Shimbi 26:19 - MUKANDA USANDU WA ZAMBI 1975

¹⁹ Akanunangamise helu lia mavungu eswe waatangile iye, ni uhaliso, ni lufuma, ni ulemu, hanga nukapwe atu asandu a Yehova Zambi yenu, ngwe ambile iye.

Mukanda Wa Zambi 1970

¹⁹ Manupwisa anene kuhiana mavungu akwo waze atangile, ni yenu munukalemesa ni kufumanyisa jina lienyi. Munubwa lume atu jenyi, ngwe chize alakenyene.”

Shimbi 26:19 Iomraidhean Croise

Miaso (Masamu) 148:14

Iye hanazundula mbinga ya atu jenyi, ni uhaliso wa asandu jenyi eswe; e ana a Izalele, atu aze atwama hehi nenyi. Halisenu Yehova!

Kutuhuka 19:5

Kashika haliapwila, nyi munuzeya chamwenemwene ku liji liami nikufunga usendo wami, mba kumunukapwa kuli yami upite wami wa kutongola hakachi ka mavungu eswe, mumu hashi heswe ha mbala ha yami.

Kutuhuka 19:6

Kumunukapwa kuli yami munyachi wa asasendote, vungu lisandu. Wano maliji muwambulula kuli A-Izalele.

Izaya 62:12

Kumakaatongola ngwo, E atu asandu; likwo nawa ngwo, Kule ja Yehova. Makanutongola ngwo, A kufupa, lie limbo kalimbilile.

Jeremia 13:11

Mumu chizechene ngwe hina Makukwata ku mujimba wa mutu, chocho nawa yami hinakwachisa kuli yami munyachi weswe wa Izalele ni munyachi weswe wa Yunda; chocho kanambe Yehova, hanga akapwe kuli yami atu jami, ni jina, ni uhaliso, ni uhenya, alioze kapanjikile.

Jeremia 2:3

Izalele wapwile musandu kuli Yehova, mbuto yitangu ya kucha. Eswe alileko ahile; chipi chaawanyine. Chocho kanambe Yehova.

Jeremia 33:9

Ni chihunda chino kumuchikapwa kuli yami jina lia uwahililo, ni uhaliso, ni uhenya kumeso ja mavungu eswe a hashi waze mevwa yipema yize yeswe mungwalinga. O kumakevwa woma ni kuchikima mumu ha yipema yeswe ni kuwaha cheswe mungwalingila.

Zefania 3:19

Ha mwaka uze mungukasopesa waze eswe akukupinjisa. Mungukalamwina mukwa kupalita; mungukakungulula waze aahumine. Waze aakolesele sonyi hashi heswe, mungwapwisa uhaliso, ni jina lia lufuma.

Zefania 3:20

Ha mwaka uze mungukanunjisa; mungukanukungulula; mumu mungukanupwisa jina lia lufuma ni uhaliso hakachi ka mavungu eswe a hashi muze mungukuhilwisa kuwaha chenu ku meso jenu. Chocho kanambe Yehova.

Zakaria 8:13

Nwapwile kashilikilo ka kushinga hakachi ka mavungu, chizechene yenu akwa munyachi wa Yunda ni munyachi wa Izalele mungukanulamwina mba munupwa chiwape. Kanda nwivwa woma; moko jenu akatakame.

Shimbi 27:1

Mose ni makulwana a Izalele yamba atu ngwo, Fungenu maliji eswe a shimbi ngunanwambe musono.

Shimbi 28:1

Nyi munupanjika kanawa ku liji lia Yehova Zambi yenu, ni kukanyama kulinga maliji jenyi eswe a shimbi ngunanwambe musono, mba Yehova Zambi yenu makanunangamisa helu lia mavungu eswe hano hashi.

Shimbi 28:13

Yehova makanupwisa mutwe, hi muchila ko, munukapwa helu wika, kunuchi kapwa mushi, nyi munupanjika ku maliji eswe a shimbi a Yehova Zambi yenu ngunanwambe musono, ni kukanyama kwalinga.

Shimbi 28:9

Yehova makanukolesa, nukapwe atu asandu kuli iye mwene, ngwe alishingile kuli yenu, kachi munufunga maliji a shimbi a Yehova Zambi yenu, ni kwenda mu majila jenyi.

Shimbi 7:6

Mumu yenu kunwapwa atu asandu kuli Yehova Zambi yenu. Yehova Zambi yenu hananutongola nukapwe atu a mbala a iye mwene, nuhiane mavungu eswe ali hashi heswe.

1 Petulu 2:5

Ni yenu nawa, ngwe mawe a mwono, kananutungu kupwa zuwo lia uspiritu, kupwa asasendote asandu, mukulambula yitapo ya uspiritu, ya kupemena chikolo kuli Zambi ku tachi ja Yesu Kristu.

1 Petulu 2:9

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa: