Shimbi 30:8 - MUKANDA USANDU WA ZAMBI 1975

⁸ Munukahiluka nikuzeya ku liji Ka Yehova, ni kulinga maliji jenyi eswe a shimbi ngunanwambo musono.

Mukanda Wa Zambi 1970

⁸ Munukamwononokena nawa ni kufunga Shimbi jenyi jeswe jize ngunanulongesa musono.

Shimbi 30:8 Iomraidhean Croise

Yishima 16:1

Kuhala cha mbunge chili kuli mutu; alioze kumbululo lia mu kanwa Unakatuka kuli Yehova.

Jeremia 31:33

Alioze Yehova kanambe ngwenyi, Usendo mungukolesa ni munyachi wa Izalele kulutwe lia matangwa aze uno, Mungukasa shimbi yami muchima lio, ni kuyisoneka ha mbunge jo. Mungukapwa Zambi yo, no makapwa atu jami.

Jeremia 36:3

Hanji munyachi wa Yunda mevwa yuma yikalu yeswe yize ngunambe kulinga kuli ayo hanga mutu mweswe akatuke ku ndako jenyi jipi ngukaakonekene uhenge wo ni shili yo.

Ezekiel 36:27

Mba mungukasa Spiritu yami muli yenu; mungukanwendesa nikulita ni yiyulo yami, munukatala kanawa kufunga shimbi jami.

Ezekiel 37:24

Kavumbi kami David kumapwa mwanangana wo, no eswe kumakapwa ni kafunga umuwika. Kumakakaula shimbi jami; kumakatala kanawa kufunga yiyulo yami.

Efesu 2:16

hanga akawanyise eswe aali kuli Zambi mu mujimba umuwika ku kulusu, se wahwishile nawo ye kole.

Shimbi 30:2

ha kuhiluka kuli Yehova Zambi yenu ni kuzeya ku liji lienyi ni mbunge jenu jeswe, ni alma jenu jeswe, nikulita ni yeswe ngunanwambeyo musono, ni yenu, ni ana jenu,

Shimbi 30:7

Yehova Zambi yenu makasa mashingo ano eswe hali akwa kole jenu, hali eswe ananuvwila kole, anuhungumionene.

Shimbi 30:9

Yehova Zambi yenu makanufumbula ku milimo yeswe ya moko jenu, ni ana a ku mijimba yenu, ni ana a yimuna jenu, ni mbuto ya ha mavu jenu, hanga nuwahe. Mumu Yehova makawahilila nawa hali yenu, nuwahe, ngwe iye wawahililile hali akakenu,

Filipu 2:13

mumu yoze wakulinga muli kuyenu iye Zambi, kupala ni kulinga ha kuwaha chenyi.