Shimbi 26:16 - MUKANDA USANDU WA ZAMBI 1975

¹⁶ Yehova Zambi yenu wanwamba musono nulinge yiyulo yino ni upatwilo uno, kashika nuyifunge ni kuyilinga ni mbunge jenu jeswe, ni alma jenu jeswe.

Mukanda Wa Zambi 1970

¹⁶ “Musono Mwene Zambi, Zambi yenu, hanwaha Shimbi ha kujononokena jeswe. Kashika jononokenenu kanawa ni mbunge jenu jeswe.

Shimbi 26:16 Iomraidhean Croise

Mateu 28:20

nikwalongesa kufunga yuma yize yeswe nanuhele shimbi: nyingikenu, yami kunguli hamuwika ni yenu matangwa eswe ndo kumanunuka cha mwaka. Amene.

Yoano 14:15

Kachi nunanguzange, fungenu shimbi jami.

Shimbi 10:12

Haliapwila, enu A-Izalele, Yehova Zambi yenu kuchi anafupu kuli yenu? Kanafupu nuvwile woma Yehova Zambi yenu ni kwenda mu majila jenyi eswe, nikumuzanga, nikuvumbika Yehova Zambi yenu ni mbunge jenu jeswe ni alma jenu jeswe,

Shimbi 11:1

Kashika, zangenu Yehova Zambi yenu, nufunge ulayilo wenyi, ni yiyulo yenyi, ni upatwilo wenyi, ni maliji jenyi a shimbi matangwa eswe.

Shimbi 11:8

Kashika, nufunge liji lieswe lia shimbi ngunanwambelio musono, hanga nutakame, nuhetemo ni kuzuka chifuchi, nunazauka mukuchizuka,

Shimbi 12:1

Yiyulo yino, ni upatwilo uno, munukanyama kulinga mu chifuchi ananwehecho kuli Yehova Zambi ya tulamba twenu mukuchizuka, matangwa eswe munutwama hashi.

Shimbi 12:32

Cheswacho ngunanwambecho, nukanyame kuchilinga. Kanda nuwezako, chipwe kanda nutepululako.

Shimbi 26:17

Nwalishika ni Yehova musono ngwenu, Yehova iye Zambi yetu, kumutwenda mu majila jenyi eswe, ni kufunga yiyulo yenyi ni maliji jenyi a shimbi, ni upatwilo wenyi, mukupanjika ku liji lienyi.

Shimbi 4:29

Alioze nyi munukafupako Yehova Zambi yenu munukamuwana, nyi munukamufupa ni mbunge jenu jeswe ni alma jenu jeswe.

Shimbi 6:1

Achi, liji lino lia shimbi, ni yiyulo yino, ni upatwilo uno, Yehova Zambi yenu wambile ngunulongeseyo hanga nuyilinge mu chifuchi nunazauka kuchizuka.

Shimbi 6:17

Nufunge kanawa maliji a shimbi a Yehova Zambi yenu, ni Shindakenyo jenyi ni yiyulo yenyi anwambileyo.

Shimbi 6:5

Nuzange Yehova Zambi yenu ni mbunge jenu jeswe ni alma jenu jeswe, ni ndundo jenu jeswe.

Shimbi 8:2

Iwulukenu jila yeswe anusongwelele kuli Yehova Zambi yenu makumi aze awana a miaka mu puya, hanga anulelese, anweseke, anyingike chize chapwile mu mbunge jenu, shina munufunga maliji jenyi a shimbi, nyi ka.