Shimbi 30:9 - MUKANDA USANDU WA ZAMBI 1975

⁹ Yehova Zambi yenu makanufumbula ku milimo yeswe ya moko jenu, ni ana a ku mijimba yenu, ni ana a yimuna jenu, ni mbuto ya ha mavu jenu, hanga nuwahe. Mumu Yehova makawahilila nawa hali yenu, nuwahe, ngwe iye wawahililile hali akakenu,

Mukanda Wa Zambi 1970

⁹ Mwene Zambi, Zambi yenu, makanuwahisa mu yeswe yize munukalinga. Munukabwa ni ana anji ni ngombe anji. Minda yenu muyikema mbuto ja kulumbama. Makevwa kuwaha ha kunuwahisa ngwe chize awahishile tushakulu twenu,

Shimbi 30:9 Iomraidhean Croise

Izaya 62:4

Kechi kanutongola nawa ngwo, A kwehuka; chifuchi chenu kechi kachitongola nawa ngwo, Cha woya. Alioze makanutongola ngwo, Uwahililo wami watwamamo; ni chifuchi chenu makachitongola ngwo, Cha ulo, mumu Yehova kanawahilila muli yenu, ni chifuchi chenu muchipwa cha ulo.

Izaya 62:5

Mumu chizechene ngwe mukweze kakumbata virgem, chocho ana jenu manumbata; chizechene ngwe sandungi kakwivwa chiseke ni mwe ndungi, chocho nawa Zambi yenu mevwa chiseke ni yenu.

Izaya 65:19

Ni yami munguwahilila ni Yerusaleme, mungwivwa chiseke ni atu jami. Kechi kevwamo nawa liji lia kulila, hanji muteto wa lamba.

Jeremia 31:27

Yehova kanambe ngwenyi, Matangwa kaneza muze munyachi wa Izalele ni munyachi wa Yunda mungukuwako mbuto ya atu ni mbuto ya tushitu.

Jeremia 31:28

Mba chizechene ngwe hinaatala kutukula, ni kupuzula, ni kununguna, ni kwonwona, ni kukoka yuma yikalu, chocho mungwatala kutunga ni kutumba. Chocho kanambe Yehova.

Jeremia 32:41

Mungukawahilila ha kwalinga yipema, mungukaatumba mu chifuchi chino ni umwenemwene, ni mbunge yami yeswe, ni mwono wami weswe.

Jeremia 33:9

Ni chihunda chino kumuchikapwa kuli yami jina lia uwahililo, ni uhaliso, ni uhenya kumeso ja mavungu eswe a hashi waze mevwa yipema yize yeswe mungwalinga. O kumakevwa woma ni kuchikima mumu ha yipema yeswe ni kuwaha cheswe mungwalingila.

Alevi 26:4

mba mungunwaha vula ha tukweji twenyi, ni e mavu mahana mbuto, ni mitondo yeswe muyihana mihuko yayo.

Alevi 26:6

Mungunwaha uhwimino mu chifuchi. Munupomba kanawa, niumwe manuvwisa woma. Munguchiza ngongo api mu chifuchi. Chipwe katana ka jita kechi kupalika mu chifuchi chenu.

Zefania 3:17

Yehova Zambi ye mwali muli yena, mwe ka jita yoze wakuhana kukumba. Kumakevwa kuwaha ni yena ni chiseke chinji; kumakakuhuzulula mu zango lienyi; kumakalikwiza ni yena ni miaso ya tachi

Luka 15:32

Alioze chatamba kusehejela nikuwahilila; mumu yono mwanakwenu wapwile mufu, mba kali ni mwono cheka nawa; watokele, mba hamuwana.

Yoano 15:11

Yino yuma hinahaniika kuli yenu, hanga uwahililo wami ukapwe muli ycnu, ni uwahililo wenu ukazale tó.

Shimbi 28:4

Makawaha ana a ku mijimba yenu, ni mbuto ya ku mavu jenu, ni ana ja ngombe jenu, ni kwoka cha yimuna jenu, ni ana ja mapanga jenu.

Shimbi 28:63

Chizechene ngwe Yehova wawahililile hali yenu mukunulinga yipema, mukunwokesa, chocho Yehova makawahilila hali yenu mukunukuwisa, mukunwonwona, makanuchangumuna ku chifuchi nunayi kuzuka.

Shimbi 30:8

Munukahiluka nikuzeya ku liji Ka Yehova, ni kulinga maliji jenyi eswe a shimbi ngunanwambo musono.

Shimbi 7:14

Makanuwahisa kuhiana mavungu eswe. Kuhechi kapwa hakachi kenu mumba niumwe, chipwe lunga, chipwe pwo, chipwe hakachi ka yimuna jenu.