Shimbi 32:12 - MUKANDA USANDU WA ZAMBI 1975

¹² chocho Yehova wika wangusongwelele, te mazambi a tundaka keshiko hamwe nenyi.

Mukanda Wa Zambi 1970

¹² Mwene Zambi wika yasongwela atu jenyi, hi ni kukwasa ko cha zambi ya yilambala.

Shimbi 32:12 Iomraidhean Croise

Nehemia 9:12

Chikwo nawa waatetekelele mu nguji lia lelwa ha mwalwa, ni nguji lia kahia ha ufuku Ukaahe pangu mu jila yize chaatamba kuya.

Jobe 15:19

waze aahele che chifuchi ukawo ni yilambala kapalikile hakachi ko).

Miaso (Masamu) 136:16

Kuli yoze wasongwelele atu jenyi ndusu mu puya; mumu utu wa zango lienyi wa mutolo.

Miaso (Masamu) 27:11

Ngulongese jita ye, Yehova; ngusongwele kama mu jita yize yasalama, mumu hali akwa kole jami.

Miaso (Masamu) 78:14

Ha mwalwa nawa waasongwelele ni lelwa. Ha ufuku waasongwelele ni pangu lia kahia.

Miaso (Masamu) 80:1

Panjika kama, yena Kafunga ka Izalele. Yena wakutetekela José ngwe chendo cha yimuna. Panguluka kama yena wakutwama hakachi ka akerupime.

Miaso (Masamu) 81:9

Kachi niumwe zambi ya tundaka keshiko hakachi kenu. Chipwe kuwayila umwe zambi ya tundaka kachi kunwachilingile.

Izaya 46:4

Ndo ku ushinakaji wenu hindu Yami Nguli, mungukanumbata ndusu ni kambu jitoma. Yami natangile ni yami munguzundula; mungumbata, mungulamwina.

Izaya 63:14

Ngwe yimuna a kupalumuka ku chikulo, mwe Spiritu wa Yehova waahwimishine. Chocho wasongwelele atu je ukalifumanyishine jina lia uhenya.

Hosea 11:4

Naasongwelele ni mihipu ya keke, ni malenge a zango. Nalumukine kuli ayo ngwe yoze makokolola kanga ha mbangachi jo. Nahetaminyine kuli ayo nikwalisa.

Shimbi 1:31

Ni mu puya, nwamwenemo ngwe Yehova Zambi yenu anumbachile ngwe lunga mambata mwanenyi, mu jila yeswe nwayilemo, ndo nwejile kuno.

Shimbi 32:39

Haliapwila talenu. Ngwami, Yami, yami mwene nguliko. Kukushi niumwe zambi hamwe ni yami. Nakushiha mba nakuhana mwono, nakulemeka mba nakuwuka. Kukushi niumwe mahasa kupulula mutu ku kwoko liami.

Shimbi 4:35

Anulwezelecho yenu, hanga nunyingike ngwenu, Yehova iye Zambi. Wakuhi weka shina iye wika.

Shimbi 4:39

Kashika, nyingikenu musono, nuchipachikile mu mbunge jenu, ngwami, Yehova iye Zambi mwilu ni hashi. Wakuhi weka niumwe.

Yoshua 24:17

mumu Yehova Zambi yetu iye watuchijile ku chifuchi cha Engitu ku zuwo lia upinji, ni yetu ni tulamba twetu. Iye walingile yipupu yize yinene kumeso jetu nikutufunga jila yeswe twendelele ni hakachi ka mavungu eswe muze twapalikile.