Shimbi 32:22 - MUKANDA USANDU WA ZAMBI 1975

²² Mumu mu utenu wami hinawika kahia kukanalengenya ndo ku mashima a Shiole. Kukanalese hashi ni mbuto yaho. Kukanachocheka fundamentu ya milundu.

Mukanda Wa Zambi 1970

²² Ufwatulo wami muubwa ngwe kahia kaze mukakocha yuma yeswe hashi. Mukocha hashi ndoo mu chifuchi cha afu ni kunongesa milundu kushi.

Shimbi 32:22 Iomraidhean Croise

Miaso (Masamu) 144:5

Yehova, hetamisa malilu wize hashi. Sunga ha milundu yikatuhwise mwishi.

Miaso (Masamu) 21:9

Kumukaapwisa ngwe lutengo wa kahia ha tangwa lia utenu we; Yehova kumakaazemwina mu ufwatulo wenyi, kahia mukakaalesa.

Miaso (Masamu) 46:2

Kashika kutuchi kwivwa woma chipwe hashi muhajimuka, chipwe milundu muyitutulukila muchima lia kalunga-lwiji.

Miaso (Masamu) 83:14

Ngwe kahia kaze kakwocha musenge; ngwe mulengi uze wakuchocheka kahia ku milundu;

Miaso (Masamu) 86:13

Mumu utu wa zango lie wapwa wunji kuli yami. Yena wapulwile mwono wami kushi lia Shiole.

Miaso (Masamu) 97:3

Kahia kakumutetekela nikwocha akwa kulimika nenyi waze anamujingilika.

Izaya 24:6

Kashika shingo linawumbula he hashi, ni akwa hashi kanamono lamba mumu ha uhie wo. Kashika akwa hashi kanapapiwa ni malunga akehe wika asala.

Izaya 30:33

Mumu jiko hanalilulika kulu, hali mwe mwanangana hanalilulika; mulumba wacho kutoha ni kusuha ni kahia ni kunyi ja kulumbama. Mba mwiku wa Yehova muuliwika ngwe muhwiji wa fundanga.

Izaya 54:10

Milundu muyihasa kujimuka, ni mindundena muyitutuluka, alioze utu wa zango liami kuuchi kakukatuka, ni usendo wami wa sambukila kuuchi katutuluka. Chocho kanambe Yehova, mukwa kukuvwila keke.

Jeremia 15:14

Mungukutuma kulingila akwa kole jenu mu chifuchi kunwachinyingikine, mumu mu utenu wami hinawika kahia, mukalekwoka miaka yeswe.

Jeremia 17:4

Kumunwecha kwoko lienu, ku chihinga chenu nanuhele, mba mungunutuma kulingila akwa kole jenu mu chifuchi kunwachinyingikine, mumu mu utenu wami hinawika kahia, mukalekwoka miaka yeswe.

Jeremia 4:4

Lipwisenu ngalami kuli Yehova; Chizenu misosha ya mbunge jenu, enu malunga a Yunda ni akwa Yerusaleme; kuchina ufwatulo wami muuvunduka ngwe kahia, nikulekwoka ni yoze makajima wakuhi, mumu ha upi wa yilinga yenu.

Lungungu 2:2

Mwene hanonwona mazuwo eswe a Yakomba ni keke yakuhi. Mu ufwatulo wenyi hanapalwola yihunda yeswe ya tachi ya mwana-pwo Yunda. We wanangana ni akwa kuyulamo hanaanyase hashi ni kwasaula.

Lungungu 2:3

Mu utenu wenyi usasu hanapatula ndundo jeswe ja Izalele; kumeso ja akwa kole hanachiza kuli ayo kwoko lienyi lia chindume. Hanayila mu Yakomba ngwe kahia kakulekwoka ni kulalisa kweswe kwa kujingilika.

Lungungu 2:4

Hanana uta wenyi ngwe mukwa kole ni kwoko lienyi lia chindume lia kusa ngwe mukwa kulimika. Hanashihi kulengumuka cheswe cha meso jetu mu mbalaka ya mwana-pwo Zaione; hanazukula ufwatulo wenyi ngwe kahia.

Lungungu 4:11

Yehova watuswile ufwatulo wenyi, Wazukwile utenu wenyi usasu; wawikile kahia mu Zaione kaze kalalishile ndo ku fundamentu.

