Shimbi 4:1 - MUKANDA USANDU WA ZAMBI 1975

¹ Enu A-Izalele panjikenu ku yiyulo ni ku upatwilo ngunanulongesa, nuyilinge, hanga nupwe ni mwono, nunjile ni kuzuka chifuchi Yehova Zambi ya tulamba twenu ananwehecho.

Mukanda Wa Zambi 1970

¹ Mba Mose yambila atu ngwenyi: “Ononokenu ku Shimbi jeswe jize ngunanulongesa, mba munubwa ni mwono nukazuke chifuchi chize ananwehe Mwene Zambi, Zambi ya tushakulu twenu.

Shimbi 4:1 Iomraidhean Croise

Miaso (Masamu) 105:45

hanga akafunge yiyulo yenyi nikumanununa shimbi jenyi. Halisenu Yehova!

Miaso (Masamu) 119:4

Hiunatwambe tukafunge ndongo je, nikujimanununa kanawa.

Kutuhuka 18:20

Ukaalongese ye yiyulo ni je shimbi, ukaalweze jila o chaatamba kwendamo, ni milimo o chaatamba kulinga.

Jeremia 11:6

Yehova wambile kuli yami ngwenyi, Ambujola maliji wano eswe mu yihunda ya Yunda, ni mu matapalo a Yerusaleme ngwe, Ivwenu maliji a usendo uno nukaalinge.

Ezekiel 11:20

hanga akende mu yiyulo yami, ni kufunga shimbi jami, nikujononokena. O kumakapwa atu jami, ni yami mungukapwa Zambi yo.

Ezekiel 20:11

Yingwaaha yiyulo yami ni kwalweza shimbi jami jize mutu matwama ni mwono ha kujifunga.

Ezekiel 20:21

Alioze ana yangukatukila, kendele mu yiyulo yami, katalile kanawa kufunga shimbi jami jize atu kakutwama ni mwono ha kujifunga. Ajilwile masambata jami. Yingunyonga kwazukwila ufwatulo wami ni kuhwisa utenu wami hali ayo mu puya.

Ezekiel 36:27

Mba mungukasa Spiritu yami muli yenu; mungukanwendesa nikulita ni yiyulo yami, munukatala kanawa kufunga shimbi jami.

Ezekiel 37:24

Kavumbi kami David kumapwa mwanangana wo, no eswe kumakapwa ni kafunga umuwika. Kumakakaula shimbi jami; kumakatala kanawa kufunga yiyulo yami.

Alevi 18:5

Kashika munufunga yiyulo yami ni shimbi jami. Ha kulinga chocho mutu matwama ni mwono. Yami Yehova.

Alevi 19:19

Fungenu yiyulo yami. Kanda nutayiza yimuna jenu kusema ni vungu lieka. Kanda nukuwa mbuto jiali munda umuwika. Kanda nuzala mazalo a mahina aali alipwila.

Alevi 19:37

Munukafunga yiyulo yami yeswe ni shimbi jami jeswe kuyilinga. Yami Yehova.

Alevi 20:8

Fungenu yiyulo yami nukayilinge. Yami Yehova mukwa kunusela ku usandu.

Alevi 22:31

Chocho nukafunge shimbi jami nikujilinga. Yami Yehova.

Mateu 28:20

nikwalongesa kufunga yuma yize yeswe nanuhele shimbi: nyingikenu, yami kunguli hamuwika ni yenu matangwa eswe ndo kumanunuka cha mwaka. Amene.

Luka 1:6

O, eswe aali, apwile akwa ululi kumeso ja Zambi, kanende mu maliji eswe a shimbi ni upatwilo wa ululi wa Mwene, keshi kapalia.

Yoano 15:14

Yenu nuli tusendo twami, kachi munulinga cheswacho mungunwamba.

A-ROMA 10:5

Mumu Mose kanasoneka ngwenyi Mukwa kulinga ululi uze wa ku shimbi kumakapwa ni mwono nawo.

Shimbi 1:3

Mba ha mwaka makumi awana, ha kakweji kumi ni limuwika, ha tangwa litangu lia mwe kakweji, Mose yamba kuli A-Izalele, nikulita ni yeswe amuhele Yehova ni shimbi hali ayo,

Shimbi 1:8

Kutala! Ngunase kumeso jenu che chifuchi, nunjilemo, nuchizuke, Yehova walishingile kuli tulamba twenu, kuli Apalahama, ni kuli Izake, ni kuli Yakomba mukwaahacho ni ku munyachi wo kulutwe lio.

