Shimbi 26:3 - MUKANDA USANDU WA ZAMBI 1975

³ Uhete kuli sasendote mapwa ha matangwa aze, wambe kuli iye ngwe, Ngunatayiza musono kuli Yehova Zambi ye ngwami, Hinaheta mu chifuchi Yehova walishingile kuli tulamba twetu kutwahacho.

Mukanda Wa Zambi 1970

³ Ukaya kuli mwata wa mahako ha matangwa waze nikwamba ngwe: ‘Haliabwila ngunashindakenya kuli Mwene Zambi, Zambi yami, hinanjila mu chifuchi chize alakenyene tushakulu twetu ha kwahacho.’

Shimbi 26:3 Iomraidhean Croise

Ubutukilo 17:8

Chifuchi cha unjize we, chifuchi chino cheswe cha Kanana munguchihana kuli yena ni ku munyachi we kulutwe akachizuke ku miaka ya mutolo. Yami mungukapwa Zambi yo.

Ubutukilo 26:3

Twama njize mu chifuchi chino mba mungupwa hamwe ni yena, mungukuwahisa. Mumu munguhana yifuchi yino yeswe kuli yena ni munyachi we. Mungukolesa shingo lize nalishingile nalio kuli tatenu Apalahama.

Shimbi 1:8

Kutala! Ngunase kumeso jenu che chifuchi, nunjilemo, nuchizuke, Yehova walishingile kuli tulamba twenu, kuli Apalahama, ni kuli Izake, ni kuli Yakomba mukwaahacho ni ku munyachi wo kulutwe lio.

Shimbi 19:17

Henaho atu eswe ni aali analihangujola amane kumeso ja Yehova, ni kumeso ja asasendote, ni ngaji waze mapwako matangwa aze.

Shimbi 26:2

Ukande mbuto yitangu ya ku mbuto yeswe muyima hashi, mukunga ku chifuchi Yehova Zambi ye anakwehecho, uyise mu mutonga, uye kuze Yehova Zambi ye matongola kusa jina lienyi.

Shimbi 26:4

Sasendote achize we mutonga ku kwoko lie, autumbike kulutwe lia chilumbilo cha Yehova Zambi ye.

Hebreu 10:21

se tuli ni sasendote munene helu lia zuwo lia Zambi;

Hebreu 13:15

Kuli iye kashika tulambulenu chitapo cha uhaliso kuli Zambi matangwa eswe, chenacho mihuko ya mivumbo yetu yize yakwalakana jina lienyi.

Hebreu 7:26

Mumu sasendote mukwa lutwe ngwe yono watutelele, musandu, mukwa kusamba, kalichishile, kahandunuka kuli yivulumunyi, hamusa helu lia malilu.

1 Petulu 2:5

Ni yenu nawa, ngwe mawe a mwono, kananutungu kupwa zuwo lia uspiritu, kupwa asasendote asandu, mukulambula yitapo ya uspiritu, ya kupemena chikolo kuli Zambi ku tachi ja Yesu Kristu.