Shimbi 4:12 - MUKANDA USANDU WA ZAMBI 1975

¹² Yehova yahanjika ni yenu liji Unatuhuka mukachi ka ke kahia, enu nwevwile kuhiohia cha maliji ahoze kunwamwene mujimba niumwe, yinwivwa liji tuhu.

Mukanda Wa Zambi 1970

¹² Nukaalweza chize Mwene Zambi ahanjikile kuli yenu mu kahia, ni chize nwamuvwile ni kuhanjika alioze kunwamumwene ko chize abwa.

Shimbi 4:12 Iomraidhean Croise

Kutuhuka 19:9

Yehova yamba kuli Mose ngwenyi, Mungwiza kuli yena mu lelwa lilá hanga e atu evwe muze munguhanjika ni yena, akakufuliele nawa ndo ku miaka ya mutolo. Mose yambulwila Yehova maliji a e atu.

Kutuhuka 20:22

Yehova yamba kuli Mose ngwenyi, Chocho ukambe kuli A-Izalele ngwe, Yenwene hinwamona ngwami, Kwilu hinahanjika ni yenu.

Izaya 30:21

Muze munukondoloka hanji ku chindume, hanji ku chimeso, matwi jenu nawa mevwa liji kunyima yenu lia kwamba ngwo, Ye jila, yino; endelemo.

Izaya 40:18

Nyi chocho neka munutesa Zambi? Kulifwa chenyi kuchi munuchipwisa?

Izaya 40:3

Liji limwe linatambika ngwo, Lulikenu jila ya Yehova mu puya, lulamisenu tapalo lia Zambi yetu ha kango.

Izaya 40:6

Liji limwe Unambe ngwo, Kololoka! Nahula ngwami, Yika mungwamba? Musunya weswe wapwa ngwe mwambu, ni upeme wawo weswe ngwe yitemo ya mu yambu.

Kwalula 12:8

Nakuhanjika nenyi kanwa ni kanwa, zwa lume, hi ni yitaka ko, ka. Iye kumakamona kulifwa cha Yehova. Kuchi te kunwevwile woma kuhanjika nikulimika ni Mose kavumbi kami?

Mateu 17:5

Shimbu te machihanjika, lelwa lia kutemuka liaazulaminyine Chizulie, ni liji liatuhukile mu lelwa ngwo, Yono mwe Mwanami, ngunamuzange chikolo, muli iye ngunawahilila; mwivwenu.

Mateu 3:17

Ni liji liatuhukile mu malilu ngwo, Yono mwe Mwanami, ngunamuzange chikolo, muli iye ngunawahilila.

Mateu 3:3

Mumu yono amuvulukile ku kanwa lia profeta Izaia ngwenyi, Liji lia yoze wakukololoka mu puya ngwo, Lulikenu jila ya Mwene, Lulamisenu yikoka yenyi.

Shimbi 10:4

Iye yasoneka ha mawe nikulita ni kusoneka chitangu, kumi lia shimbi, Yehova wajambile kuli yenu ha mulundu, liji Unatuhuka mukachi ka kahia ha tangwa lia chikungulwila. Yehova yangwaho yami.

Shimbi 4:11

Yinukundama, yinumana ku kulwa mulundu, we mulundu unachiweme ni kahia ndo ku malilu, ni milima, ni lelwa, ni milima pwi lume.

Shimbi 4:13

Yanulumbunwina usendo wenyi anwambilewo nuulinge, te kumi lia shimbi, iye yajisoneka ha mikanda yiali ya mawe.

Shimbi 4:15

Kashika nukanyame kanawa, mumu kunwamwene mujimba niumwe ha tangwa lize Yehova wahanjikile ni yenu mu Horepe liji Unatuhuka mukachi ka ke kahia.

Shimbi 4:33

Te kwapwile atu amwe evwile liji lia Zambi Unatuhuka mukachi ka kahia, ngwe yenu nwevwile, mba atwamine a mwono nyi?

Shimbi 4:36

Yanuvwisa liji lienyi Unatuhuka mwilu, anufumbe. Hano hashi yanumwesa kahia kenyi kanene. Nwevwile maliji jenyi anatuhuka mukachi ka kahia.

Shimbi 5:22

Maliji ano ambile Yehova ha mulundu ku chikungulwila cheswe, liji Unatuhuka mukachi ka ke kahia, ni ku lelwa, ni ku milima pwi, ni liji linene. Kawezeleko nichimwe. Yaasoneka ha mikanda yiali ya mawe, yangwahayo yami.

Shimbi 5:4

Yehova yahanjika ni yenu meso ni meso ha mulundu, liji Unatuhuka mukachi ka kahia.

Shimbi 9:10

Yehova yakunjika kuli yami ye mikanda yiali ya mawe ya kusoneka ni munwe wa Zambi, kwasoneweneho nikulita ni maliji eswe Yehova wambile kuli yenu ha mulundu, liji Unatuhuka mukachi ka kahia, ha tangwa lia chikungulwila.

Kolosu 1:15

Mwenawo che kulifwa cha Zambi, yoze keshi kumoneka, iye mutangu wa yuma yeswe ya kutanga:

Hebreu 12:19

ni kuhanjika cha chitavwi, ni kuhanjika cha maliji; chize waze evwile, alembele nilimwe liji likwo kanda akahanjika kama kuli ayo;