Ezekiel 19:12

Alioze muuva autukwile ni ufwatulo nikuumbila hashi. Yiuma ni fuji ya ku Chivumbuko; yachiza mihuko yawo hululu; chishina chawo chomine; chaliwile ni kahia.

Ezekiel 22:21

Mungunukungulula ni kunuheha ni kahia ka ufwatulo wami, chocho munukasangunukamo.

Ezekiel 36:5

kashika Mwene Yehova kanambe ngwenyi, Ngunahanjika ni ukwa wami usasu kulimika ni mavungu akwo, ni kulimika ni A-Endome eswe, waze ahanyine chifuchi chami kuli ayo ene achipite ni uwahililo wunji ni kaleleso mweswe akachipite ni kuchipupa.

Ezekiel 38:19

Mumu ni ukwa wami, ni ufwatulo wami wa kulekwoka ngunambe ngwami, Ha tangwa lize kumukukapwa minyiko yinene mu chifuchi cha Izalele.

Alevi 26:20

Munuhwisa tachi jenu mokomoko mumu mavu kechi kuhana tachi jo, ni mitondo ya chifuchi kuyichi kuhana mihuko yayo.

Amose 5:6

Fupenu Yehova nutwame ni mwono kuchina makalekwoka ngwe kahia mu munyachi wa José. Makalalisa ni mukwa Mbetele yoze makajima kechi kasoloka.

Amose 7:4

Chocho Mwene Yehova yangulweza, Mwene Yehova te kanasanyika upatwilo wa kahia. Kahia te hikanalalisa kalunga-lwiji mba kanaputuka kulia chifuchi.

Mika 1:4

Milundu muyikasangunuka kushi lia yiliato yenyi, ni yikulo muyikapulika ngwe sera kumeso ja kahia, ngwe meya akuzujila homa ha kupalumuka.

Habakuke 3:10

Milundu yakumwene, yevwile woma. Meya a tachi apukumukine; kalunga-lwiji watetele nikuzundula moko jenyi kwilu.

Zefania 1:18

Ha tangwa lia ufwatulo wa Yehova kechi kahasa kulipulula chipwe ni prata yo, chipwe ni oru yo. Mu kahia ka ufwatulo wenyi wa ukwa hashi heswe muhaliwa, mumu makasulisa akwa hashi eswe liakulu, susumuku lume.

Zefania 3:8

Kashika Yehova kanambe ngwenyi, Ngutwaminyine ndo tangwa lize mungumana ngwe chela. Mumu chize hinapatula mu mbunge ngwami, Kukunga mavungu nikukungulula mawanangana hanga ngukaazukwile ufwatulo wami; kusasaminya cheswe cha utenu wami. Mumu akwa hashi eswe makajimuka mu kahia ka ufwatulo wami wa ukwa.

Kwalula 16:33

Chocho no ni yeswe ya ayo yapalumuka a mwono ku Shiole. Hashi yihaazemukina, o yakuwa hakachi ka mbunga.

Kwalula 16:35

Kahia yikatuhuka ka kuli Yehova, yikalalisa e kulakaji aali a atu ni makumi atano a atu waze machilambula insensu.

Mateu 10:28

Kanda nukavwila woma waze akushiha mujimba, hindu kahashile kushiha alma: alioze Shinaho muvwilenu woma yoze mahasa kwonwona ni alma ni mujimba mu Ngehena.

Mateu 18:9

Nyi kachi liso lie mulikutalingisa, litombongonemo, ulimbile: Shinaho hali yena unjile mu mwono kafwa-liso, kuhiana kukumbila mu kahia ka mutolo ni meso aali.

Mateu 23:33

Yenu tupela! vungu lia yihili! ngwe kuchi munwomboka ku upatwilo wa Ngehena.

Shimbi 29:20

Yehova kechi kamukonekena, alioze hohene utenu wa Yehova ni ukwa wenyi muukafwinjila mwishi yoze lunga, shingo lieswe linasonewa mu mukanda uno mulikamushata, Yehova makajimuna jina lienyi mushi lia lilu.

2 A-TESALONIKA 1:8

mu kahia ka kulekwoka, akakale milonga ya waze kanyingikine Zambi, ni waze keshi kwononoka ku sango lipema lia Mwene wetu Yesu.

Hebreu 12:29

Mumu Zambi yetu iye kahia kakulalisa.