Shimbi 30:3 - MUKANDA USANDU WA ZAMBI 1975

³ Yehova Zambi yenu kumakalumuna ufunge wenu, makanuvwila keke, nikunukonga ku mavungu eswe kuze Yehova Zambi yenu wanumwanginyine.

Mukanda Wa Zambi 1970

³ kachi Mwene Zambi, Zambi yenu, makanuvwila keke. Makanuchiza ku mavungu kuze anumwanginyine, mba makanuwahisa nawa.

Shimbi 30:3 Iomraidhean Croise

Ubutukilo 28:15

Tala, yami nguli hamwe ni yena, mungukakufunga kweswako muoya, mungukakuneha nawa ku chifuchi chino, mumu chichi kakuhichika ndo hinalinga chize nakulwezanga.

Ubutukilo 48:21

Mba Izalele yamba kuli José ngwenyi, Tala mu kufwa nguli, alioze Zambi kumakapwa hamwe ni yena, kumakakuneha ku chifuchi cha atatenu.

1 Sango Ja Mianangana 16:35

Ambenu ngwenu, Zambi ya ulamwino wetu, utulamwine kama utuchize hakachi ka mavungu nikutukonga, hanga tukasakwile ku jina lie lisandu, tukakumbe mu uhaliso we

Nehemia 1:9

Alioze nyi munuhiluka kuli yami ni kufunga shimbi jami ni kujilinga, chipwe akwa kumwangana haya ku masongo a hashi, hindu mungwachizako ni kwaneha kuma kuze binatongola kusako jina liami.

Jobe 42:10

Mba Yehova yahilwisa kuwaha cha Jo muze iye halembela akwo. Yehova yamwaha yisuho yiali ya chize apwile nacho kushi.

Miaso (Masamu) 107:3

akaakunge ku yifuchi ku Chivumbuko ni ku Chitokelo; ku Norte ni ku Sule.

Miaso (Masamu) 147:2

Yehova kakutunga Yerusaleme. Kakukungulula waze amwanganyine a kuli Izalele.

Izaya 27:12

Ha tangwa lize Yehova mazungula mbuto chize ku lwiji Ufrateze ndo ku chitwetwe cha Engitu, ni yenu A-Izalele manwanda umwe ha umwe.

Izaya 43:5

Kanda wivwa woma mumu nguli hamwe ni yena. Munguneha ana je ku Chivumbuko, ni ku Chitokelo mungukukonga.

Izaya 54:7

Ha kashimbu kakepekepe nakwehukile, alioze mungukakukonga ni keke yinji.

Izaya 56:8

Mwene Yehova mukwa kukonga A-Izalele aze haambila kanambe ngwenyi, Mungukunga kuli iye akwo nawa helu lia waze hanaakongo.

Jeremia 12:14

Yehova kanambe ha kutwala kuli enyembo jami api, waze akukwata ku chihinga chize hinahana kuli atu jami A-Izalele ngwenyi, Mungwatukula ku chifuchi cho; mungutukula munyachi wa A-Yunda hakachi ko.

Jeremia 23:3

Henaho mungukonga masalila ja mapanga jami ku yifuchi yeswe kuze hinaahumina. Mungwaneha nawa ku limba lio mba masema ni kuliokesa.

Jeremia 29:14

Yehova kanambe ngwenyi, Mununguwana mba munguhilwisa kuwaha chenu ni kunukonga ni kunuchiza ku mavungu eswe ni yifuchi yeswe kuze hinanuhumina mba mungunuhilwisa nawa ku chifuchi kuze nanuchijile hatangu ngukanutume ku unjize. Chocho kanambe Yehova.

Jeremia 31:10

Enu mavungu, panjikenu liji lia Yehova nukaliambulule ku yifuchi ya mbaka kusuku. Ambenu ngwenu, Yoze wamwangine Izalele kumakamukonga nawa ni kumufunga ngwe kafunga kakuhinga mapanga jenyi.

Lungungu 3:22

Utu wa zango lia Yehova kuuchi kahwa; keke yenyi kuyichi kasula.

Lungungu 3:32

Chipwe mavwisa chinyengo, hindu mapwa ni keke nikulita ni kulumbama cha utu wenyi wa zango.

Ezekiel 11:17

Kashika amba ngwe, Mwene Yehova kanambe ngwenyi, Mungukanukonga ku mavungu; mungukanuchiza ku yifuchi kuze hinwamwanganyina, mungukanwaha chifuchi cha Izalele.

Ezekiel 36:24

Mumu mungukanuchiza ku mavungu, mungukanukonga ku yifuchi yeswe ngukanunehe ku chifuchi cha yenwene.

Ezekiel 39:28

Henaho makanyingika yami nguli Yehova Zambi yo mumu naatumine ku unjize hakachi ka mavungu, mba naakungile nawa ku chifuchi cha ayo ene. Chichi kahichika niumwe akasale hakachi ka mavungu nawa.

Mika 7:19

Kumakatuvwila keke cheka nawa; kumakaliata uhenge wetu ni molu jenyi. Kumukambila milonga yetu mu mashima ja kalunga-lwiji.

Zakaria 10:9

Chipwe naamwangine hakachi ka mavungu, hindu ku yifuchi ya kusuku makangwiwuluka; mba makatwama ni mwono, makahiluka hamwe ni ana jo.

A-ROMA 11:23

No nawa, nyi keshi kunyongonona mu uhulia, kumakaanungamo; mumu Zambi kanahase kwanungamo cheka nawa.

A-ROMA 11:26

chocho makalamwina A-Izalele eswe; ngwe chinasonewa ngwo, Mukwa kupulula kumakakatuka ku Zaione; iye kumakakatwisa utanganyanyi kuli akwa Yakomba;

A-ROMA 11:31

Chocho wano nawa kononokeneko, hanga ku keke yize anuvwilileyo, o nawa akawane keke.

Shimbi 13:17

Niyimwe ya yuma yajila kanda nuyikwata ni moko jenu, hanga Yehova alumuke ku usasu wa utenu wenyi, anuvwile keke, anuvwile vumbi, anwokese, ngwe alishingile kuli tulamba twenu,

Shimbi 4:27

Yehova kumakanumwanga hakachi ka mavungu. Munukasala piliwiji hakachi ka mavungu kuze Yehova makanumwangina.