Shimbi 26:18 - MUKANDA USANDU WA ZAMBI 1975

¹⁸ Yehova halishika ni yenu musono nukapwe atu a mbala a iye, ngwe anulakenyene, hanga nufunge maliji jenyi eswe a shimbi.

Mukanda Wa Zambi 1970

¹⁸ Musono Mwene Zambi hanutayiza kubwa lume atu jenyi ngwe chize anulakenyene; hanwamba ha kwononokena Shimbi jenyi jeswe.

Shimbi 26:18 Iomraidhean Croise

2 Samuel 7:24

Walikoleselele vungu lie lia Izalele akapwe atu je a miaka yeswe. Yena Yehova walipwishile Zambi yo.

Miaso (Masamu) 119:6

Nyi chocho chichi kwivwa sonyi muze mungulemesa shimbi je jeswe.

Miaso (Masamu) 135:4

Mumu Yehova hanatongola Yakomba akapwe niwenyi. Hanatongola Izalele akapwe upite wa iye mwene wika.

Kutuhuka 6:7

Makanutambula nukapwe atu jenyi. Kumakapwa Zambi yenu. Enu kumunukanyingika ngwenu, Yehova Zambi yetu, iye mukwa kutuchiza kushi lia yiteli ya A-Engitu.

Jeremia 13:11

Mumu chizechene ngwe hina Makukwata ku mujimba wa mutu, chocho nawa yami hinakwachisa kuli yami munyachi weswe wa Izalele ni munyachi weswe wa Yunda; chocho kanambe Yehova, hanga akapwe kuli yami atu jami, ni jina, ni uhaliso, ni uhenya, alioze kapanjikile.

Alevi 20:26

Enu munupwa asandu kuli yami, mumu yami Yehova nguli musandu. Hinanuhandununa hakachi ka mavungu nukapwe a mbala a yami.

Zefania 3:20

Ha mwaka uze mungukanunjisa; mungukanukungulula; mumu mungukanupwisa jina lia lufuma ni uhaliso hakachi ka mavungu eswe a hashi muze mungukuhilwisa kuwaha chenu ku meso jenu. Chocho kanambe Yehova.

A-ROMA 16:26

alioze haliapwila hanachisolola, ni ku yisoneko ya aprofeta, nikulita ni chiyulo cha Zambi wa mutolo, hananyingikisa akwa mavungu eswe hanga akononoke ku Ufulielo:

Shimbi 14:2

Kunwapwa atu asandu kuli Yehova Zambi yenu, Yehova yanutongola nukapwe atu a mbala a iye, a hakachi ka mavungu eswe ali hashi.

Shimbi 27:10

Kashika, zeyenu ku liji lia Yehova Zambi yenu, nulinge maliji jenyi a shimbi ni yiyulo yenyi, ngunanwambeyo musono.

Shimbi 28:1

Nyi munupanjika kanawa ku liji lia Yehova Zambi yenu, ni kukanyama kulinga maliji jenyi eswe a shimbi ngunanwambe musono, mba Yehova Zambi yenu makanunangamisa helu lia mavungu eswe hano hashi.

Shimbi 28:9

Yehova makanukolesa, nukapwe atu asandu kuli iye mwene, ngwe alishingile kuli yenu, kachi munufunga maliji a shimbi a Yehova Zambi yenu, ni kwenda mu majila jenyi.

Shimbi 29:13

Hanga anukolese musono hali iye mwene nukapwe atu jenyi, hanga iye akapwe Zambi kuli yenu, ngwe ambile kuli yenu, ngwe alishingile kuli tulamba twenu, kuli Apalahama, ni kuli Izake, ni kuli Yakomba.

Shimbi 4:20

Alioze Yehova wanuchijile ku Engitu kwe ku lutengo wa utale, nukapwe atu a kuzuka iye mwene ngwe kuchapwa musono.

Shimbi 7:6

Mumu yenu kunwapwa atu asandu kuli Yehova Zambi yenu. Yehova Zambi yenu hananutongola nukapwe atu a mbala a iye mwene, nuhiane mavungu eswe ali hashi heswe.

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

1 Petulu 2:9

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa: