Shimbi 4:11 - MUKANDA USANDU WA ZAMBI 1975

¹¹ Yinukundama, yinumana ku kulwa mulundu, we mulundu unachiweme ni kahia ndo ku malilu, ni milima, ni lelwa, ni milima pwi lume.

Mukanda Wa Zambi 1970

¹¹ “Nukalweza ana jenu chize nwayile ni kumana ku mulundu uze afukile malelwa waze akwete ndama ya mwishi uze wafwindanganyine ni milima ni milengi ya kahia yize yalekwokele ndoo mwilu.

Shimbi 4:11 Iomraidhean Croise

2 Samuel 22:10

Wahetamishine malilu nawa, wahulumukine. Kushi lia yiliato yenyi kwapwile milima pwi.

1 Yitanga Ya Mianangana 19:12

Kulutwe lia munyiko kwejile kahia alioze Yehova kapwile mu kahia. Kulutwe lia kahia kwejile liji limwe likepe lia vumbi.

Miaso (Masamu) 18:11

Watengele milima ngwe chiswamo chenyi, ngwe mbalaka yenyi; kulá cha meya; malelwa a pwi mwilu.

Miaso (Masamu) 97:2

Malelwa ni milima yamujingilika. Ululi ni upatwilo yapwa ngwe fundamentu ya ngunja yenyi.

Kutuhuka 19:9

Yehova yamba kuli Mose ngwenyi, Mungwiza kuli yena mu lelwa lilá hanga e atu evwe muze munguhanjika ni yena, akakufuliele nawa ndo ku miaka ya mutolo. Mose yambulwila Yehova maliji a e atu.

Shimbi 4:12

Yehova yahanjika ni yenu liji Unatuhuka mukachi ka ke kahia, enu nwevwile kuhiohia cha maliji ahoze kunwamwene mujimba niumwe, yinwivwa liji tuhu.

Shimbi 5:23

Ha kwivwa liji Unatuhuka mukachi ka ye milima, te mulundu unachiweme ni kahia, enu nwakundamine kuli yami, te akwa lutwe eswe a minyachi yenu hamwe ni makulwana jenu,