Shimbi 34:1 - MUKANDA USANDU WA ZAMBI 1975

¹ Mose yakatuka ku yana ya Moape, yakanduka ha mulundu wa Nebo, ndo ku mbulwa Pisiga, yatalangana ni Yeriku. Yehova yamulweza chifuchi cheswe cha Ngiliate ndo ku Ndane,

Mukanda Wa Zambi 1970

¹ Mose yakatuka ku yana ya Moabe, yakanduka ha mulundu wa Nebo, ha mulundu wa Pisga ku chivumbuko cha Yeriku. Kwenako Mwene Zambi amulwezele chifuchi cheswe: chifuchi cha Gileade ndoo ku limbo lia Dane ku norde;

Shimbi 34:1 Iomraidhean Croise

Ubutukilo 13:14

Muze Lote halihandununa kuli iye Yehova yamba kuli Apalama ngwenyi, Hetula meso je utale chize kuma kuno watwama ku Norte ni ku Sule ni ku Chivumbuko ni ku Chitokelo.

Ubutukilo 14:14

Muze Apalama yevwa ngwo, Usoko we hamukwata funge, yatwala atu jenyi a kufumba, waze asemukine mu zuwo lienyi, makulakaji atatu ni kumi ni nake, yaahanga ndo ku Ndane.

Ezekiel 40:2

Mu usolwelo wa Zambi liangunehene ku chifuchi cha Izalele ni kungutumbika ha mulundu umwe usuku chikolo, henaho hapwile ngwe kweseka cha chihunda ha sali lia ku Sule.

Kwalula 21:20

Katuke ku Mbamote ndo ku chikulo chatwama ku chifuchi cha Moape, ndo ku mbulwa Pisiga kwalitalikisa ku mwanda ku puya.

Kwalula 23:14

Yamutwala ku chifuchi cha Zofime, ndo ku mbulwa Pisiga, yatunga yilumbilo shimbiali, yalambula kuji ya ngombe umuwika, ni kuji ya panga umuwika ha chilumbilo ni chilumbilo.

Kwalula 27:12

Yehova yamba kuli Mose ngwenyi, Ukanduke ha mulundu uno wa Aparime utale chifuchi hingunahana kuli A-Izalele.

Kwalula 33:47

Yakatuka ku Alamone-Ndiblataime, yasa chilombo cho ku milundu ya Aparime, kulutwe lia Nebo.

Shimbi 3:27

Ukanduke ku mbulwa mulundu wa Pisiga uhetule meso je utale ku Chitokelo, ni ku Norte, ni ku Sule, ni ku Chivumbuko, utale ni meso je; mumu kuchi kazauka yono Yordau.

Shimbi 32:49

Kanduka mulundu uno wa Aparime, ku mulundu wa Nebo uli mu chifuchi cha Moape, watalangana ni Yeriku, utale chifuchi cha Kanana, munguchihana kuli A-Izalele akachizuke.

Shimbi 32:52

Mumu mumona chifuchi chize chili kulutwe lie, alioze kuchi kunjila mu chifuchi ngunahana kuli A-Izalele.

Shimbi 34:4

Yehova yamba kuli iye ngwenyi, Chifuchi chino nalishingile kuli Apalahama, ni kuli Izake, ni kuli Yakomba, ngwami, Mungukachihana kuli ana jenu. Hinakumwesacho ku meso je, alioze kuchi kazauka nikuyako.

Yoshua 19:47

Muze chifuchi cha A-Ndane chaatokele, A-Ndane akandukile nikwasa jita ni A-Lesheme. Mba muze hachitambula yashiha e atu ni katana, achizukile nikuchitunga, nikuluka chihunda cha Lesheme ngwo, Ndane, nikulita ni kalamba ko Ndane.

Yoshua 22:9

Chocho A-Rupene, ni A-Ngate, ni chihanda cha ha muchima cha munyachi wa A-Manase ahilukilile ku mahio nikulihandununa kuli A-Izalele ku Shilo mu chifuchi cha Kanana, akaye ku chifuchi cha Ngiliate, chifuchi choene chize hahinga nikulita ni shimbi ya Yehova kuli Mose.

Usolwelo 21:10

Iye wangumbachile mu Spiritu ku mulundu unene, usuku, wangulwezele limbo lisandu, Yerusaleme, linahulumuka mwilu lia kuli Zambi.

Akwa Kuyula 18:29

Yaluka limbo ngwo, Ndane, nikulita ni jina lia kalamba ko Ndane yoze amusemene kuli Izalele, alioze jina lia limbo hatangu te Laishe.