Shimbi 32:21 - MUKANDA USANDU WA ZAMBI 1975

²¹ Hangwihia ngwivwe ukwa ni chuma kuchalumbunukine ngwe umwe zambi. Hangwihia ni tuponya two. Kashika ni yami mungwehia evwe ukwa wa waze kapwile atu. Mungwehia ni vungu lia uhepuke.

Mukanda Wa Zambi 1970

²¹ Yaanguvwisa ufwatulo ni mahamba jo, yaanguvwisa ukwa ni waze akuvuluka ngwo, mazambi, alioze hi mazambi amwenemwene ko. Kashika mungukatambika amwe atu, hi vungu liamwenemwene ko, ha kwevwisa ufwatulo; mungukeevwisa ukwa ni limwe vungu lia yihepuke.

Shimbi 32:21 Iomraidhean Croise

1 Yitanga Ya Mianangana 14:22

A-Yunda alingile chipi kumeso ja Yehova. Yamwihia ku ukwa ni milonga yo yize avulumwine kuhiana yize ya tulamba two.

1 Yitanga Ya Mianangana 14:9

Alioze ena hiwalinga chipi kuhiana eswe akutetekelele. Hiwaya nikulinga mazambi akwo, ni tuponya twa kuzuzulula ukangwihie ku utenu. Hiwangumbila kunyima ye.

1 Yitanga Ya Mianangana 16:13

mumu ha milonga yeswe ya Mbasha ni ya mwanenyi Ela yize avulumwine ni yize avulumwishine A-Izalele akehie Yehova Zambi ya Izalele ku utenu ni yuma yo yamokomoko.

1 Yitanga Ya Mianangana 16:26

Wendele mu ndako jeswe ja Jeroboame mwana Nebate ni mu milonga yenyi yize avulumwishine nayo A-Izalele akehie Yehova Zambi ya Izalele ku utenu ni yuma yo yamokomoko.

1 MIANANGANA 17:11

Henaho ochelele insensu ha manangamo eswe ngwe mavungu alingile aze Yehova wachijile kumeso jo. Alingile yuma ya ungulungulu akehie Yehova atenuke.

1 MIANANGANA 17:15

Yalituna yiyulo yenyi, ni usendo wenyi uze akolesele ni tulamba two, ni Shindakenyo yenyi yize waashindakenyene. Akawile yuma yamokomoko mba alumukine atu amokomoko. Embulwile mavungu aze aajingilikile waze te Yehova waambile ngwenyi, Kanda nukaembulula.

1 MIANANGANA 21:6

Wapalikishile mwanenyi wa lunga mu kahia. Watahile ngombo; walingile umbanda; wayile kuli akwa mahamba ni kuli akwa wanga; walingile yipi yinji kumeso ja Yehova kumwihia atenuke.

1 MIANANGANA 22:17

Mumu hanangwehuka; hanochela insensu kuli mazambi akwo eka, akangwihie ngutenuke ni yitanga yeswe ya moko jo. Kashika utenu wami muukasumukina homa hano, mba kuuchikahola.

Miaso (Masamu) 31:6

Nakuvwila kole waze akutala yuma yamokomoko ya mahuza, alioze yami kunafuliela Yehova.

Miaso (Masamu) 78:58

Mumu amwihile atenuke ni milundu yo ya kunangama. Amunehenene ukwa tuponya two twa kwola.

Izaya 65:3

Wano atu kakungwihia kwe kumeso jami matangwa eswe, nikushiha yitapo mu minda nikwochela insensu ha tijolo.

Jeremia 10:8

O yelo, kanda yihepuke; longeso lia tuponya ngwami mutondo.

Jeremia 14:22

Umwe hakachi ka mazambi aze a mahuza a mavungu mahasa kuneha vula? Te malilu ene mahasa kunokesa vula? Hi yena ko te, Yehova Zambi yetu? Tunatalatala kuli yena, mumu yena kuwakulinga yino yuma yeswe.

