Shimbi 27:7 - MUKANDA USANDU WA ZAMBI 1975

⁷ Nukalambule milambu ya sambukila, nukalileko, nukawahilile kumeso ja Yehova Zambi yenu.

Mukanda Wa Zambi 1970

⁷ Kwenako munukalambwila ni kulia milambu yenu ya kulivwa ni Zambi, ni kuchichimieka ku meso ja Mwene Zambi, Zambi yenu.

Shimbi 27:7 Iomraidhean Croise

Nehemia 8:10

Aye yamba kuli ayo ngwenyi, Yénu kwenu nukalie ya maji, nukanwe yiyema, nukatume yihanda kuli waze kaalulikilile nichimwe. Mumu tangwa lino lisandu kuli Yehova, kashika kanda nwivwa chinyengo, mumu tachi jenu jinejila ku uwahililo wa Mwene wetu.

Izaya 12:3

Mukawahilila shimbu mukataha meya ku mafuji a ulamwino.

Izaya 61:10

Munguwahilila chikolo muli Yehova, mbunge yami muyilikwiza muli Zambi yami; mumu hanangujiki ni mazalo a ulamwino, hanangufuku ni chikuto cha ululi, chizechene ngwe sandungi kakulisa chipangula cha yitemo, ni ndungi kakuliwahisa ni yuma ya uhenya.

Izaya 61:3

kusela kuli akwa kulinyenga mu Zaione— kwaaha chipangula cha yitemo kusalakana uto, maji a uwahililo kusalakana chinyengo, chikuto cha uhaliso kusalakana mbunge ya kuhonga, hanga akaatongole ngwo, Carvalho ya ululi ya kutumba kuli Yehova akamwehe uhenya.

Habakuke 3:18

hindu munguwahilila muli Yehova; mungulikwiza muli Zambi ya ulamwino wami.

Yilinga 10:36

Liji lize watumine kuli ana a Izalele, nikwambujola sambukila muli Yesu Kristu; (iye Mwene wa eswe),

A-ROMA 5:1

Kashika, se ku Ufulielo hanatusambisa, sambukila tuli nayo ni Zambi kuli Mwene wetu Yesu Kristu;

A-ROMA 5:10

Mumu kachi shimbu twapwile akwa kole, twawanyine ni Zambi ku kufwa cha Mwanenyi, Shinaho chikolo se hitunawane, makatulamwina ni mwono wenyi;

Shimbi 12:12

Nukawahilile kumeso ja Yehova Zambi yenu; ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, se o keshi chihanda chipwe chihinga hamwe ni yenu.

Shimbi 12:7

Munukalilako kulia kumeso ja Yehova Zambi yenu, nukawahilile ni yeswe munukalinga ni moko jenu; ni yenu, ni akwa mazuwo jenu, ni yuma yeswe hananuwahishilamo Yehova Zambi yenu.

Shimbi 16:11

Nuwahilile kumeso ja Yehova Zambi yenu, ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, ni njize, ni shiwa, ni twamishi ali hakachi kenu, kuze Yehova Zambi yenu matongola kusa jina lienyi.

Shimbi 16:14

Nuwahilile ku chiwanyino chenu, ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi, ni njize, ni shiwa, ni twamishi ali mu yihunda yenu.

Shimbi 27:6

Nukatungile Yehova Zambi yenu chilumbilo cha mawe a muwundu, nukalambwileho milambu ya kulumba kuli Yehova Zambi yenu.

Shimbi 27:8

Nukasoneke ha e mawe maliji eswe a shimbi yino, akalumbunuke pundu.

Filipu 3:3

Mumu yetu tuli akwa ungalami, yetu twakulingila Zambi muli Spiritu, twakulisamba muli Kristu Yesu, kutushi kufuliela musunya.

Filipu 4:4

Wahililenu muli Mwene matangwa eswe: cheka nawa mungwamba ngwami, Wahililenu.

Kolosu 1:20

Muli iye kuwanyisa yuma yeswe kuli iye mwene, se hanalingi sambukila ku manyinga ja ku kulusu yenyi; kuli iye ngwami, Chipwe yuma ya hano hashi, hanji yuma ya mu malilu.