Shimbi 3:18 - MUKANDA USANDU WA ZAMBI 1975

¹⁸ Yingunwamba ha mwaka uze ngwami, Yehova Zambi yenu hananwehe chifuchi chino chihinga. Munuzauka ni yitwa yenu kumeso ja akwenu, A-Izalele, malunga eswe a hamu.

Mukanda Wa Zambi 1970

¹⁸ “Ha matangwa waze, yingwaaha Shimbi ngwami: ‘Mwene Zambi, Zambi yetu, haananwehe chifuchi chino cha ku chivumbuko cha Yordau nuchizuke. Haliabwila tujita twenu a tachi alipakate, nwatume hanga azauke Yordau kulutwe lia mavungu akwo ja Israele, akwase ha kuzuka che chifuchi.

Shimbi 3:18 Iomraidhean Croise

Ubutukilo 15:7

Yamwamba ngwenyi, Yami nguli Yehova, nakuchijile ku Ure ya A-Kaletea ngukwehe chifuchi chino cha chihinga.

Miaso (Masamu) 136:21

Wahanyine chifuchi cho chikapwe chihinga; mumu utu wa zango lienyi wa mutolo.

Kwalula 33:53

Nukazuke che chifuchi, nukatwamemo, mumu hinachihana kuli yenu kuchizuka.

Shimbi 12:1

Yiyulo yino, ni upatwilo uno, munukanyama kulinga mu chifuchi ananwehecho kuli Yehova Zambi ya tulamba twenu mukuchizuka, matangwa eswe munutwama hashi.

Shimbi 15:4

Hindu kanda kupwa kuli yenu chiswale niumwe, mumu chamwenemwene Yehova makanuwahisa mu chifuchi ananwehecho kuli Yehova Zambi yenu, chikapwe chihinga, nukachizuke,

Shimbi 19:14

Mu chihinga chize munutambula mu chifuchi Yehova Zambi yenu kananwehe kuzuka kanda nututulula njiza ya mukwenu, yize ajikile kuli malunga a shakulu.

Shimbi 19:2

nukalihandunwine membo atatu mukachi ka chifuchi chenu, Yehova Zambi yenu ananwehecho, nuchizuke.

Shimbi 19:7

Kashika ngunanwambe ngwami, Nukalihandunwine membo atatu.

Shimbi 21:1

Kachi mu chifuchi ananwehe kuli Yehova Zambi yenu nuchizuke, mawanamo umwe hanamushihi, anapombo mu yambu, kanyingikine mutu wamushihile,

Shimbi 25:19

Kashika ngwami, Muze hanuhwimisa kuli Yehova Zambi yenu kuli akwa kole jenu eswe ananujingilika, mu chifuchi Yehova Zambi yenu ananwehecho, chikapwe chihinga, nukachizuke, kanda nuvulama kujimuna jina lia Amaleke kwishi lia lilu.

Shimbi 5:31

Alioze, yena umane kuno kuli yami, mungwamba kuli yena maliji eswe a shimbi, ni yiyulo, ni upatwilo, ukaalongeseyo, hanga ayilinge mu chifuchi chize ngunaahecho kuzuka.

Shimbi 6:1

Achi, liji lino lia shimbi, ni yiyulo yino, ni upatwilo uno, Yehova Zambi yenu wambile ngunulongeseyo hanga nuyilinge mu chifuchi nunazauka kuchizuka.

Shimbi 9:6

Kashika, nyingikenu Yehova Zambi yenu kanuhele chifuchi chino chipema nuchizuke mumu ha ululi wenu; mumu kunwapwa akwa kupangula.

Yoshua 1:11

Palikenu hakachi ka chilombo nukatume e atu ngwenu, Lulikenu kulia chenu mumu ha matangwa atatu munuzauka Yordau yono nukanjile nukazuke chifuchi Yehova Zambi yenu kananwehe kuzuka.