Shimbi 28:8 - MUKANDA USANDU WA ZAMBI 1975

⁸ Yehova kumakanuwahisa ku machila jenu, ni ku yuma yeswe munulinga ni moko jenu. Iye makanuwahisa mu chifuchi chize Yehova Zambi yenu ananwehecho.

Mukanda Wa Zambi 1970

⁸ “Mwene Zambi, Zambi yenu, makawahisa milimo yenu, makazalisa machila jenu ni mbuto. Makanuwahisa mu chifuchi chize ananwehe.

Shimbi 28:8 Iomraidhean Croise

1 MIANANGANA 6:27

Aye ngwenyi, Nyi Yehova kakukwashile, ami neka mungukukwasa? Shina ku chizungwilo, nyi ku ukamino wa uva?

Miaso (Masamu) 1:3

Iye kumapwa ngwe mutondo wa kutumba ku tupila twa meya, uze wakwima mihuko yawo ha tungonde twayo. Lifwo liawo kulishi kuma. Cheswacho malinga muchiwaha.

Miaso (Masamu) 128:2

Mumu kumukalia cha kuhondangana cha moko je. Kumukawaha, kumuchikapwa kanawa ni yena.

Miaso (Masamu) 133:3

Ngwe mume wa ha Hermone, uze wakutuchika ha milundu ya Zaione. Mumu kuze kwene Yehova watumine uwape wa mwono ku miaka ya mutolo.

Miaso (Masamu) 144:13

Machila jetu azale tò, tukatambulemo ya kulia yeka ni yeka. Mapanga jetu akaseme tununu ni kumi Ha tununu mu kelo jetu.

Miaso (Masamu) 42:8

Hindu Yehova matuma utu wa zango lienyi ha mwalwa; ha ufuku mwaso wenyi mungupwa nawo, ewa, che kulemba kuli Zambi ya mwono wami.

Miaso (Masamu) 44:4

Yena uli mwanangana wami kanda Zambi yami. Tuma kama ulamwino kuli Yakomba.

Alevi 25:21

Yami mungutuma kunuwahisa ha mwaka wamuchisambano chocho mukukema mbuto ya miaka yitatu.

Alevi 26:10

Munukalia yuma ya kutulika shimbu linene. Munumbila yikulu hanga nukasweke yaha.

Hagai 2:19

Mbuto hindu yinatwama mu machila? Mitondo ya uva, ni ya makuyu, ni romana, ni olevwe hindu kuyemine? Chize ku tangwa lino mungunuwahisa.

Mateu 13:30

Echenu yeswe yiali yitatuke hamuwika ndo ku kucha: ha mwaka wa kucha mungukamba kuli akwa kucha ngwami, Kungikenu hatangu mwambu wamokomoko, nukaukase yichita mukuyocha; alioze nukakungile tiliku mu machila jami.

Mateu 6:26

Talenu tujila a mwilu, keshi kukuwa, chipwe keshi kucha, chipwe keshi kukungila mu machila; alioze Tatenu wa mwilu kakwahoka. Yenu kunwaahianyine chikolo, nyi?

Luka 12:18

Ngwenyi, Chino mungulinga, mungupuzula machila jami, mungutanga anene ahiana, muze mwene mungutulikila mbuto yami yeswe ni yuma yami yipema.

Shimbi 14:29

A-Levi mumu te o keshi chihanda chipwe chihinga hamwe ni yenu, ni njize, ni shiwa, ni twamishi aze ali mu yihunda yenu, aye, alie, ni kukuta, hanga Yehova Zambi yenu anuwahise ku milimo yeswe ya moko jenu munulinga.

Shimbi 15:10

Chamwenemwene nukamwehe, mbunge jenu kanda jivwa kupiha ha kunwahacho, mumu te ha chuma chino Yehova Zambi yenu makanuwahisa ku milimo yenu yeswe ni ku yeswe munulinga ni moko jenu.

Shimbi 15:4

Hindu kanda kupwa kuli yenu chiswale niumwe, mumu chamwenemwene Yehova makanuwahisa mu chifuchi ananwehecho kuli Yehova Zambi yenu, chikapwe chihinga, nukachizuke,

Shimbi 28:20

Yehova makanutuma shingo, ni kupinda, ni kwámbila, ku yuma yeswe munukalinga ni moko jenu, ndo makanwonwona, ndo munukakuwa washiwashi, mumu te ha yipi ya yilinga yenu, nwangwehukile nayo.

Shimbi 28:7

Akwa kole jenu akunukatukila, Yehova makaalamba kumeso jenu. O makatuhukila jila yimuwika kulimika ni yenu, alioze kumakachina kumeso jenu ku majila shimbiali.