Shimbi 31:3 - MUKANDA USANDU WA ZAMBI 1975

³ Yehova Zambi yenu makanutetekela, makonwona mavungu aze kumeso jenu, nukaazuke. Yoshua, iye makazauka kumeso jenu, ngwe ambile Yehova.

Mukanda Wa Zambi 1970

³ Mwene Zambi, Zambi yenu, mwe manutetekela ni kwonona mavungu waze atwama ko, mba nukahase kuzuka chifuchi cho. Yoshua mwe makabwa kasongo kenu, ngwe chize ambile Mwene Zambi.

Shimbi 31:3 Iomraidhean Croise

Ubutukilo 48:21

Mba Izalele yamba kuli José ngwenyi, Tala mu kufwa nguli, alioze Zambi kumakapwa hamwe ni yena, kumakakuneha ku chifuchi cha atatenu.

Yilinga 7:45

Yize nawa tulamba twetu ayitambwile waze atetekelele, ayinehene hamwe ni Yoshua muze anjilile mukupita chifuchi cha akwa mavungu, waze Zambi Watuhwishile kumeso ja tulamba twetu ndo ku matangwa ja David.

Shimbi 1:30

Yehova Zambi yenu manutetekela, iye makanwashila jita, nikulita ni yeswe anulingilile mu Engitu ku meso jenu.

Shimbi 3:28

Alioze uhane shimbi kuli Yoshua umukolese umujikijise, mumu iye makazauka kumeso ja atu ano, iye makaatungisa mu chifuchi yena mumona.

Shimbi 31:14

Yehova yamba kuli Mose ngwenyi, Tangwa lia kufwa che linakundama. Tambika Yoshua, numane mu mbalaka ya chikungulwila, hanga ngumwehe chiyulo. Mose ni Yoshua yaya, yamana mu mbalaka ya chikungulwila.

Shimbi 31:23

Yehova yahana kuli Yoshua, mwana wa Nune, chiyulo ngwenyi, Takama, uhamuke, mumu kumukahetesa A-Izalele mu chifuchi nalishingile kuhana kuli ayo. Mungukapwa hamwe ni yena.

Shimbi 31:4

Yehova makalinga kuli ayo ngwe alingile iye kuli Sahone, ni kuli Oge, mianangana ja A-Amore ni ku chifuchi cho, iye yaonwona.

Shimbi 34:9

Yoshua, mwana wa Nune, wazalile tò ni Spiritu ya mana, mumu te Mose hasayika hali iye moko jenyi. A-Izalele yapanjika kuli iye, yalinga ngwe Yehova ambile Mose.

Shimbi 7:1

Muze Yehova Zambi yenu manuhetesa mu chifuchi nunayi kuchizuka, ha kahuma mavungu anji kumeso jenu, A-Hete, ni A-Ngikashe, ni A-Amore, ni A-Kanana, ni A-Perize, ni A-Hevwe, ni A-Yepushe, mavungu shimbiali ananuhiana ni unene, ni ndundo,

Shimbi 9:3

Kashika, nyingikenu musono ngwami, Yehova Zambi yenu, iye kanazauka kumeso jenu ngwe kahia ka kulesa, iye kumakaakuwisa, kumakaakumba kumeso jenu, chocho munukaahuma, nikwakuwisa washi, ngwe ambile Yehova kuli yenu.

Hebreu 4:8

Mumu kachi Yoshua waahetesele ku uhwimino, kachi kahanjikile kulutwe ha kutwala ku tangwa likwo.

Yoshua 1:2

Kavumbi kami Mose hafwa, kashika katuka uzauke Yordau yono, ni yena ni wano atu eswe, nukanjile mu chifuchi chize ngunahane kuli A-Izalele.

Yoshua 11:15

Chizechene ngwe Yehova watumine Mose kavumbi kenyi, chocho Mose watumine Yoshua, chocho Yoshua yalinga. Yoshua kahichikile chuma nichimwe cha yize Yehova watumine Mose.

Yoshua 3:7

Yehova yamba kuli Yoshua ngwenyi, Musono munguputuka kukunangamisa kumeso ja A-Izalele eswe, akanyingike ngwo, Chizechene apwile ni Mose chocho kwali nawa ni iye.

Yoshua 4:14

Tangwa lize Yehova wanangamishine Yoshua kumeso ja A-Izalele eswe. Amuvwilile woma chizechene ngwe avwilile woma Mose matangwa eswe a mwono wenyi.