Shimbi 26:17 - MUKANDA USANDU WA ZAMBI 1975

¹⁷ Nwalishika ni Yehova musono ngwenu, Yehova iye Zambi yetu, kumutwenda mu majila jenyi eswe, ni kufunga yiyulo yenyi ni maliji jenyi a shimbi, ni upatwilo wenyi, mukupanjika ku liji lienyi.

Mukanda Wa Zambi 1970

¹⁷ Musono hinwatayiza ngwenu: ‘Mwene Zambi kali Zambi yetu’. Hinwalakenya ha kumwononokena, ni kufunga Shimbi jenyi jeswe, ni kulinga yeswe yize ananwambe.

Shimbi 26:17 Iomraidhean Croise

Ubutukilo 28:21

ngukeze nawa ku zuwo lia tata ni sambukila mba Yehova mapwa Zambi yami.

2 Sango Ja Mianangana 34:31

Mwanangana yamana homa henyi; yakolesa usendo kumeso ja Yehova akaule Yehova, kufunga maliji jenyi, ni Shindakenyo jenyi, ni yiyulo yenyi, ni mbunge yenyi yeswe ni mwono wenyi weswe, akalinge maliji a usendo a kusoneka mu mukanda uno.

Miaso (Masamu) 48:14

Mumu Zambi yono Zambi yetu ndo ku miaka yeswe ya mutolo. Iye kumapwa kasongo ketu ndo ku kutwa.

Kutuhuka 15:2

Yehova iye tachi jami ni mwaso wami. Iye hanapu ulamwino wami. Yono mwe Zambi yami. Kumungumuhalisa yono Zambi ya tata. Kumungumunangamisa.

Kutuhuka 19:8

Atu eswe yakumbulula hamuwika ngwo, Yuma yeswe hamba Yehova, kumutukalinga. Mose yambulwila Yehova maliji a e atu.

Kutuhuka 20:19

O yamba kuli Mose ngwo, Hanjika yena ni yetu mba kumutwivwa, alioze Zambi kanda ahanjika kama kuchina mutufwa.

Kutuhuka 24:7

Iye yanda we mukanda wa usendo, yautanga hanga atu akevwe. O yamba ngwo, Ye yeswe hahanjika Yehova yetu kumutukayilinga. Kumutukononoka.

Izaya 12:2

Zambi iye ulamwino wami, mungufuliela, chichi kwivwa woma; mumu Yehova, Yehova iye tachi jami ni mwaso wami. Iye hanapu ulamwino wami.

Izaya 44:5

Umwe mamba ngwenyi, Ami nguli wa Yehova; mukwo maliluka jina lia Yakomba; mukwo masoneka ha kwoko lienyi, Wa mbala wa Yehova, ni kuliwezela jina likwo ngwenyi, Izalele.

Zakaria 13:9

Mba chino chihanda chamuchitatu mungukachisa mu kahia nikwapemesa chize atu kakupemesa prata. Mungukaeseka ngwe akweseka oru. Kumakatambika ha jina liami, mba mungukaakumbulula. Mungukamba ngwami, O atu jami. O makamba ngwo, Yehova iye Zambi yami.

Yilinga 27:23

Mumu kamananga ku lumbu liami ufuku uno, mungelo wa Zambi, yoze wangupita, yoze nawa nakumulingila,

A-ROMA 6:13

chipwe kanda nukatumbikila yihanda yenu yitwa ya uhenge ku shili; alioze litumbikilenu kuli Zambi chizechene ngwe a mwono hanaahindwisa hakachi ka afu, ni yihanda yenu yitwa ya ululi kuli Zambi.

2 Korintu 8:5

Kachilingile ngwe twanyongene, alioze aliangile kuliecha ene kuli Mwene, mba kuli yetu nawa ku upale wa Zambi.

Shimbi 13:18

ha kuzeya ku liji lia Yehova Zambi yenu mukufunga maliji jenyi a shimbi eswe ngunanwambe musono, mukulinga chize chinate kumeso ja Yehova Zambi yenu.

Shimbi 15:5

nyi munupanjika kanawa ku liji lia Yehova Zambi yenu, ni kukanyama kulinga liji lino lieswe ha shimbi ngunanwambelio musono.

Shimbi 27:10

Kashika, zeyenu ku liji lia Yehova Zambi yenu, nulinge maliji jenyi a shimbi ni yiyulo yenyi, ngunanwambeyo musono.

Shimbi 29:12

hanga nukwate ku usendo wa Yehova Zambi yenu, ni ku shingo lienyi, Yehova Zambi yenu anakolesa ni yenu musono.

Shimbi 30:16

Ngunanwambe musono, nuzange Yehova Zambi yenu, nwende mu majila jenyi, nufunge maliji jenyi a shimbi, ni yiyulo yenyi, ni upatwilo wenyi, hanga nupwe ni mwono, nwoke, hanga Yehova Zambi yenu anuwahise mu chifuchi nunayi kuchizuka.

Yoshua 22:5

Ononokenu kufunga shimbi ni yiyulo yize Mose kavumbi ka Yehova wanutumine, nukazange Yehova Zambi yenu, nukende mu majila jenyi eswe, nukafunge yiyulo yenyi, nukalalaminye kuli iye, nukamulingile ni mbunge jenu jeswe ni alma jenu jeswe.

Yoshua 24:22

Henaho Yoshua wambile kuli atu ngwenyi, Nuli yela a kulimika ni yenwene ngwenu, Hitwatongola Yehova tukamulingile. O ngwo, E tuli yela.