Shimbi 32:4 - MUKANDA USANDU WA ZAMBI 1975

⁴ Iye Liwe. Yitanga yenyi yingunu, mumu majila jenyi eswe ja ululi. Iye Zambi ya jika; keshi uhenge; mukwa pundu, mukwa umwenemwene.

Mukanda Wa Zambi 1970

⁴ “Mwene Zambi kali liwe, ndako jenyi jili jingunu ni ja ululi. Zambi yenu kali mukwa kushishika ni wa umwenemwene, kakulinga yuma ya ululi ni yize yinalite.

Shimbi 32:4 Iomraidhean Croise

Ubutukilo 1:31

Mba Zambi yamona yuma yeswe yize halinga ngwenyi, Chinapeme chikolo. Yikupwa chingoloshi, yikupwa chimene, tangwa liamuchisambano.

Ubutukilo 18:25

Chikapwe kusuku ni yena kulinga chuma chipwa haha, ukashihe akwa ululi hamwe ni yingulungulu. Chocho akwa ululi mapwa ngwe yingulungulu. Ka, chikapwe kusuku ni yena. Te Chisopa-mulonga wa akwa hashi eswe kechi kulinga ni ululi nyi?

2 Samuel 22:47

Yehova katwama ni mwono; liwe liami afumane. Zambi ya liwe lia ulamwino wami anangame.

2 Samuel 23:3

Zambi ya Izalele wambile, Liwe lia Izalele wambile kuli yami ngwenyi, Yoze mayula atu ni ululi, mayula ni woma wa Zambi.

2 Sango Ja Mianangana 19:7

Kashika pwenu ni woma wa Yehova. Talenu kanawa nukachilinge, mumu uhenge kuushiko kuli Yehova Zambi yenu, chipwe katonde, hanji kutambula yijiko.

Nehemia 9:8

Wawanyine mbunge yenyi yingunu kumeso je; wakolesele nenyi usendo ukamwehe chifuchi cha A-Kanana, ni A-Hete, ni A-Amore, ni A-Perize, ni A-Yepushe, ni A-Ngikashe, ukachihane kuli akwa munyachi wenyi. Hiwalinga nikulita ni maliji je mumu uli mukwa ululi.

Jobe 34:10

Kashika ngwivwenu, enu akwa yinyingi, chipwe kusuku ni Zambi akalinge ungulungulu, chipwe kusuku ni Mukwa-Ndundo-Jeswe akalinge chize chahenga.

Jobe 35:14

Mba chahiana muze muwamba ngwe, Chamumwene, chikuma chili kumeso jenyi, ngunamutwaminyina.

Jobe 36:23

Iya hamufunjikila jila yenyi? Hanji iya mamwamba ngwenyi, Hiwahengesa?

Jobe 8:3

Zambi te kakupatula ni uhenge? Mukwa-Ndundo-Jeswe kakupatula ni uhenge?

Miaso (Masamu) 100:5

Mumu Yehova iye mupema, utu wa zango lienyi wa mutolo. Umwenemwene wenyi walinduluka ku yisemuko yeswe.

Miaso (Masamu) 138:8

Yehova kumakapwisa chingunu chize cheswe chatwala kuli yami. Yehova, utu wa zango lie wa mutolo. Kanda wehuka yitanga ya moko je. Kuli Njimba mukwa lutwe. Samu lia David.

Miaso (Masamu) 145:17

Yehova kapwa mukwa ululi mu majila jenyi eswe. Mu yitanga yenyi yeswe vumbi akwete.

Miaso (Masamu) 146:6

Yoze watangile lilu ni hashi, ni kalunga-lwiji, ni yize yeswe yilimo. Yoze wakufunga umwenemwene ku miaka ya mutolo.

Miaso (Masamu) 18:2

Yehova iye liwe liami, ni mbonge yami, ni mukwa kungupulula; Zambi yami ni liwe liami lia tachi, muli iye munguswama. Iye lukepwe wami, ni mbinga ya ulamwino wami, ni kaposhi kami musuku.

Miaso (Masamu) 18:46

Yehova katwama ni mwono; liwe liami, afumane. Zambi ya ulamwino wami anangame.

Miaso (Masamu) 19:7

Shimbi ya Yehova yingunu; yakuhuzulula mbunge. Shindakenyo ya Yehova kuyakola, yakukanyamisa yizuzuke.

Miaso (Masamu) 31:5

Mu kwoko lie ngunakunjika Spiritu yami. Yehova, yena hiwangukula, uli Zambi ya umwenemwene.

