Shimbi 32:41 - MUKANDA USANDU WA ZAMBI 1975

⁴¹ Nyi munguhela katana kami ka uhenya nikukwata ku upatwilo, kumungulikala hali akwa kulimika ni yami mungufweta waze akunguvwila kole.

Mukanda Wa Zambi 1970

⁴¹ Munguhela mukwale wami wa kwambuka, mungulinga nikulita ni ululi. Mungulikala kuli akwa kole jami ni kumwesa lamba waze akunguvutwokela.

Shimbi 32:41 Iomraidhean Croise

Miaso (Masamu) 149:9

Akalinge kuli ayo upatwilo uze hanausoneka. Ulemu uno asandu jenyi eswe ali nawo. Halisenu Yehova.

Miaso (Masamu) 31:23

Zangenu Yehova, enu asandu jenyi eswe; Yehova kakufunga waze akushishika; kakufwetesa chikolo yoze wakulinga ni kulengumuka.

Miaso (Masamu) 7:12

Nyi kachi umwe kechi kuhiluka, kumahela katana kenyi, hanana uta wenyi, haululika.

Miaso (Masamu) 7:13

Hanaululikila yitwa ya kufwa, hapwisa mivu yenyi ya kahia.

Kutuhuka 20:5

Kanda ukafukama kuli ayo, chipwe kwalingila, ka, mumu yami Yehova Zambi ye, nguli Zambi ya ukwa, nikufwetesa ana uhenge wa atato ndo ku chisemuko chamuchitatu ni chamuchiwana cha waze akunguvwila kole;

Izaya 1:24

Kashika Mwene kanambe, mwe Yehova-wa-Tujita, mwe Mukwa-Ndundo wa Izalele ngwenyi, Munguzukwila ufwatulo hali akwa kole jami; mungufwetesa akwa kulimika ni yami.

Izaya 27:1

Ha tangwa lize Yehova ni katana kenyi mukalu ni munene, wa tachi, makafwetesa Leviatanu mwe lunoka wa kuzomboka, Leviatanu mwe lunoka wa kulikonyekakonyeka; makashiha mwe ndragau yoze watwama mu kalunga-lwiji.

Izaya 59:18

Makaafwetesa nikulita ni yitanga yo, ufwatulo kuli akwa kulimika nenyi, fweto kuli akwa kole jenyi. Kuli akwa mbaka mahana fweto yo.

Izaya 66:16

Mumu Yehova malinga upatwilo wenyi ni kahia ni katana ha musunya weswe, ni waze Yehova mashiha mapwa anji.

Izaya 66:6

Panjikenu, Chizungozungo cha mu chihunda! Liji lia mu tembele! Liji lia Yehova, kanafwetesa akwa kole jenyi!

Jeremia 44:26

Kashika ivwenu liji lia Yehova enu A-Yunda eswe nwatwama mu chifuchi cha Engitu. Yehova kanambe ngwenyi, Hinalishinga ni jina liami linene ngwami, Jina liami kechi kulitongola nawa ni kanwa lia mutu niumwe Ka-Yunda mu chifuchi cha Engitu ngwenyi, Ni mwono wa Mwene Yehova.

Jeremia 50:18

Kashika Yehova-wa-Tujita, Zambi ya Izalele kanambe ngwenyi, Ngunakokela kastigu hali mwanangana wa Babilonia ni chifuchi chenyi chizechene ngwe nahanyine kastigu kuli mwanangana wa Asuria.

Jeremia 50:28

Halakanenu! Kanachina akombokele ku chifuchi cha Babilonia akambulule mu Zaione kukala cha Yehova Zambi yetu, ha kukala chize alingile ku tembele yenyi.

Jeremia 50:29

Sanyikenu ngashi alimike ni Babilonia, waze eswe akunana uta. Muselekenu, niumwe kanda omboka. Mufwetesenu nikulita ni yitanga yenyi; lingenu kuli iye chize iye halinga; mumu hahamwisa Yehova, mwe Musandu wa Izalele.

Ezekiel 21:20

Funjika jila ya kwiza katana ku Raba ya A-Amone, ni ku Yunda, ni ku Yerusaleme, chihunda cha kukolesa.

Ezekiel 25:14

Mba mungukakala milonga hali Endome ni kwoko lia atu jami A-Izalele, mba o malinga mu Endome nikulita ni utenu wami, nikulita ni ufwatulo wami. Kumakanyingika chize nakukala milonga. Chocho kanambe Mwene Yehova.

Ezekiel 32:10

Mungukavwisa mwongo mavungu anji mumu hali yena, ni mianangana jo makevwa lwaji hali yena muze mungukatelumuna katana kami kumeso jo. Makachikima shimbu ha shimbu; mutu mweswe makachikimina mwono wenyi ha tangwa lia kununguka che.

Nahume 1:2

Yehova iye Zambi ya ukwa, mukwa kukala milonga. Yehova mukwa kukala milonga ni ufwatulo. Yehova kakufwetesa akwa kulimika nenyi; akwa kole jenyi kakwatulikila ufwatulo wenyi.

Zefania 2:12

Ni yenu nawa A-Etiopia kumunukafwa ni katana kami.

Kwalula 10:35

Muze we mushete wakatukile Mose wambile ngwenyi, Yehova, ukatuke. Akwa kole je amwangane. Akwa kukuvwila kole achine kumeso je.

Marku 1:2

Chizechene ngwe chinasonewa mu mulanda wa profeta Izaia ngwo, Mungutuma kanganda kami kulutwe lia meso je, Iye kumakalulika jila ye kulutwe lie;

A-ROMA 1:30

yilamikiji, akwa kuvwila kole Zambi, akwa kupopolola, akwa kulizelula, akwa kulizata, akwa kutomba yuma yipi, yihulia kuli yisemi jo.

A-ROMA 8:7

Mumu kunyonga cha musunya, kole kuli Zambi; kuchishi kuzeyela ku shimbi ya Zambi, mumu chipwe chamwenemwene kuchishi kuhasa kuzeyela;

Shimbi 32:35

Kukala nichami, ni kufweta nawa ha tangwa lize malimbuka. Mumu tangwa lio lia kuji-ni-tomo hakamwihi lili. Yuma yize muyiawana, yinakundama fuji.

Shimbi 5:9

Kanda ukafukama kuli ayo, chipwe kwalingila, ka, mumu yami Yehova Zambi ye, nguli Zambi ya ukwa, nikufwetesa ana uhenge wa atato ndo ku chisemuko chamuchitatu ni chamuchiwana cha waze akunguvwila kole;

Shimbi 7:10

eswe akunuvwila kole iye kakwafwetesa ku meso jo, mukwaonwona. Iye kechi kalalukila yoze mamuvwila kole, makamufwetesa ku meso jenyi.

2 Timoteu 3:4

akwa kuhandukulula, akwa kulipupula, akwa kulifuza, akwa kufwila kuwaha hi Zambi ko.