Shimbi 27:10 - MUKANDA USANDU WA ZAMBI 1975

¹⁰ Kashika, zeyenu ku liji lia Yehova Zambi yenu, nulinge maliji jenyi a shimbi ni yiyulo yenyi, ngunanwambeyo musono.

Mukanda Wa Zambi 1970

¹⁰ kashika numwononokene, nufunge Shimbi jenyi jeswe jize ngunanulongesa musono.”

Shimbi 27:10 Iomraidhean Croise

Alevi 19:2

Amba ku chikungulwila cheswe cha A-Izalele ngwe, Pwenu asandu mumu yami Yehova Zambi yenu nguli musandu.

Mika 4:5

Mumu mavungu kakwenda vungu lieswe mu jina lia zambi yalio, alioze yetu mutwenda mu jina lia Yehova Zambi yetu ku miaka yeswe ya mutolo.

Mika 6:8

Ena lunga, hanakulweze chize Chinapeme. Yehova yika anafupu kuli yena shina kupatula ni ululi, ni kuzanga vumbi, ni kuliendela ni Zambi ye ni kulikehesa?

Mateu 5:48

Kashika pwenu angunu, ngwe Tatenu wa mwilu kapwa mungunu.

Shimbi 11:1

Kashika, zangenu Yehova Zambi yenu, nufunge ulayilo wenyi, ni yiyulo yenyi, ni upatwilo wenyi, ni maliji jenyi a shimbi matangwa eswe.

Shimbi 26:17

Nwalishika ni Yehova musono ngwenu, Yehova iye Zambi yetu, kumutwenda mu majila jenyi eswe, ni kufunga yiyulo yenyi ni maliji jenyi a shimbi, ni upatwilo wenyi, mukupanjika ku liji lienyi.

Shimbi 26:18

Yehova halishika ni yenu musono nukapwe atu a mbala a iye, ngwe anulakenyene, hanga nufunge maliji jenyi eswe a shimbi.

Shimbi 27:11

Mose yahana shimbi kuli atu ha tangwa lize liene ngwenyi,

Shimbi 27:9

Ni Mose, ni asasendote A-Levi, yahanjika ni atu eswe a Izalele ngwo, Enu A-Izalele holenu, nupanjike. Musono hinwapwa atu a Yehova Zambi yenu.