Shimbi 28:1 - MUKANDA USANDU WA ZAMBI 1975

¹ Nyi munupanjika kanawa ku liji lia Yehova Zambi yenu, ni kukanyama kulinga maliji jenyi eswe a shimbi ngunanwambe musono, mba Yehova Zambi yenu makanunangamisa helu lia mavungu eswe hano hashi.

Mukanda Wa Zambi 1970

¹ “Nyi munwononokena Mwene Zambi, Zambi yenu, ni kufunga Shimbi jenyi jeswe jize ngunanulongesa musono, makanupwisa anene kuhiana mavungu akwo a hano hashi.

Shimbi 28:1 Iomraidhean Croise

1 Sango Ja Mianangana 14:2

David yasa chinyingi ngwenyi, Yehova hanangukolesa mwanangana wa Izalele. Wanangana wami hanaunangamisa chikolo mumu ha mukunda wa atu jenyi A-Izalele.

Miaso (Masamu) 106:3

Kawaha waze akufunga upatwilo, ni yoze wakulinga ululi matangwa eswe.

Miaso (Masamu) 111:10

Woma wa Yehova, we uputukilo wa mana. Waze eswe akulinga nikulita, malinjekela akwete. Uhaliso wenyi kuwalinduluka wa mutolo.

Miaso (Masamu) 119:128

Kashika ngunamono ndongo je jeswe ja kutwala ku yuma yeswe ngwami, Jinapeme, mba kunavwila lwaji jila yeswe ya mahuza. Pe

Miaso (Masamu) 119:6

Nyi chocho chichi kwivwa sonyi muze mungulemesa shimbi je jeswe.

Miaso (Masamu) 148:14

Iye hanazundula mbinga ya atu jenyi, ni uhaliso wa asandu jenyi eswe; e ana a Izalele, atu aze atwama hehi nenyi. Halisenu Yehova!

Miaso (Masamu) 91:14

Mumu hangusela zango lienyi kashika mungumupulula. Mungumutwamisa kwilu mumu hanyingika jina liami.

Kutuhuka 15:26

Yamba ngwenyi, Kachi yenu munuhalakana pundu ku liji lia Yehova Zambi yenu, nikulinga chize chinate ku meso jenyi, nikupanjika ku maliji jenyi a shimbi, nikufunga yiyulo yenyi yeswe, kachi chichi kusa hali yenu kuyiza nichimwe nasele hali A-Engitu, mumu Yami Yehova, mukwa kunuwuka.

Kutuhuka 23:22

Alioze nyi chamwenemwene muhalakana ku liji lienyi nikulinga yeswe mungwamba, mba kumungukapwa mukwa kole kuli akwa kole je, mukwa kumwesa luyinda kuli waze akukumwesa luyinda.

Kutuhuka 23:25

Nukavumbike Yehova Zambi yenu. Iye kumakawahisa kulia chenu ni meya jenu. Kumungukachiza kuyiza hakachi kenu.

Izaya 1:19

Nyi munwononoka ni mbunge munukalia yipema ya chifuchi;

Izaya 3:10

Ambulwila akwa ululi ngwe, Muchipwa kawape no, mumu makalia mihuko ya yitanga yo.

Jeremia 11:4

natumine tulamba twenu muze naachijile mu chifuchi cha Engitu, mwe mu lutengo wa utale ngwami, Panjikenu ku liji liami, lingenu yeswe ngunanutumina. Chocho munukapwa atu jami ni yami mungukapwa Zambi yenu

Jeremia 12:16

Muchikapwa nyi malilongesa kanawa kanawa ndako ja atu jami, akalishinge ni jina liami ngwo, Ni mwono wa Yehova, chizechene ngwe alongesele atu jami kulishinga ni Mbale; nyi chocho mba maatungisa hakachi ka atu jami.

Jeremia 17:24

Alioze Yehova kanambe ngwenyi, Nyi munupanjika kuli yami, kunuchi kunjishila chiteli nichimwe ha Sambata ku yikolo yino mu chihunda chino, alioze munufunga Sambata tangwa lisandu, ni kulingaho milimo niyimwe,

Luka 1:6

O, eswe aali, apwile akwa ululi kumeso ja Zambi, kanende mu maliji eswe a shimbi ni upatwilo wa ululi wa Mwene, keshi kapalia.

Luka 11:28

Iye wambile ngwenyi, Ewa Shinaho, kawaha waze akwivwa liji lia Zambi nikulifunga.

Luka 9:48

Wambile kuli ayo ngwenyi, Mweswawo matambula yono mwana mukepe mu jina liami, mangutambula yami: ni mweswawo mangutambula yami, matambula yoze wangutumine: mumu yoze mukepe Wahiana eswe hakachi kenu, mwenawo munene.

Yoano 15:14

Yenu nuli tusendo twami, kachi munulinga cheswacho mungunwamba.

A-ROMA 2:7

mahana mwono wa mutolo kuli waze akunyongonona nikulinga yipema nikufupa uhenya, ni ulemu, ni ungunu;

Galashia 3:10

Mumu waze eswe a ku yitanga ya shimbi, kushi lia shingo ali: mumu chinasonewa ngwo, Kashingiwa mweswe keshi kunyongonona mu yuma yize yeswe yinasonewa mu mukanda wa shimbi mukuyilinga.

Shimbi 11:13

Kashika, nyi munupanjika kanawa ku maliji jami a shimbi ngunanwambe musono, nukazange Yehova Zambi yenu, mukumuvumbika ni mbunge jenu jeswe ni alma jenu jeswe,

Shimbi 11:27

Chiwape, nyi munupanjika ku maliji a shimbi a Yehova Zambi yenu ngunanwambe musono.

Shimbi 15:5

nyi munupanjika kanawa ku liji lia Yehova Zambi yenu, ni kukanyama kulinga liji lino lieswe ha shimbi ngunanwambelio musono.

Shimbi 26:18

Yehova halishika ni yenu musono nukapwe atu a mbala a iye, ngwe anulakenyene, hanga nufunge maliji jenyi eswe a shimbi.

Shimbi 26:19

Akanunangamise helu lia mavungu eswe waatangile iye, ni uhaliso, ni lufuma, ni ulemu, hanga nukapwe atu asandu a Yehova Zambi yenu, ngwe ambile iye.

Shimbi 28:13

Yehova makanupwisa mutwe, hi muchila ko, munukapwa helu wika, kunuchi kapwa mushi, nyi munupanjika ku maliji eswe a shimbi a Yehova Zambi yenu ngunanwambe musono, ni kukanyama kwalinga.