Shimbi 33:1 - MUKANDA USANDU WA ZAMBI 1975

¹ Mose mwe mutu wa Zambi shimbu kanda afwa wawahishile A-Izalele ni yiwape yino,

Mukanda Wa Zambi 1970

¹ Mose, mutu wa Zambi, shimbu te kanda achifwa, yawahisa Aisraele.

Shimbi 33:1 Iomraidhean Croise

Ubutukilo 27:4

Ukangutelekele kulia chiyema chize nakuzanga, ukachinehe kuli yami ngukalie, hanga mbunge yami yikakuwahise shimbu kanda ngufwa.

Ubutukilo 49:1

Mba Yakomba yasanyika anenyi a malunga ngwenyi, Kungulukenu hamuwika ngunwambulwile chize muchinuwana ku matangwa a ku songo.

Ubutukilo 49:28

Wano e mavungu kumi ni aali a Izalele. Chino tato wambile kuli ayo nikwawahisa. Eswe umwe ha umwe haawahisa nikulita ni kuwahisa chenyi.

1 Yitanga Ya Mianangana 13:1

Umwe mutu wa Zambi yakatuka ku Yunda eze ku Mbetele nikulita ni liji lia Yehova. Jeroboame te kanamana ku chilumbilo mukwocha insensu.

1 Yitanga Ya Mianangana 13:6

Mba mwanangana yakumbulula yamba kuli mutu wa Zambi ngwenyi, Lembelela vumbi lia Yehova Zambi ye ungulembele kama kwoko liami likahinduke nawa. Mutu wa Zambi waliumbile kuli Yehova mba kwoko lia mwanangana yilihinduka lialumukine ngwe liapwile kunyima.

1 Sango Ja Mianangana 23:14

Alioze ha kutwala kuli Mose mwe mutu wa Zambi ana jenyi aalwile hakachi ka A-Levi.

2 Sango Ja Mianangana 8:14

Yatongola nikulita ni liji lia tato David, ngango ja asasendote ku uvumbiko wo, ni A-Levi ku milimo yo, kuhalisa ni kuvumbika kumeso ja asasendote, nikulita ni uvumbiko wa tangwa ha tangwa, ni akwa mapito ku yikolo yeswe mumu chocho mutu wa Zambi David watuminyine.

Miaso (Masamu) 90:1

Mwene, yena kuwapwa chiswamo chetu ku yisemuko yeswe.

Jeremia 35:4

Yingwaneha mu zuwo lia Yehova, mu chipatulo cha ana ja Hanane mwana Igadalia, mutu wa Zambi, te chili hakamwihi ni chipatulo cha alemu helu lia chipatulo cha Maseia, mwana Shalume, mukwa kufunga chikolo.

Yoano 14:27

Sambukila ngunahichika ni yenu; sambukila ya yami ngunanweheyo, hi ngwe akwa hashi akuhana ko, yami ngunanwehe. Mbunge jenu kanda jilipikala, chipwe kanda jivwa mwongo.

Yoano 16:33

Yino yuma hinahanjika kuli yenu, hanga muli yami nukapwe ni sambukila. Hano hashi munukapwa ni luyinda: alioze hamukenu chikolo; hingunakumbu hashi.

1 Timoteu 6:11

Alioze yena, mutu wa Zambi, China yino yuma; ukakaule ululi, ni uwayilo, ni Ufulielo, ni zango, ni utunu, ni kushimbika.

2 Timoteu 3:17

hanga mutu wa Zambi akapwe mukwa kujama wakuteta liakulu yitanga yeswe yipema.

Yoshua 14:6

Mba A-Yunda ejile kuli Yoshua ku Ngilingali. Kalemba, mwana wa Yefune, Ka-Kenaze, wambile kuli iye ngwenyi. Unanyingika chize Yehova wambile kuli Mose, mwe mutu wa Zambi, mu Kandeshe-Mbania ha kutwala kuli yena ni yami.

2 Petulu 1:21

Mumu uprofeto niumwe kuwejile niumwe mwaka ku upale wa atu: aiioze atu ahanjikile cha kuli Zambi, ni kuhungumuka kuli Spiritu Musandu.

Akwa Kuyula 13:6

Mwe pwo yeza, yalweza mukwo-lunga ngwenyi, Umwe mutu wa Zambi kezanga kuli yami. Ku meso jenyi kwapwanga ngwe meso ja mungelo wa Zambi—kole ni woma. Chamuhulile kuze akatuka, neye kangulwezele jina lienyi.

1 Samuel 2:27

Kwejile umwe mutu wa Zambi kuli Eli, yamba kuli iye ngwenyi, Yehova kanambe ngwenyi, Te chalisolwele kuli munyachi wa tatenu shimbu te achili mu Engitu mu undungo kuli atu ja Falau nyi?