Shimbi 26:13 - MUKANDA USANDU WA ZAMBI 1975

¹³ Nukambe kumeso ja Yehova Zambi yenu ngwenu, Hitwachiza yuma yisandu ku mazuwo jetu, hitwayihana kuli A-Levi, ni kuli njize, ni kuli shiwa, ni kuli twamishi, nikulita ni liji lino lieswe lia shimbi nwatwambile. Kutwatangwile maliji jenu a shimbi niamwe, chipwe kutwaavulamine.

Mukanda Wa Zambi 1970

¹³ hanjika kuli Mwene Zambi ngwe: ‘Chakumi nichimwe chasala mu zuwo liami. Hinayihana kuli Alevi, ni yilambala, ni shiwa, ni mapwo waze haanafwisa malunga, ngwe chize wanguhele Shimbi. Chakolemene chibwe chavulamine yimwe ya ku Shimbi ye hakutwala ku chakumi.

Shimbi 26:13 Iomraidhean Croise

Miaso (Masamu) 119:139

Kulinga chami ni mbunge yeswe chinanguli, mumu akwa kulimika ni yami hanavulama maliji je.

Miaso (Masamu) 119:141

Nguli mukepe kanda nguli mulelu kuli atu, hindu chishi kuvulama ndongo je.

Miaso (Masamu) 119:153

Tala kama ku luyinda wami, ungupulule kama, mumu chishi kuvulama shimbi ye.

Miaso (Masamu) 119:176

Hingunapiasuka ngwe panga yoze wa-jimbala. Ungufupe kama yami kavumbi ke, mumu chishi kuvulama shimbi je.

Miaso (Masamu) 119:93

Chichi kavulama ndongo je nilimwe tangwa hiunanguhuzulula najo.

Miaso (Masamu) 26:6

Mungusanyisa moko jami nikusamba; chocho mungujinga ku chilumbilo cha yena Yehova;

Yishima 3:1

Mwanami, kanda uvulama longeso liami. Mbunge ye yikafunge shimbi jami,

Yilinga 24:16

Ha chikuma chino yami nawa nakulifumba, hanga ngukapwe ni mbunge yize kuyishi chitalingiso kumeso ja Zambi ni atu.

2 Korintu 1:12

Mumu kulisamba chetu chino ngwetu, Shindakenyo ya mbunge jetu, ngwe ni usandu ni kutuwika cha mbunge kumeso ja Zambi, hi ni mana ja musunya ko alioze ni vumbi lia Zambi, hitunende hano hashi, ni kuhiana kuli yenu.

2 Korintu 11:31

Zambi kanda Tato ya Mwene Yesu Kristu, yoze wafumuna ndo ku miaka ya mutolo, kananyingika chishi kuhanjika mahuza.

Shimbi 14:29

A-Levi mumu te o keshi chihanda chipwe chihinga hamwe ni yenu, ni njize, ni shiwa, ni twamishi aze ali mu yihunda yenu, aye, alie, ni kukuta, hanga Yehova Zambi yenu anuwahise ku milimo yeswe ya moko jenu munulinga.

Shimbi 26:12

Ha kumana kuhana yihanda yeswe ya ku kumi ya kwoka chenu ha mwaka wamuchitatu, wenawo mwaka wa kuhana yihanda ya ku kumi, nukachihane kuli A-Levi, ni kuli njize, ni kuli shiwa, ni kuli twamishi, hanga akalite mu yihunda yenu, akakute.

Shimbi 26:14

Kutwayilile ha kulila afu, chipwe kutwachijile niyimwe shimbu tuchili a luchisa, chipwe kulambula yimwe kuli afu. Hitwapanjika ku liji lia Yehova Zambi yetu, hitwalinga nikulita ni yeswe nwatwambile.

1 Tesalonika 2:10

Yenu nuli yela, ni Zambi nawa, ngwe chize twendele hakachi kenu akwa kufuliela, ni kulinanga ni ululi, chitela te kuchishiko.