Shimbi 11:1

Kashika, zangenu Yehova Zambi yenu, nufunge ulayilo wenyi, ni yiyulo yenyi, ni upatwilo wenyi, ni maliji jenyi a shimbi matangwa eswe.

Shimbi 11:32

nukanyame, nulinge yiyulo yeswe ni upatwilo ngunase kumeso jenu musono.

Shimbi 13:1

Kachi mukachi kenu mukupwa profeta, hanji mukwa kulota yilota, manwaha chilayi, hanji chikomokeso,

Shimbi 16:20

Nukaule we ululi lume, nupwe ni mwono ni kuzuka chifuchi Yehova Zambi yenu ananwehecho.

Shimbi 30:16

Ngunanwambe musono, nuzange Yehova Zambi yenu, nwende mu majila jenyi, nufunge maliji jenyi a shimbi, ni yiyulo yenyi, ni upatwilo wenyi, hanga nupwe ni mwono, nwoke, hanga Yehova Zambi yenu anuwahise mu chifuchi nunayi kuchizuka.

Shimbi 30:19

Ngunatambika malilu ni hashi yinushindakenye musono ngwami, Hinasa kumeso jenu mwono ni kufwa, chiwape ni shingo, kashika, tongolenu mwono hanga nupwe ni mwono, ni yenu ni ana jenu.

Shimbi 30:20

Mukuzanga Yehova Zambi yenu, mukuzeya ku liji lienyi, mukumulalaminya, mumu iye mwono wenu, ni kwoka cha matangwa jenu, hanga nutwame mu chifuchi Yehova walishingile kuli tulamba twenu, kuli Apalahama, ni kuli Izake, ni kuli Yakomba, akaahecho.

Shimbi 4:40

Nufunge yiyulo yenyi ni maliji jenyi a shimbi, ngunanwambeyo musono, hanga nutwame kanawa; ana jenu nawa kulutwe lienu akatwame kanawa, hanga nwokese matangwa jenu mu chifuchi Yehova Zambi yenu ananwehecho cha mutolo.

Shimbi 4:45

Shindakenyo jino, ni yiyulo yino, ni upatwilo uno, ambile Mose kuli A-Izalele ha kukatuka mu Engitu,

Shimbi 4:8

Vungu lika linene liliko Ukwete yiyulo ni upatwilo ya ululi ngwe shimbi yino yeswe hinasa kumeso jenu tangwa Uno?

Shimbi 5:1

Mose watambikile kuli A-Izalele eswe ngwenyi, Enu A-Izalele, ivwenu yiyulo ni upatwilo ngunambe mu matwi jenu musono, nulilongeseyo, nukayifunge, nuyilinge.

Shimbi 5:33

Nwende mu jila yeswe Yehova Zambi yenu hanwamba, hanga nupwe ni mwono, nutwame kawape, hanga nwokese matangwa jenu mu chifuchi munuzuka.

Shimbi 6:1

Achi, liji lino lia shimbi, ni yiyulo yino, ni upatwilo uno, Yehova Zambi yenu wambile ngunulongeseyo hanga nuyilinge mu chifuchi nunazauka kuchizuka.

Shimbi 6:24

Yehova yatwamba tulinge yiyulo yino yeswe, tuvwile woma Yehova Zambi yetu, chikapwe chipema chetu matangwa eswe, iye atufunge a mwono, ngwe chinapu musono.

Shimbi 7:11

Enu, kashika, nufunge liji lia shimbi, ni yiyulo, ni upatwilo ngunanwambeyo musono, mukuyilinga.

Shimbi 8:1

Kanyamenu nulinge liji lieswe lia shimbi ngunanwambelio musono hanga nutwame ni mwono, ni kwoka, ni kunjila, ni kuzuka chifuchi chize walishingile Yehova kuchihana kuli tulamba twenu.

Shimbi 8:11

Nukanyame kuchina munukavulama Yehova Zambi yenu ha kulituna kufunga maliji jenyi a shimbi, ni upatwilo wenyi, ni yiyulo yenyi, ngunanwambeyo musono.

Shimbi 9:1

Enu A-Izalele, ivwenu, munuzauka Yordau musono, mununjila mu chifuchi, mukuhuma mavungu ananuhiana ni unene, ni ndundo, membo anene, ni yipanga ndo mwilu,

Yoshua 3:9

Yoshua yamba kuli A-Izalele ngwenyi, Tweyenu hano nwivwe maliji a Yehova Zambi yenu.