Shimbi 3:17 - MUKANDA USANDU WA ZAMBI 1975

¹⁷ Ni Arapa nawa ni Yordau ni njiza yacho, katuke ku Chinerote ndo ku kalunga-lwiji wa Arapa, Chitende cha Mungwa, ku mwanda wa Pisiga ni kutala ku Chivumbuko.

Mukanda Wa Zambi 1970

¹⁷ Njiza ya ku chitokelo yiiheta ndoo ku lwiji Yordau, chize ku chitende cha Galilea ku norde ndoo ku chitende cha kufwa ku sude; ni ndoo ku mulundu wa Pisga ku chivumbuko.

Shimbi 3:17 Iomraidhean Croise

Ubutukilo 13:10

Mba Lote yahetula meso jenyi, yatala chana cheswe cha Yordau chatuchikile kweswe kanawa ni meya shimbu te Yehova kanda anongesa Sondome ni Ngomora; ngwe chála cha Yehova, ngwe chifuchi cha Engitu ha kutalikisa ku Zoare.

Ubutukilo 14:3

Wano eswe alifutwile hamuwika mu chana cha Shindime (likwo ngwo, Chitende cha Mungwa).

1 MIANANGANA 14:25

Yahilwisa njiza ya Izalele chize ku unjililo wa Hamate ndo ku kalunga-lwiji wa Arapa nikulita ni liji lia Yehova Zambi ya Izalele. Liji lize aliambile kuli kavumbi kenyi Yona mwana Amitai mwe profeta wa ku Ngate-Hefere.

Ezekiel 47:8

Aye yamba kuli yami ngwenyi, Meya wano kanende nikutalikisa ku chifuchi cha Chivumbuko, mba mapalumuka ku Arapa. E meya wano atuhukile kuze manjila mu kalunga-lwiji, mba makayemesa meya jamo.

Kwalula 23:14

Yamutwala ku chifuchi cha Zofime, ndo ku mbulwa Pisiga, yatunga yilumbilo shimbiali, yalambula kuji ya ngombe umuwika, ni kuji ya panga umuwika ha chilumbilo ni chilumbilo.

Luka 5:1

Shimbu mbunga amushinjikile mukwivwa liji lia Zambi, wamanyine ku sesa lia Chitende cha Ngenezare;

Shimbi 4:49

ni kweswe ku Arapa mu sali lia Yordau kutala ku Chivumbuko, ndo ku Chitende cha Arapa ku ukandukilo wa Pisiga.

Yoshua 12:3

ni Arapa ndo ku Chitende cha Chinerote ku Chivumbuko, kwa kuya ku Mbete-Jeshimote, ku Chitende cha Arapa, che Chitende cha Mungwa, kwa kutalikisa ku Sule ndo ku ukandukilo wa mulundu wa Pisiga.

Yoshua 13:27

ni mu chikulo cha Mbete-Arame, ni Mbete-Nimera, ni Sukote ni Zafone, chize cheswe chasalile cha ku chifuchi cha Sahone mwanangana wa Heshebone, Chikwete Yordau njiza yacho ndo ku mwanda wa Chitende cha Chinerote, ku Chivumbuko sali lize lia Yordau.

Yoshua 15:2

Njiza yo ya ku Sule yachijile ku songo lia Chitende cha Mungwa, ku konda yize yatala ku Sule.

Yoshua 15:5

Njiza ya ku Chivumbuko Chitende cha Mungwa ndo ku chihata cha Yordau. Njiza ya ku Norte yachiza ku konda ya Chitende ku chihata cha Yordau.

Yoshua 18:19

Chize ku kuze njiza yapalikila ku mulundu wa Mbete-Hogala sali lia ku Norte. Yasulila ku konda ya Chitende cha Mungwa ku Norte, ku sanga lia Yordau ku Sule. Ayo ye njiza ya ku Sule.

Yoshua 19:35

Membo a yipanga wano; Zidime, ni Zere, ni Hamate, ni Rakata, ni Chinerote,

Yoshua 3:16

e meya aze anakatuka ku tunda yamanyina mulumba kusuku, te ku Alama chihunda chasulangana ni Zaretane. Ni meya waze anayi ku mwanda ku Chitende cha Arapa, che Chitende cha Mungwa, o apatukile ngwi. Chocho atu azaukile hatalanganyi ni Yeriku.