Shimbi 32:18 - MUKANDA USANDU WA ZAMBI 1975

¹⁸ Kunwasele mbunge Liwe yoze wanusemene. Nwavulamine Zambi chisemi chenu.

Mukanda Wa Zambi 1970

¹⁸ Yaavulama Zambi yo, Chilamwina cho mukwa ndundo, yoze waahele mwono.

Shimbi 32:18 Iomraidhean Croise

Miaso (Masamu) 106:21

Avulamine Zambi Chilamwina cho yoze walingile yuma yinene mu Engitu,

Miaso (Masamu) 18:2

Yehova iye liwe liami, ni mbonge yami, ni mukwa kungupulula; Zambi yami ni liwe liami lia tachi, muli iye munguswama. Iye lukepwe wami, ni mbinga ya ulamwino wami, ni kaposhi kami musuku.

Miaso (Masamu) 9:17

Yingulungulu kumakaambila mu Shiole, ewa, ni mavungu eswe akavulama Zambi.

Izaya 17:10

Mumu hinwavulama mwe Zambi ya ulamwino wenu, kunwewulukile Luliwe lwa uchinyino wenu. Kashika chipwe munutumba mitondo yipema, ni kutumba yitondo ya zambi umwe wa tundaka,

Izaya 27:11

Muze mitango yawo hiyoma, mayimakwona, mba mapwo meza nikuyisa ha jiko. Mumu wano atu keshi meso a kunyingika; kashika Tangi yo kechi kaavwila keke; yoze waawumbile kechi kaavwila vumbi.

Jeremia 2:31

Ni yenu akwa chisemuko chino, panjikenu liji lia Yehova. Te hinapwa kuli Izalele ngwe puya? Hinapwa ngwe chifuchi cha milima pwi? Nyi chocho kuchi te atu jami kakwamba ngwo, Tunatusuka, kutuchi kwiza nawa kuli yena?

Jeremia 2:32

Te mwana-pwo mavulama yuma yenyi ya uhenya? Hanji ndungi mavulama mazalo jenyi? Hindu atu jami hananguvulama kwalula matangwa anji kuhiana.

Jeremia 3:21

Liji limwe kanalivu ha milundu kuyishi mitondo, ana ja Izalele a malunga kulila ni kulembelela mumu hanahengesa majila jo, ni kuvulama Yehova Zambi yo.

Ezekiel 22:12

Hakachi kenu atu matambula chijiko akamwange manyinga. Nwakutambula mbwezo ni upite, ni kufumbula kuli enyembo jenu ni mbenga, ni yami hinwanguvulama. Chocho kanambe Mwene Yehova.

Hosea 8:14

Izalele hanavulama Tangi yenyi, hatunga palasiu. Yunda hanokesa yihunda ya kukolesa, alioze mungutuma kahia ha yihunda yenyi, mukalalisa mbonge jenyi.

Shimbi 32:15

Yeshurene watohele mba yatwa chishindo, ngwami, Nwatohele, ni kumeta, ni kusenena ni maji mba yehuka Zambi tangi yo, yalelesa Liwe lia ulamwino wo.

Shimbi 32:4

Iye Liwe. Yitanga yenyi yingunu, mumu majila jenyi eswe ja ululi. Iye Zambi ya jika; keshi uhenge; mukwa pundu, mukwa umwenemwene.

Shimbi 6:12

henaho, nukanyame kuchina munuvulama Yehova wanuchijile mu chifuchi cha Engitu, ku zuwo lia upinji.

Shimbi 8:11

Nukanyame kuchina munukavulama Yehova Zambi yenu ha kulituna kufunga maliji jenyi a shimbi, ni upatwilo wenyi, ni yiyulo yenyi, ngunanwambeyo musono.

Shimbi 8:14

hanji mbunge jenu mujikazunduka, munukavulama Yehova Zambi yenu wanuchijile mu chifuchi cha Engitu, ku zuwo lia upinji.

Shimbi 8:19

Kachi munuvulama Yehova Zambi yenu, nikukaula tuzambi tweka, ni kutuvumbika, ni kutuwayila, chamwenemwene ngunanushindakenya musono ngwami, Kumunukakuwa.

1 Samuel 12:9

Alioze yavulama Yehova Zambi yo kashika iye yaalanjisa kuli Sisera kapitau ka tujita twa Hazore, ni kuli A-Filistea, ni kuli mwanangana wa Moape, ashile no jita.