Miaso (Masamu) 33:4

Mumu liji lia Yehova kuliapema; milimo yenyi yeswe kakuyilinga ni umwenemwene.

Miaso (Masamu) 78:35

Ewulukile ngwo, Zambi iye liwe lietu. Ngwo, Zambi mwe Chitunda iye Mukwa-Kutukula.

Miaso (Masamu) 9:16

Atu kakunyingika Yehova mu upatwilo uze kakupatula; mwe chingulungulu hakwachika mu yitanga ya moko jenyi mwene. (Pukuna. Litulike.)

Miaso (Masamu) 90:16

Yitanga ye yikasoloke kuli tuvumbi twe. Uhenya we ukapwe hali ana je.

Miaso (Masamu) 92:15

Kulweza ngwo, Yehova mukwa ululi. Iye liwe liami, kumushi uhenge muli iye.

Miaso (Masamu) 97:2

Malelwa ni milima yamujingilika. Ululi ni upatwilo yapwa ngwe fundamentu ya ngunja yenyi.

Miaso (Masamu) 98:3

Hanewuluka utu wa zango lienyi ni umwenemwene wenyi ku jiko lia Izalele. Ndo ku masongo a hashi hanamono ulamwino wa Zambi yetu.

Miaso (Masamu) 99:4

Tachi ja mwanangana jakuzanga upatwilo. Yena kuwakukolesa chize chinalite, kuwakupatula ni ululi muli Yakomba.

Kutuhuka 34:6

Yehova wapalikile kumeso jenyi nikwambulula ngwenyi, Yehova, mwe Yehova, Zambi mukwa keke, mukwa vumbi, makoke kutenuka, wakulumbama ni utu wa zango ni umwenemwene.

Longeshi 3:14

Ngunanyingika cheswacho Zambi malinga muchipwa cha mutolo. Kechi kuhasa kuwezako chuma, chipwe kechi kuhasa kutepululako chuma. Zambi hanachilingi hanga atu akevwe woma kumeso jenyi.

Izaya 17:10

Mumu hinwavulama mwe Zambi ya ulamwino wenu, kunwewulukile Luliwe lwa uchinyino wenu. Kashika chipwe munutumba mitondo yipema, ni kutumba yitondo ya zambi umwe wa tundaka,

Izaya 25:1

Yehova, yena uli Zambi yami; mungukunangamisa, munguhalisa jina lie; mumu hiwalinga yikomokeso, yuma ya kufunjika kushi, yuma yamwenemwene, yuma ya pundu.

Izaya 26:4

Fulielenu Yehova miaka yeswe mumu Yehova, Yehova iye luliwe lwa mutolo.

Izaya 28:16

Kashika Mwene Yehova kanambe ngwenyi, Talenu, ngunase yimwe fundamentu mu Zaione, liwe, liwe lia kweseka, liwe lilemu lia ha mbango, fundamentu ya ngú. Mweswe mafuliela kechi kalipupula.

Izaya 30:18

Kashika Yehova kanashimbula akanulinge vumbi; kashika kanalinangamisa ha kunuvwila keke. Mumu Yehova iye Zambi ya ululi, kawaha waze mamutwaminyina.

Izaya 32:2

Mba umwe mutu makapwa ngwe chiswamo ha fuji, ngwe uchinyino ha kangonga, makapwa ngwe tupila twa meya muma mumu, ngwe Chizulie cha luliwe lunene mu chifuchi cha yikatalo.

Jeremia 10:10

Alioze Yehova iye Zambi wamwenemwene, iye Zambi ya mwono ni mwanangana wa mutolo. Ha kutenuka chenyi hashi hakunyika. Ha ufwatulo wenyi mavungu kahashile kujikiza.

Jeremia 9:24

Alioze yoze malisamba alisambe mumu ha kungusa chinyingi ni ha kungunyingika, yami Yehova mukwa kulinga ni utu, ni chize chinalite, ni ululi hashi. Mumu Yehova kanambe ngwenyi, Nakuwahilila ni yuma yino.

Daniel 4:34

Ku songo Iia matangwa, yami Nabukanezore nahetwile meso jami kwilu, mba mana jami janguhilukile nawa. Nafumanyishine mwe Chitunda nikumuhalisa nikulemesa yoze watwama ni mwono ndo ku miaka yeswe ngwami, Mumu chiyulo chenyi chapwa cha mutolo, ni wanangana wenyi walinduluka chize ku chisemuko ndo ku chisemuko.

Daniel 4:37

Kashika yami Nabukanezore ngunahalisa Mwanangana wa mwilu, ni kumwalakana, ni kumulemesa; mumu yitanga yenyi yinalulama, ni ndako jenyi jinalite; kanahase kukehesa waze eswe akwenda nikulilengela.

