Shimbi 34:3 - MUKANDA USANDU WA ZAMBI 1975

³ ni ku Negeve ni chana cha chikulo cha Yeriku, limbo lia mingaji ndo ku Zoare.

Mukanda Wa Zambi 1970

³ ni chifuchi cha ku sude cha Yuda; ni chana chize ku Zoare ndoo ku Yeriku, limbo lia mingaji.

Shimbi 34:3 Iomraidhean Croise

Ubutukilo 13:10

Mba Lote yahetula meso jenyi, yatala chana cheswe cha Yordau chatuchikile kweswe kanawa ni meya shimbu te Yehova kanda anongesa Sondome ni Ngomora; ngwe chála cha Yehova, ngwe chifuchi cha Engitu ha kutalikisa ku Zoare.

Ubutukilo 14:2

O ashile jita ni Mbera mwanangana wa Sondome ni Mbisha mwanangana wa Ngomora, ni Shinape mwanangana wa Andama, ni Shemene mwanangana wa Zepoime, ni mwe mwanangana wa Mbela (likwo Zoare).

Ubutukilo 14:8

Yikutuhuka mwanangana wa Sondome, ni mwanangana wa Ngomora, ni mwanangana wa Andama ni mwanangana wa Zepoime, ni mwanangana wa Mbela (likwo Zoare), yalisela mu chikulo cha Shindime akase jita;

Ubutukilo 19:22

Tambuka. Chinyinako, mumu chahashile kulinga nichimwe ndo hiwachinyinako. Kashika yaluka limbo lize jina lialio, Zoare.

2 Sango Ja Mianangana 28:15

Mba wano, hatongola majina jo, yakatuka, yanda e funge, yajika ni yuma ya upite uze waze eswe apwile ni uvu, yaawahisa, yaaha haku, yaalisa, yaanwisa, yaakwita ni maji, yambata akwa kuhonga hali yimbulu, yaaneha ku Yeriku, chihunda cha mingaji, kuli usoko wo, mba yahiluka ku Samaria nawa.

Kwalula 34:3

henaho chifuchi chenu cha ku Sule chikapwe chize ku puya ya Zini nikupalika ku sali lia Endome, njiza yenu ya ku Sule yikapwe chize ku songo lia Chitende cha Mungwa nikutwala ku Chivumbuko.

Akwa Kuyula 1:16

A-Kene, waze asemukine kuli tato-weno wa Mose, o akandukile hamwe ni A-Yunda katu ku chihunda cha mingaji ndo ku puya ya Yunda mu Negeve hakamwihi ni Arata. Akandukile nikutunga ni e atu.

Akwa Kuyula 3:13

Eglone wakungile kuli iye A-Amone, ni A-Amaleke, yaya, yakumba A-Izalele, yatambula limbo lia mingaji.