Shimbi 26:15 - MUKANDA USANDU WA ZAMBI 1975

¹⁵ Mwilu amu nwatwama mu usandu talenu hashi, nuwahise atu jenu A-Izalele, ni mavu nawa nwatwaho, ngwe nwalishingile kuli tulamba twetu, chifuchi kuze kunokela yamwa ni wuchi.

Mukanda Wa Zambi 1970

¹⁵ Aa Mwene Zambi mwilu mwalinanga, tala hashi, wahisa atu je Aisraele, wahisa nawa chifuchi cha chinuno chize hiunatwehe, ngwe chize walakenyene tushakulu twetu.’ ”

Shimbi 26:15 Iomraidhean Croise

1 Yitanga Ya Mianangana 8:27

Alioze pundu, Zambi matwama hano hashi nyi? Chipwe lilu ni lilu lia malilu kuliakutele. Mba zuwo lino hinakutungila kuchi?

1 Yitanga Ya Mianangana 8:43

hipanjika yena mwilu watwama ukalinge nikulita ni chize chilambala anakulembela, hanga mavungu eswe a hashi anyingike jina lie, akakuvwile woma ngwe atu je A-Izalele akukuvwilawo, akanyingike zuwo lino hinatunga hanaliluku jina lie.

2 Sango Ja Mianangana 30:27

Henaho asasendote A-Levi yakatuka, yawahisa e atu; mba liji lio yalivwa, ni kulemba cho yichiheta mwilu musandu muze mwatwama Zambi.

Miaso (Masamu) 28:9

Lamwina kama atu je; wahisa chihinga che. Ualise nawa, uazundule ndo ku miaka ya mutolo. Samu lia David.

Miaso (Masamu) 51:18

Linga kanawa kuli Zaione nikulita ni upale we upema. Tunga yipanga ya Yerusaleme.

Miaso (Masamu) 68:5

Zambi mu zuwo lienyi lisandu kapwa tato ya ana-ashiwa, kanda sopi ya twamishi a mapwo.

Miaso (Masamu) 80:14

Zambi-wa-Tujita, tunaliumbu, utewulukile nawa. Kwilu watwama, tala hashi, umone, uhete ku chinjinda chino,

Miaso (Masamu) 80:15

chitondo chino kwolo lie lia chindume liatumbile; mutango uno watakamishine hali yena mwene.

Miaso (Masamu) 90:17

Upeme wa Yehova Zambi yetu ukapwe hali yetu, ukolese milimo ya moko jetu hali yetu. Ewa, milimo ya moko jetu uyikolese.

Izaya 57:15

Mumu mwe Chitunda mukwa kunangama, mukwa kutunga kuma kwa mutolo, jina lienyi Musandu, kanambe ngwenyi, Kunatwama kuma kwanangama, kusandu. Natwama nawa ni mukwa spiritu ya kuhia ni kulikehesa, hanga ngukahuzulule Spiritu ya mukwa kulikehesa ni kuhuzulula mbunge ya mukwa kuhia.

Izaya 61:1

Spiritu ya Mwene Yehova hwali hali yami, mumu Yehova hananguwayisa ngukanehe sango lipema kuli yiswale. Hanangutumu ngukawuke waze amakuka mbunge, kwambujola kutusuka kuli funge, ni kwazulwila mapito a zuwo lia ususu kuli waze anakashiwa.

Izaya 63:15

Ku zuwo lie lisandu lia uhenya kwilu tala hashi umone. Tachi je ja mbunge, ni ndundo je jilihijo? Usona we ni keke ye wanguminayo.

Jeremia 31:23

Yehova-wa-Tujita, Zambi ya Izalele kanambe ngwenyi, Cheka nawa mamba maliji ano mu chifuchi cha Yunda ni mu yihunda yako muze munguhilwisa kuwaha cho ngwo, Yehova akuwahise, ena zuwo lia ululi, ena mulundu usandu.

Zakaria 2:13

Enu akwa musunya weswe, holenu kúlú kumeso ja Yehova, mumu hakasumuka ku zuwo lienyi lisandu.

Mateu 6:9

Ngwe chino kashika lembenu ngwenu, Tata uli mu malilu, jina lie lipwe lisandu.

Yilinga 7:49

Ngunja yami lie lilu, ni hashi hanapu chitwamo cha yiliato yami: Zuwo lika mukangutungila? Chocho anambe Mwene ngwenyi: Hanji mulihi muma mwa uhwimino wami?

Shimbi 1:8

Kutala! Ngunase kumeso jenu che chifuchi, nunjilemo, nuchizuke, Yehova walishingile kuli tulamba twenu, kuli Apalahama, ni kuli Izake, ni kuli Yakomba mukwaahacho ni ku munyachi wo kulutwe lio.

Shimbi 26:14

Kutwayilile ha kulila afu, chipwe kutwachijile niyimwe shimbu tuchili a luchisa, chipwe kulambula yimwe kuli afu. Hitwapanjika ku liji lia Yehova Zambi yetu, hitwalinga nikulita ni yeswe nwatwambile.

Shimbi 26:7

Yituteta kuli Yehova Zambi ya tulamba twetu, Yehova yevwa liji lietu, yatala luyinda wetu, ni kuhondangana chetu, ni lamba lietu atumwesenelio.

Shimbi 26:9

Yatuneha kuno, yatwaha chifuchi chino, chifuchi kuze kunokela yamwa ni wuchi.

Shimbi 6:3

Enu A-Izalele, ivwenu kashika, nukanyame kuyilinga, hanga nutwame kawape, hanga nwoke chinji, ngwe anulakenyene Yehova Zambi ya tulamba twenu, mu chifuchi munokela yamwa ni wuchi.