Habakuke 1:12

Yehova Zambi yami! Mwe Musandu wami! Hi uli wa mutolo ko? Kashika kutuchi kufwa. Yehova hiunaatongola akapwe kastigu; yena lwe Luliwe, hiunaakolesa atufumbe.

Habakuke 1:13

Meso je apema naye, kahashile kumona yipi; kwahashile kutala uhenge. Kuchi te wakutala malunga a mafwefwe? Kuchi te wakuhola muze chingulungulu mamina mutu yoze wamuhiana ni ululi?

Zefania 3:5

Yehova muchima lienyi mukwa ululi, kalingile nichimwe chipi. Tangwa ha tangwa chimene upatwilo wenyi wa kulita unasoloka; ha kucha cha tangwa keshi kuhona, alioze akwa uhenge keshi sonyi.

Mateu 5:48

Kashika pwenu angunu, ngwe Tatenu wa mwilu kapwa mungunu.

Yoano 1:14

Mba Liji walipwishile musunya, Watwamine hakachi ketu wa tò ni vumbi ni umwenemwene (twatalile uhenya wenyi, uhenya ngwe wa mwe Mwana wa wika wa kuli Tata).

Yoano 1:17

Mumu ahanyine shimbi ku kwoko lia Mose; vumbi ni umwenemwene yejile kuli Yesu Kristu.

Yoano 14:6

Yesu yamba kuli iye ngwenyi, Ye jila yami, ni we umwenemwene, ni we mwono: niumwe meza kuli Tata shina ni yami.

Yoano 5:22

Mumu chipwe mwe Tata keshi kupatwila niumwe, alioze hanahana upatwilo weswe kuli mwe Mwana;

A-ROMA 1:32

wano, nikunyingika upatwilo wa ululi wa Zambi, ngwe waze akulinga yuma ngwe yino kanatela kufwa, hindu hi kuyilinga wika ko, alioze kakuwaha hamwe ni waze akuyilinga.

A-ROMA 2:2

Mumu tunanyingika upatwilo wa Zambi kuunalite ni umwenemwene hali waze aku-linga yuma ngwe yino.

A-ROMA 2:5

Alioze nikulita ni kukala cha mbunge yize kuyishi kulikonyeka, kuwakulitulikila utenu ha tangwa lia utenu muze masolola upatwilo wa ululi wa Zambi;

A-ROMA 3:5

Alioze kachi uhenge wetu muusolola ululi wa Zambi, kuchi mutwamba? Zambi yoze wakufwetesa ni utenu kanapu chihenge, nyi? (Ngunahanjika nikulita ni atu),

1 Korintu 10:4

eswe anwine kunwa chimuwika cha uspiritu: mumu anwine ku liwe lia uspiritu lize liaakawile, ni liwe lize liapwile Kristu.

Shimbi 10:18

Kakupatwila ni ululi shiwa ni twamishi, kazanga chilambala nikumwaha kulia ni mazalo.

Shimbi 32:15

Yeshurene watohele mba yatwa chishindo, ngwami, Nwatohele, ni kumeta, ni kusenena ni maji mba yehuka Zambi tangi yo, yalelesa Liwe lia ulamwino wo.

Shimbi 32:18

Kunwasele mbunge Liwe yoze wanusemene. Nwavulamine Zambi chisemi chenu.

Shimbi 7:9

Kashika, nyingikenu ngwami, Yehova Zambi yenu, iye Zambi, Zambi mukwa jika, wakufunga usendo ni utu wa zango ku kanunu ka yisemuko, kuli waze eswe akumuzanga, te waze akufunga maliji jenyi a shimbi,

Tiangu (Jake) 1:17

Kuhana cheswe chipema ni yawana yeswe yingunu kuyakuhulumuka kwilu, kuli mwe Tato ya pangu, muli iye kumushi kwalumuka, chipwe Chizulie cha kutewuluka.

Tiangu (Jake) 4:12

Kwali Sopi umuwika, mukwa kuhana shimbi, yoze mahasa kulamwina; mahasa kwonwona: aiioze yena iya wakupatwila mukwenu?

1 Petulu 2:6

Mumu chinasonewa mu chisoneko ngwo, Talenu, mungusa mu Zaione liwe lia lutwe lia mbango, lia kutongola, lilemu; yoze mamufuliela kechi kevwa sonyi.

1 Samuel 2:2

Niumwe wapwa musandu ngwe Yehova, mumu mukwo wakuhi ndo yena wika. Liwe likwo liakuhi ngwe Zambi yetu.