Shimbi 32:23 - MUKANDA USANDU WA ZAMBI 1975

²³ Mungulumbikila hali ayo yuma yipi; mungumana hali ayo mivi yami yeswe.

Mukanda Wa Zambi 1970

²³ “ ‘Mungukaamwesa lamba liahiana mungukaasa mivwi yami yeswe.

Shimbi 32:23 Iomraidhean Croise

2 Samuel 22:15

Watumine mivu, waamwangine; ni mihenyo nawa, waakumbile.

1 MIANANGANA 22:17

Mumu hanangwehuka; hanochela insensu kuli mazambi akwo eka, akangwihie ngutenuke ni yitanga yeswe ya moko jo. Kashika utenu wami muukasumukina homa hano, mba kuuchikahola.

Miaso (Masamu) 18:14

Watumine mivu yenyi, waamwangine; ewa wahenyesene mihenyo yinji, waakumbile.

Miaso (Masamu) 45:5

Mivu ye yinambuka; yili mu mbunge ja akwa kole ja mwanangana; atu eka ni eka analimbuka kushi lia yena.

Miaso (Masamu) 7:14

Kumanyi kanapinji ni uhenge; hanaseseka uhuka; hanaseme mahuza.

Izaya 26:15

Alioze yena Yehova hiwokesa lie vungu; hiwokesa lie vungu, ni yena hanakuchichimieka, hiwatokesa manjiza eswe a chifuchi.

Lungungu 3:13

Wanjishile mu mbunge yami mivu ya mu chindalo chenyi.

Ezekiel 14:21

Mumu Mwene Yehova kanambe ngwenyi, Nyi chocho muchihiana muze mungukatuma ha Yerusaleme yilinga yami yiwana yikalu ya upatwilo, ngwami, katana, ni kapunga, ni ngongo, ni chilungo, ngukasutuleko atu ni tushitu!

Ezekiel 5:16

muze mungukanukonga mivu yami ya kapunga wa kushiha, ni mivu ya kwonwona yize mungukakonga kunwonwona, muze mungukanukokela kapunga mukwo ni mukwo, ni kumakuna mulumbu wenu wa mbolo.

Ezekiel 9:6

Shihenu pundu makulwana ja malunga, ni akweze, ni ana-mapwo, ni twanuke, ni mapwo, alioze kanda nusunga niumwe yoze uli ni mufunda. Putukenu ku zuwo liami lisandu. Chocho yaputuka te ni makulwana waze apwile kulutwe lia zuwo.

Alevi 26:18

Nyi chipwe chocho kunwanguvwile, mba mungunulamba cheka nawa yisuho shimbiali ha milonga yenu.

Alevi 26:24

mba ni yami nawa mungulimika ni yenu. Yami mwene mungunulamba yisuho shimbiali ha milonga yenu.

Shimbi 28:15

Nyi kunuchi kapanjika ku liji lia Yehova Zambi yenu, ni kukanyama kulinga shimbi jenyi jeswe, ni yiyulo yenyi ngunanwambeyo musono, mba mashingo ano eswe makapwa hali yenu, makanuwana.

Shimbi 29:21

Yehova makamuhandunwina yipi kumuchiza ku minyachi yeswe ya A-Izalele, nikulita ni mashingo eswe a usendo anasonewa mu mukanda uno wa shimbi.

Shimbi 32:42

Munguzengewesa mivi yami ni manyinga. Katana kami malia yifwo hamwe ni manyinga a afu ni funge, ni mutwe wa mianangana ja akwa kole.