Shimbi 32:5 - MUKANDA USANDU WA ZAMBI 1975

⁵ O hamulinga mafwefwe, kapwile nawa ana jenyi mumu ha kupiha cho. Chisemuko cha kupiya ni kuhenga.

Mukanda Wa Zambi 1970

⁵ Alioze yenu nuli yihulia, kunwatelele kubwa atu jenyi, vungu lia shili ni lia kwonga.

Shimbi 32:5 Iomraidhean Croise

Ubutukilo 6:12

Zambi wamwene hashi kumanyi hapihile mumu akwa mwono eswe hanapihisa majila jo hashi.

Miaso (Masamu) 78:8

Kuchina mapwa ngwe akako, chisemuko cha pami ni uhulia; chisemuko cha waze kasele mbunge jo kanawa; Spiritu jo kujajikijilile kuli Zambi.

Kutuhuka 32:7

Yehova yamba kuli Mose ngwenyi, Yako upalumuke, mumu atu je waze yena waachijile ku chifuchi cha Engitu halichisa.

Yishima 8:8

Maliji eswe a mu kanwa liami apwa a ululi. Nichimwe chuma cha kupiya hanji cha kuhenga chilimo.

Izaya 1:4

Enu vungu lia yivulumunyi, atu alemewa ni uhenge, ana ja akwa kulinga chipi, ana aze akulinga luchisa! Hanehuka Yehova, hanalelesa Musandu wa A-Izalele, hanalihandununa liakulu ni yami.

Izaya 63:8

Mumu wambile ngwenyi, Pundu o atu jami, ana a malunga waze kechi kangwonga. Chocho walipwishile Chilamwina cho.

Hosea 9:9

Hanalichisa chikolo, ngwe ha matangwa ja Ngibia. Iye kumakewuluka uhenge wo; kumakafwetesa milonga yo.

Zefania 3:7

Nambile ngwami, Manguvwila woma, matayiza kumufumba, chocho chichi kamuteta kuma kwa kutwama chipwe namwaha kastigu. Alioze akalishile mbunge jo nikuchisa yitanga yo yeswe.

Kwalula 23:21

Kamwene uhenge muli Yakomba, chipwe kumona uhuka mu Izalele, kaumweneko. Yehova Zambi yenyi hamuwika nenyi ali. Mutambi wa mwanangana uli hakachi ko.

Mateu 16:4

Chisemuko cha ungulungulu kanda cha utanji muchifupa chilayi: ni chilayi kechi kaahacho, shina chilayi cha profeta Yona, mba waahichikile, wakatukileko.

Mateu 17:17

Yesu waakumbulwile ngwenyi, Enu chisemuko kuchishi Ufulielo, nwapiya, ndo mwiji muka mungukapwa hamwe ni yenu? Ndo mwiji muka mungukalihumikiza ni yenu? Munehenu kuno kuli yami.

Mateu 3:7

Alioze muze amwene anji a kuli A-Fwariseu ni A-Satuseu kaneza ku upapachiso wenyi, yamba kuli ayo ngwenyi, Yenu, vungu lia yihili, iya unakanutoweza kuchina utenu uze muwizaho?

Luka 9:41

Yesu wakumbulwile, ngwenyi, Yenu! chisemuko kuchishi Ufulielo, chapiya, ndo mwiji muka mungupwa hamwe ni yenu, mungulihumikiza ni yenu? Neha mwané kuno.

Yoano 8:41

Yenu nwakulinga yitanga ya tatenu. Ambile kuli iye ngwo, Yetu kutwasemukine ku utanji; Tata umuwika tukwete, iye Zambi.

Yilinga 2:40

Iye ni maliji anji akwo washindakenyene chikolo, waashinjilile ngwenyi, Lilamwinenu ku chisemuko chino cha uhenge.

Yilinga 7:51

Yenu nwakukala ni pami, nuli yilima ku mbunge ni ku matwi, yenu matangwa eswe nwakulinjika ni Spiritu Musandu; chizechene ngwe tulamba twenu, chocho ni yenu nawa nwakulinga.

2 Korintu 11:3

Alioze ngunevu woma, kuchina ku chuma chimwe, chizechene ngwe kapela wongele Eva ni kalimbavuli kenyi, chocho mapihisa manyonga jenu ku kutuwika cha mbunge ni kulinanga chize chili kuli Kristu.

Shimbi 31:29

Mumu ngunanyingika ngwami, Kulutwe lia kufwa chami kumunukalilumbula liakulu, munukahambuluka ku jila nanwambileyo, yipi muyiza kunuwana ha matangwa a kusula, mumu munukalinga chipi kumeso ja Yehova, mukumwihia ku yitanga ya moko jenu.

Shimbi 32:20

Yamba ngwenyi, Mungwaswekela meso jami nguchitale chize muchipwa songo lio. Mumu o kapwa chisemuko chapiya ana keshi mbunge.

Shimbi 4:16

Kuchina munulilumbula nikulisongela kaponya mu kulifwa cha mujimba weswawo, hanji mu kulifwa cha lunga, hanji cha pwo,

Shimbi 4:25

Muze nwasema ana ni ajikulu hinwashimbula mu chifuchi, nyi munulilumbula ha kulisongela kaponya mu kulifwa cha mujimba weswawo, ha kulinga chipi kumeso ja Yehova Zambi yenu mukumwihia,

Shimbi 9:24

Chize ku tangwa lize nanunyingikine, hinwakolema Yehova.

Filipu 2:15

hanga nukapwe kunushi chitela, kunushi chipi, ana a Zambi, kunushi kapalia mukachi ka chisemuko cha uhenge, cha kupiya, hakachi ko nwakupanguka hano hashi ngwe temo.

Akwa Kuyula 2:19

Alioze muze mwe mukwa kuyula hafwa o ahilukile munyima nikulinga chipi kuhiana chize alingile atato. Akawile mazambi akwo, nikwalingila, nikuhetama kuli ayo. Kambilile nijimwe ja ndako jo hanji ja pami jo.