Shimbi 28:9 - MUKANDA USANDU WA ZAMBI 1975

⁹ Yehova makanukolesa, nukapwe atu asandu kuli iye mwene, ngwe alishingile kuli yenu, kachi munufunga maliji a shimbi a Yehova Zambi yenu, ni kwenda mu majila jenyi.

Mukanda Wa Zambi 1970

⁹ “Nyi nwononoka kuli Mwene Zambi, Zambi yenu, nikulinga yeswe yize ananwambe, makanupwisa lume atu jenyi ngwe chize alakenyene.

Shimbi 28:9 Iomraidhean Croise

Ubutukilo 17:7

Kumungukakolesa usendo wami hakachi ka yami ni yena ni munyachi we kulutwe lia yena ku yisemuko yo ukapwe usendo wa mutolo, ngukapwe Zambi kuli yena ni kuli akwa munyachi we kulutwe lia yena.

Miaso (Masamu) 87:5

Ewa, ha kutwala kuli Zaione machamba ngwo, Sanganji ni Sanganji wasemukineko. Mwe Chitunda mwene makolesako.

Kutuhuka 15:26

Yamba ngwenyi, Kachi yenu munuhalakana pundu ku liji lia Yehova Zambi yenu, nikulinga chize chinate ku meso jenyi, nikupanjika ku maliji jenyi a shimbi, nikufunga yiyulo yenyi yeswe, kachi chichi kusa hali yenu kuyiza nichimwe nasele hali A-Engitu, mumu Yami Yehova, mukwa kunuwuka.

Izaya 1:26

Mungutwamisa ngaji jenu nawa ngwe apwile hatangu, ni tuliamanga jenu ngwe ha uputukilo. Mba kulutwe manutongola ngwo, Chihunda cha ululi, chihunda chamwenemwene.

Izaya 62:12

Kumakaatongola ngwo, E atu asandu; likwo nawa ngwo, Kule ja Yehova. Makanutongola ngwo, A kufupa, lie limbo kalimbilile.

Jeremia 11:5

hanga ngukamanune shingo lize nalishingile ni tulamba twenu, ngukaahe chifuchi cha kupukukila yamwa ni wuchi, ngwe ha tangwa lino lia musono. Ami nakumbulwile ngwami, Chochene, Yehova.

Shimbi 13:17

Niyimwe ya yuma yajila kanda nuyikwata ni moko jenu, hanga Yehova alumuke ku usasu wa utenu wenyi, anuvwile keke, anuvwile vumbi, anwokese, ngwe alishingile kuli tulamba twenu,

Shimbi 7:6

Mumu yenu kunwapwa atu asandu kuli Yehova Zambi yenu. Yehova Zambi yenu hananutongola nukapwe atu a mbala a iye mwene, nuhiane mavungu eswe ali hashi heswe.

Shimbi 7:8

Alioze mumu te Yehova kanuzanga yenu, chikwo nawa, iye anazange kufunga liji lia shingo alishingile nalio kuli tulamba twenu, Yehova hananuchiza ni kwoko lia ndundo, hananukula ku zuwo lia upinji, ku kwoko lia Falau, mwanangana wa Engitu.

2 A-TESALONIKA 3:3

Alioze Mwene wamwenemwene, mwenawo kumakanujikijisa, makanufunga ku yipi.

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

1 Petulu 5:10

Zambi ya vumbi lieswe, yoze hananutambika kuheta ku uhenya wenyi wa mutolo muli Kristu, muze te hinunevu lamba ha shimbu likepe, iye mwene, kumakanupwisa angunu, makanujikijisa, makanutakamisa.