Shimbi 27:2 - MUKANDA USANDU WA ZAMBI 1975

² Mba ha tangwa munukazauka Yordau, ku chifuchi Yehova Zambi yenu ananwehecho, nukalimike mawe anene, nukaashingule ni ndambo.

Mukanda Wa Zambi 1970

² Ha tangwa lize munuzauka Yordau ni kunjila mu chifuchi chize Mwene Zambi ananwehe, nukanda amwe mawe nukaamika ni kwashingula ni ndambo,

Shimbi 27:2 Iomraidhean Croise

Jobe 19:24

Nyi kachi maola ni shizo ni shumbu ha liwe ndo ku miaka yeswe.

Ezekiel 11:19

Mba mungukaaha mbunge yaha; mungukasa Spiritu yaha muli ayo. Mungukachiza ku musunya wo mbunge jo ja mawe, mungukaaha mbunge ja musunya,

Ezekiel 36:26

Mungukanwaha mbunge yaha; mungukasa Spiritu yaha muli yenu. Mungukachiza mu mijimba yenu mbunge jize ja mawe; mungukanwaha mbunge ja musunya.

Shimbi 11:31

Mumu munuzauka Yordau, mukuheta mu chifuchi, mukuchizuka, Yehova Zambi yenu ananwehecho. Muze hinwachizuka, nikutwamamo,

Shimbi 26:1

Muze muheta mu chifuchi Yehova Zambi ye anakwehecho chihinga, uchizuke, ni kutwamamo,

Shimbi 27:1

Mose ni makulwana a Izalele yamba atu ngwo, Fungenu maliji eswe a shimbi ngunanwambe musono.

Shimbi 27:3

Nukasonekeho maliji eswe a shimbi yino, te ha kuzauka, ni kunjila mu chifuchi Yehova Zambi yenu ananwehecho, chifuchi kuze kunokela yamwa ni wuchi, ngwe Yehova Zambi ya tulamba twenu anulakenyene.

Shimbi 27:4

Ha kuzauka Yordau nukamike mawe ano ha mulundu wa Epale ngunanwambe musono, nukaashingule ni ndambo.

Shimbi 6:1

Achi, liji lino lia shimbi, ni yiyulo yino, ni upatwilo uno, Yehova Zambi yenu wambile ngunulongeseyo hanga nuyilinge mu chifuchi nunazauka kuchizuka.

Shimbi 9:1

Enu A-Izalele, ivwenu, munuzauka Yordau musono, mununjila mu chifuchi, mukuhuma mavungu ananuhiana ni unene, ni ndundo, membo anene, ni yipanga ndo mwilu,

Yoshua 1:11

Palikenu hakachi ka chilombo nukatume e atu ngwenu, Lulikenu kulia chenu mumu ha matangwa atatu munuzauka Yordau yono nukanjile nukazuke chifuchi Yehova Zambi yenu kananwehe kuzuka.

Yoshua 4:1

Muze lie vungu lieswe hiliahwa kuzauka Yordau Yehova yamba kuli Yoshua ngwenyi,

Yoshua 8:30

Henaho Yoshua yatunga chilumbilo kuli Yehova Zambi ya Izalele ha mulundu wa Epale,

Yoshua 8:31

chizechene ngwe Mose kavumbi ka Yehova watumine A-Izalele, chasonewa mu mukanda wa shimbi ja Mose ngwo, Chilumbilo cha mawe kaapulile ni martelo kaalambile ni chikungo cha utale. Henaho alambwilile milambu ya kulumba kuli Yehova, ni yitapo ya milambu ya sambukila.

Yoshua 8:32

Kwenako, kumeso ja A-Izalele yasoneka ha mawe shimbi ja Mose jize asonekene.