Shimbi 27:13 - MUKANDA USANDU WA ZAMBI 1975

¹³ Mba wano makamana ha mulundu wa Epale mukushinga; ni Rupene, ni Ngate, ni Ashe, ni Zapulone, ni Ndane, ni Napatali.

Mukanda Wa Zambi 1970

¹³ Mavungu wano maakamana ha mulundu wa Ebale muze Alevi maashingana: Rubene, ni Gade, ni Ashere, ni Zabulone, ni Dane, ni Naftali.

Shimbi 27:13 Iomraidhean Croise

Ubutukilo 29:32

Liya yaka ufumba, yasema mwana wa lunga, yamuluka jina lienyi Rupene se yamba ngwenyi, Mumu Yehova hamona kuyindama chami, haliapwila lunga liami manguzanga.

Ubutukilo 30:20

Mba Liya yamba ngwenyi, Zambi hangwaha chawana chipema. Haliapwila lunga liami matwama ni yami mumu hinamusemena ana a malunga asambano. Yamuluka jina lienyi Zapulone.

Shimbi 11:29

Ngwami, Muze Yehova Zambi yenu manuhetesa mu chifuchi nunayi mukuchizuka, nukase chiwape ha mulundu wa Ngerizime, ni shingo ha mulundu wa Epale.

Shimbi 27:12

Ha kuzauka Yordau, wano makamana ha mulundu wa Ngerizime mukuwahisa atu; ni Simeone, ni Levi, ni Yunda, ni Isaka, ni José, ni Mbenjamine.

Shimbi 27:14

A-Levi akumbulule kuli malunga eswe a Izalele ni liji linene ngwo,

Shimbi 27:4

Ha kuzauka Yordau nukamike mawe ano ha mulundu wa Epale ngunanwambe musono, nukaashingule ni ndambo.

Yoshua 8:33

A-Izalele eswe, njize ni mukwa chisemuko, hamwe ni makulwana, ni yilolo, ni akwa kuyula, amanyine sali ni sali lia mushete kumeso ja asasendote A-Levi akwa kumbata mushete wa usendo wa Yehova. Chihanda cha ha muchima amanyine kulutwe lia mulundu wa Ngerizime, ni chihanda cha ha muchima amanyine kulutwe lia mulundu wa Epale, chizechene ngwe Mose kavumbi ka Yehova watumine hatangu, hanga akawahise e atu a Izalele.