile Yehova ha mulundu ku chikungulwila cheswe, liji Unatuhuka mukachi ka ke kahia, ni ku lelwa, ni ku milima pwi, ni liji linene. Kawezeleko nichimwe. Yaasoneka ha mikanda yiali ya mawe, yangwahayo yami.

Hebreu 9:4

uli ni chilumbilo cha oru, cha insensu, ni mushete wa usendo wa kufuka ni oru ha malumbu eswe; muze mwapwile ndeho ya oru, yize yapwile ni maná, ni mulumbu wa Arone, uze watemwine, ni mawe ja usendo.