Shimbi 30:16 - MUKANDA USANDU WA ZAMBI 1975

¹⁶ Ngunanwambe musono, nuzange Yehova Zambi yenu, nwende mu majila jenyi, nufunge maliji jenyi a shimbi, ni yiyulo yenyi, ni upatwilo wenyi, hanga nupwe ni mwono, nwoke, hanga Yehova Zambi yenu anuwahise mu chifuchi nunayi kuchizuka.

Mukanda Wa Zambi 1970

¹⁶ Nyi munufunga Shimbi ja Mwene Zambi, Zambi yenu, jize ngunanulongesa musono, nyi munumuzanga, ni kumwononokena, mba munukawaha, munukabwa vungu linene, Mwene Zambi, Zambi yenu, makanuwahisa mu chifuchi chize nunayi ni kuzuka.

Shimbi 30:16 Iomraidhean Croise

1 Yitanga Ya Mianangana 3:3

Solomone wazangile Yehova. Wendele mu yiyulo ya tato David. Chino wika washihile yitapo ha manangamo ni kwochelaho insensu.

Yishima 3:1

Mwanami, kanda uvulama longeso liami. Mbunge ye yikafunge shimbi jami,

Izaya 1:19

Nyi munwononoka ni mbunge munukalia yipema ya chifuchi;

Yoano 14:21

Yoze uli ni shimbi jami, wakujifunga, mwenawo wakunguzanga; ni yoze wakunguzanga, kumakamuzanga kuli Tata, ni yami mungumuzanga, mungulisolola kuli iye.

1 Korintu 7:19

Ungalami hi chimwe ko, ni ulima hi chimwe ko, alioze nukafunge shimbi ja Zambi.

Shimbi 30:17

Alioze kachi mbunge jenu mujitewuluka, kunuchi kwivwa, alioze manukoka, munuwayila tuzambi tweka ni kutuvumbika,

Shimbi 30:19

Ngunatambika malilu ni hashi yinushindakenye musono ngwami, Hinasa kumeso jenu mwono ni kufwa, chiwape ni shingo, kashika, tongolenu mwono hanga nupwe ni mwono, ni yenu ni ana jenu.

Shimbi 30:6

Yehova Zambi yenu makanupwisa ngalami ku mbunge jenu, ni mbunge ja ana jenu, nukazange Yehova Zambi yenu ni mbunge jenu jeswe, ni alma jenu jeswe, hanga nutwame ni mwono.

Shimbi 32:47

Mumu kuli yenu hi chamokomoko ko, kuchapwa mwono wenu, ku chuma chino munukokesa matangwa jenu mu chifuchi, nunazauka Yordau kuchizuka.

Shimbi 4:1

Enu A-Izalele panjikenu ku yiyulo ni ku upatwilo ngunanulongesa, nuyilinge, hanga nupwe ni mwono, nunjile ni kuzuka chifuchi Yehova Zambi ya tulamba twenu ananwehecho.

Shimbi 5:33

Nwende mu jila yeswe Yehova Zambi yenu hanwamba, hanga nupwe ni mwono, nutwame kawape, hanga nwokese matangwa jenu mu chifuchi munuzuka.

Shimbi 6:5

Nuzange Yehova Zambi yenu ni mbunge jenu jeswe ni alma jenu jeswe, ni ndundo jenu jeswe.

Yoshua 23:11

Kashika nukalinyonge kanawa nukazange Yehova Zambi yenu.