Shimbi 26:14 - MUKANDA USANDU WA ZAMBI 1975

¹⁴ Kutwayilile ha kulila afu, chipwe kutwachijile niyimwe shimbu tuchili a luchisa, chipwe kulambula yimwe kuli afu. Hitwapanjika ku liji lia Yehova Zambi yetu, hitwalinga nikulita ni yeswe nwatwambile.

Mukanda Wa Zambi 1970

¹⁴ Chalile ko niyimwe muze nabwile ha tanda, chatuhwishile niyimwe mu zuwo liami muze nabwile mukwa luchisa. Chahanyine milambu niyimwe kuli afu. Aa Mwene Zambi, hingunakwononokena, hinalinga yuma yeswe nikulita ni Shimbi ya mulambu wa chakumi.

Shimbi 26:14 Iomraidhean Croise

Miaso (Masamu) 106:28

Alifutwile ni Mbale-Peore, nikulia yitapo ya afu.

Miaso (Masamu) 18:22

Mumu upatwilo wenyi weswe wapwile kumeso jami, chambilile yiyulo yenyi.

Jeremia 16:7

Niumwe mapalula mbolo ni yoze wafwisa, akamulembejeke mumu hali mufu. Niumwe mamwaha musenge wa kulembejeka akanwe mumu hali tato hanji naye.

Ezekiel 24:17

Twako mikuma, alioze liji ka. Kanda ulila mbimbi hali mufu. Kashila hina lia ku mutwe, zala haku je; kanda ufuka mivumbo, chipwe kulia mbolo ya akwa kulila.

Hosea 9:4

Kechi kuzuza milambu ya vinyu kuli Yehova: kechi kuhasa kumuwahisa ni yitapo yo. Mbolo yo muyipwa ngwe mbolo ya waze hafwisa; mweswe mayilia malichisa, mumu mbolo yo muyipwa ya zala yo wika, kuyichi kuheta mu zuwo lia Yehova.

Alevi 21:1

Yehova yamba kuli Mose ngwenyi, Hanjika ni asasendote, ana ja Arone, ukambe kuli ayo ngwe, Niumwe hakachi ko makalichisa mumu hali afu hakachi ka atu jenyi.

Alevi 21:11

Kanda akundama ku mujimba wa mufu. Kanda alichisa chipwe hali tato hanji naye.

Alevi 7:20

Alioze mweswawo makalia yifwo ya chitapo cha mulambu wa sambukila wa Yehova shimbu kali ni luchisa, makamuteta kuli atu jenyi.

Malaki 2:13

Ni chikwo nawa nwakulinga. Nwakufuka chilumbilo cha Yehova ni masoji, ni kulila, ni mikuma mumu katalile nawa mulambu chipwe kuutambula ni vumbi ku moko jenu.

Shimbi 13:5

Yoze profeta, hanji yoze mukwa kulota yilota mushihenu, mumu te iye hahanjika maliji a kukolema Yehova Zambi yenu, yoze wanuchijile mu chifuchi cha Engitu, nikunukula ku zuwo lia upinji ngwenyi, Nuhambuluke ku jila yize Yehova Zambi yenu anwambileyo ngwenyi, Nwendemo. Chocho nukatwise che chipi hakachi kenu.

Shimbi 15:5

nyi munupanjika kanawa ku liji lia Yehova Zambi yenu, ni kukanyama kulinga liji lino lieswe ha shimbi ngunanwambelio musono.

Shimbi 16:11

Nuwahilile kumeso ja Yehova Zambi yenu, ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, ni njize, ni shiwa, ni twamishi ali hakachi kenu, kuze Yehova Zambi yenu matongola kusa jina lienyi.

Shimbi 26:13

Nukambe kumeso ja Yehova Zambi yenu ngwenu, Hitwachiza yuma yisandu ku mazuwo jetu, hitwayihana kuli A-Levi, ni kuli njize, ni kuli shiwa, ni kuli twamishi, nikulita ni liji lino lieswe lia shimbi nwatwambile. Kutwatangwile maliji jenu a shimbi niamwe, chipwe kutwaavulamine.

Shimbi 26:15

Mwilu amu nwatwama mu usandu talenu hashi, nuwahise atu jenu A-Izalele, ni mavu nawa nwatwaho, ngwe nwalishingile kuli tulamba twetu, chifuchi kuze kunokela yamwa ni wuchi.