Shimbi 30:2 - MUKANDA USANDU WA ZAMBI 1975

² ha kuhiluka kuli Yehova Zambi yenu ni kuzeya ku liji lienyi ni mbunge jenu jeswe, ni alma jenu jeswe, nikulita ni yeswe ngunanwambeyo musono, ni yenu, ni ana jenu,

Mukanda Wa Zambi 1970

² Nyi yenu ni vungu lienu munutewuluka kuli Mwene Zambi ni mbunge jenu jeswe ha kwononoka ku yiyulo yenyi yize ngunanulongesa musono,

Shimbi 30:2 Iomraidhean Croise

1 Sango Ja Mianangana 29:17

Zambi yami, ngunanyingika yena kuwakweseka mbunge, kuwakuwahilila ni ululi. Ha kutwala kuli yami mu kutuwika cha mbunge yami hinahana yino yuma yeswe nikulikomonona. Mba hinamona ni chiseke atu je wano anasu kuno kanakulambula ni mbunge.

1 Sango Ja Mianangana 29:9

Ni e atu awahililile mumu ahanyine ni mbunge, mumu alambwile Yehova ni mbunge yingunu, ni mwanangana David wawahililile ni chiseke chinji.

2 Sango Ja Mianangana 30:9

Mumu nyi munuhiluka kuli Yehova usoko wenu ni ana jenu nwavwila keke kuli waze kali no mu ufunge, mba meza nawa ku chifuchi chino. Mumu Yehova Zambi yenu mukwa vumbi ni keke. Kechi kutewulula meso jenyi kuli yenu nyi munuhiluka kuli iye.

Nehemia 1:9

Alioze nyi munuhiluka kuli yami ni kufunga shimbi jami ni kujilinga, chipwe akwa kumwangana haya ku masongo a hashi, hindu mungwachizako ni kwaneha kuma kuze binatongola kusako jina liami.

Miaso (Masamu) 119:2

Kawaha waze atunga Shindakenyo jenyi; waze amufupa ni mbunge yeswe.

Miaso (Masamu) 119:80

Mbunge yami yikapwe yingunu mu yiyulo ye, mba chichi kevwa sonyi. Kafe

Miaso (Masamu) 41:12

Ni yami, wakungukwachilila mu kutuwika chami cha mbunge. Wakungukolesa kumeso je ku miaka ya mutolo.

Jeremia 29:13

Munungufupa mba mununguwana, nyi munungufupa ni mbunge jenu jeswe.

Jeremia 3:10

Alioze chipwe ni yino yuma yeswe hindu yayo wa mahuza Yunda kahilukile kuli yami ni mbunge yeswe alioze yalionga. Chocho kanambe Yehova.

Jeremia 36:3

Hanji munyachi wa Yunda mevwa yuma yikalu yeswe yize ngunambe kulinga kuli ayo hanga mutu mweswe akatuke ku ndako jenyi jipi ngukaakonekene uhenge wo ni shili yo.

Jeremia 4:14

Yerusaleme, sanenu ku mbunge ungulungulu ukatuke, akanulamwine. Ndo mwiji muka manyonga jenu api matwama muli yenu?

Lungungu 3:32

Chipwe mavwisa chinyengo, hindu mapwa ni keke nikulita ni kulumbama cha utu wenyi wa zango.

Lungungu 3:40

Twesekenu majila jetu nikwahengula tukahiluke kuli Yehova!

Ezekiel 6:9

mba waze kafwile makangwiwuluka hakachi ka mavungu kuze haatwala funge, chize hanangumakuna ni mbunge jo ja ukoi jize hijinangukatuka, ni meso jo aze hanaatalikisa ni ukoi ku mahamba jo. Ene meza kulivwila kupiha kumeso jo ene mumu ha yipi yize halinga ni yuma yo ya lwaji.

Hosea 3:5

Mba kulutwe A-Izalele makahiluka nikufupa Yehova Zambi yo ni mwanangana wo David. Mba makeza ni woma wa Yehova ku upeme wenyi ha matangwa a kusula.

Alevi 26:40

Alioze nyi mashikisa uhenge wo ni uhenge wa akako, ni mafwefwe aze alingile a kulimika ni yami, ni chize endele nikulimika ni yami,

Zakaria 12:10

Mungukazukula ha munyachi wa David ni hali akwa Yerusaleme Spiritu ya vumbi ni kulembela. Kumakahulikila meso yoze amutuwile. Kumakalishimwoka hali iye ngwe mutu kakulishimwoka hali mwanenyi wa lunga wa wika. Makamuvwila chinyengo ngwe chinyengo chize cha mutu hali mwanenyi mutangu.

2 Korintu 3:16

Alioze heswaho matewulukila kuli Mwene, machizaho we wanda.

Efesu 6:24

Vumbi likapwe hamwe ni waze eswe akuzanga Mwene wetu Yesu Kristu ni zango liamwenemwene.

Shimbi 13:3

kanda nupanjika maliji a yoze profeta, hanji yoze mukwa kulota yilota, mumu Yehova Zambi yenu ananweseka kunyingika nyi nunazange Yehova Zambi yenu ni mbunge jenu jeswe, ni alma jenu jeswe.

Shimbi 6:5

Nuzange Yehova Zambi yenu ni mbunge jenu jeswe ni alma jenu jeswe, ni ndundo jenu jeswe.

1 Yoano 1:9

Kachi mutushikisa milonga yetu, kachi iye wamwenemwene, iye mukwa ululi kutukonekena milonga yetu, ni kutupemesa ku uhenge weswe.