Jeremia 18:15

Alioze atu jami hananguvulama. Kakwochela insensu mazambi eka. Hanatalinga mu majila jo, mu matapalo akulu, hanakondoloka mu tumajila twa ku malumbu hi tapalo ko.

Jeremia 2:11

Vungu limwe hiliasumbakenya mazambi jalio, chipwe kapwile mazambi amwenemwene? Alioze atu jami hasumbakenya uhenya wo ni chuma chimwe kuchafumbwile.

Jeremia 5:7

Kuchi munguhasa kunukonekena? Ana jenu hanangwehuka, hanalishingi ni waze hi mazambi ko. Muze naalishile kanawa, alingile utanji, ni kakuya mu yendo ku mazuwo ja yikoi.

Jeremia 7:18

Ana kakucha kunyi, atato mawika kahia, mapwo machika wunga akalingile tumbolo mwanangana wa pwo wa malilu. Mba kakuzuza milambu ya kunwa kuli mazambi eka akangwihie.

Jeremia 8:19

Panjikenu muteto wa mwana wa pwo atu jami, ha usuhe ni unene wa chifuchi ngwo, Yehova keshimo mu Zaione? Mwanangana wenyi katwamine muli iye? Kuchi te hanangwihi ni tuponya two twa kwola hi mahamba jo a tundaka?

Ezekiel 8:3

Yazoza kulifwa cha kwoko, yangukwata ku kambu ja mutwe wami, mba Spiritu yanguzundula hakachi ka hashi ni lilu nikungutwala mu usolwelo wa Zambi ku Yerusaleme, kwe ku unjililo wa chikolo cha yize ya muchima chize chatalikisa ku Norte. Kwenako kwatwama chitwamo cha kaponya ka ukwa, yoze wakuvundula ukwa.

Hosea 1:10

Hindu kwalula cha A-Izalele muchipwa ngwe masekeseke a ku kalunga-lwiji aze kechi kuhasa kwaeseka hanji kwaalula, mba kuze ambile kuli ayo ngwo, Hi nuli atu jami ko, kwenako mamba kuli ayo ngwo, Nuli ana ja Zambi ya mwono.

Yona 2:8

Waze akutala ku yuma yamokomoko ya mahuza kakwehuka vumbi lio ene.

Yilinga 11:15

Shimbu naputukile kuhanjika, Spiritu Musandu wejile hali ayo, chizechene ngwe hali yetu ha uputukilo.

Yilinga 14:15

Malunga, kuchi te nunalingi yino yuma? Yetu tuli atu chimuwika ngwe yenu, tunanwambulwila sango lipema, ngwetu, Chanutamba kwehuka yuma yino ya kuseka, nukatewulukile kuli Zambi ya mwono, yoze watangile lilu ni hashi ni kalunga-lwiji, ni yuma yize yeswe yilimo:

A-ROMA 10:19

Alioze ngunambe ngwami, A-Izalele kanyingikineko, nyi? Hatangu, Mose kanambe ngwenyi, Kumungukanwihia ku ukwa ni waze hi vungu ko, ni vungu kulishi malinjekela mungukanutenwisa.

A-ROMA 9:25

Ngwe kanambe nawa mu mukanda wa Hozea ngwenyi, Kumungukaavuluka ngwami, A tu jami, waze kapwile atu jami; ngwami, Kanamuzange chikolo, yoze te kamuzangile.

1 Korintu 10:22

Shina mutwihia Mwene ku ukwa, nyi? Tunakangana kuhiana iye, nyi?

Shimbi 32:16

Yamwihia evwe ukwa ni tuzambi twa tundaka, yamwihia ni yitanga yo ya kuzelwokesa.

Shimbi 32:17

Alambwile milambu ku ndemoniu—hi tuzambi ko; te ku tuzambi katunyingikine nilimwe tangwa, te ku tuzambi hitwasoloka helu, atatenu katuvwilile woma nilimwe tangwa.

1 Samuel 12:21

Kanda nupiasukila ha kukaula yuma yamokomoko yize kuyichi kuhasa kunukwasa hanji kunupulula mumu kuyapwa yamokomoko.