Shimbi 3:22 - MUKANDA USANDU WA ZAMBI 1975

²² Kanda nwavwila woma, mumu Yehova Zambi yenu iye makanwashila jita.

Mukanda Wa Zambi 1970

²² Kanda nwevila woma, mumu Mwene Zambi, Zambi yenu, makanwashila jita.’ ”

Shimbi 3:22 Iomraidhean Croise

2 Sango Ja Mianangana 13:12

Chikwo nawa Zambi kwali hamwe ni yetu kututetekela, ni asasendote jenyi ni yitavwi ya kulungula akahumune kutulungula kulimika ni yenu. Enu A-Izalele! Kanda nwasa jita ni Yehova Zambi ya tulamba twenu, mumu kunuchi kuwahamo.

2 Sango Ja Mianangana 20:17

Kuchatambile kwasa jita, enu A-Yunda ni A-Yerusaleme. Lilongenu, manenu chizechene nukamone ulamwino wa Yehova hamwe ni yenu. Kanda nwivwa woma, kanda nulishimwoka. Hamene tuhukenu kutakana no mumu Yehova kwali hamuwika ni yenu.

2 Sango Ja Mianangana 20:29

Mba woma wa Zambi wapwile hali mavungu eswe a yifuchi ha kwivwa chize Yehova hasa jita ni akwa kole ja A-Izalele.

Nehemia 4:20

Kashika kweswako munuvwila liji lia chitavwi hizombokenuko kuli yetu. Zambi yetu matwashila jita.

Miaso (Masamu) 44:3

Kuchapwile ngwe ku katana ko azukile chifuchi. Hi kwoko lio ko Kaahele kukumba. Alioze chikambakamba che cha chindume, ni kwoko lie, hamwe ni pangu lia meso je, mumu wawahililile no.

Kutuhuka 14:14

Yehova kumakanwashila jita. Enu munukahola kwenu.

Kutuhuka 14:25

Iye yasokola maroda ja matemba jo chocho chapwile chikalu kwaendesa. A-Engitu ambile ngwo, Tuchinenu kumeso ja A-Izalele mumu Yehova kanaashila jita ni A-Engitu.

Kwalula 21:34

Yehova yamba kuli Mose ngwenyi, Kanda umuvwila woma, mumu hinamukunjika mu kwoko lie, ni atu jenyi eswe, ni chifuchi chenyi. Yena ulinge kuli iye chizechene ngwe walingile kuli Sahone, mwanangana wa A-Amore, yoze Watwamine ku Heshebone.

Shimbi 1:30

Yehova Zambi yenu manutetekela, iye makanwashila jita, nikulita ni yeswe anulingilile mu Engitu ku meso jenu.

Shimbi 20:1

Muze munutuhuka mukwasa jita ni akwa kole jenu, ha kumona tuvwalu, ni matemba, ni atu amwe ananuhiana ha kwoka, kanda nwavwila woma; mumu Yehova Zambi yenu kwali hamwe ni yenu, iye wanuchijile mu chifuchi cha Engitu.

Shimbi 20:4

mumu Yehova Zambi yenu anayi hamwe ni yenu, mukunwashila jita ni akwa kole jenu mukunulamwina.

Shimbi 3:21

Nambile Yoshua ha mwaka uze ngwami, Meso jenu hanamono yeswe alingile Yehova Zambi yenu kuli mianangana wano aali. Yehova alinge chizechene ku mawanangana eswe muze munuzauka.

Shimbi 3:23

Yinguliumba kuli Yehova ha mwaka uze ngwami,

Yoshua 10:42

Yoshua watambwile wano mianangana eswe ni chifuchi cho hamuwika mumu Yehova Zambi ya Izalele washilile jita Izalele.

Yoshua 23:10

Umuwika hakachi kenu kakuhuma kanunu se Yehova Zambi yenu kakunwashila jita ngwe halakenya ni yenu.