Shimbi 26:10 - MUKANDA USANDU WA ZAMBI 1975

¹⁰ Kutala! Haliapwila, twaneha mbuto yitangu ya ku mavu, yenu Yehova nwatwahayo. Nuyitumbike kumeso ja Yehova Zambi yenu, nuwayile kumeso ja Yehova Zambi yenu.

Mukanda Wa Zambi 1970

¹⁰ Kashika haliabwila hinaneha kuli Mwene Zambi Chihanda cha mbuto yize hangwaha.’ “Mba munangika mutonga hashi ku meso ja Mwene Zambi ni kuwayila.

Shimbi 26:10 Iomraidhean Croise

1 Sango Ja Mianangana 29:14

Alioze yami kuchi napwa, ni atu jami kuchi apwa hiwatuhashisa kuhana ni mbunge milambu yipwahaha? Mumu yuma yeswe kuli yena yinakatuka, kashika upite wa yena mwene hitwakuhilwisa.

Miaso (Masamu) 22:27

Masongo eswe a hashi kwaewuluka, kumatewulukila kuli Yehova; minyachi yeswe ya mavungu kumawayila kumeso je.

Miaso (Masamu) 22:29

Anene eswe a hashi kumalia, kumawayila. Waze eswe akuya ku fufuta kumahetama kumeso jenyi, chipwe waze kahashile kufunga mwono wo.

Miaso (Masamu) 86:9

Mavungu aze eswe watangile kumeza akawayile kumeso ja yena mwe Mwene, akachichimieke jina lie.

Miaso (Masamu) 95:6

Tatuyenu tukawayile nikulihetamisa. Tukafukame kumeso ja Yehova Tangi yetu.

Kutuhuka 22:29

Kanda ukalaluka kutambula ya ku kulumbama cha mbuto ye, ni ya ku maji a mu ukamino we. Tupula-majimo a kuli ané a malunga ukaahane kuli yami.

Kutuhuka 23:19

Ukahetese mu zuwo lia Yehova Zambi ye, yitangu ya kuhia ya ku mbuto ya mu minda ye. Kanda ukateleka mwana-pembe mu yamwa ya naye.

Yishima 10:22

Chiwape cha Yehova kuchakupichisa, ni kechi kuwezako chinyengo.

Yishima 3:9

bemesa Yehova ni yikumba ye ni mbuto yitangu ya kufumbuka che cheswe,

Izaya 66:23

Yehova kanambe ngwenyi, Chize ku kakweji mwaha ndo ku kakweji mwaha, ni chize ku Sambata ndo ku Sambata, atu eswe meza kuwayila kumeso jami.

A-ROMA 2:1

Kashika yena kushi kaliongelo, yena mutu, mweswawo wapwa, wakupatwila mukwenu: mumu ni chize mupatwita mukwenu, mulihisa yena mwene; mumu yena wakupatula, kuwakulinga yuma yize yene.

1 Korintu 10:31

Chipwe kashika munulia, hanji mununwa, hanji cheswacho munulinga, lingenu yuma yeswe ha uhenya wa Zambi.

Shimbi 18:4

Mbuto yitangu ya ku mbuto yenu, ni ya ku vinyu yenu, ni ya ku maji jenu, ni wona utangu wa ku mapanga jenu, nukamweheyo.

Shimbi 26:17

Nwalishika ni Yehova musono ngwenu, Yehova iye Zambi yetu, kumutwenda mu majila jenyi eswe, ni kufunga yiyulo yenyi ni maliji jenyi a shimbi, ni upatwilo wenyi, mukupanjika ku liji lienyi.

Shimbi 26:2

Ukande mbuto yitangu ya ku mbuto yeswe muyima hashi, mukunga ku chifuchi Yehova Zambi ye anakwehecho, uyise mu mutonga, uye kuze Yehova Zambi ye matongola kusa jina lienyi.

Shimbi 26:4

Sasendote achize we mutonga ku kwoko lie, autumbike kulutwe lia chilumbilo cha Yehova Zambi ye.

Shimbi 8:18

Alioze iwulukenu Yehova Zambi yenu, mumu iye ananwehe ngolo nuzuke upite; hanga akakolese usendo wenyi alishingililewo kuli tulamba twenu, ngwe chinapu musono.

Usolwelo 22:9

Iye yamba kuli yami ngwenyi, Kanda uchilinga: yami nguli ndungo-ni-mukwenu, ni ndungo-ni-mukwo ni mandumbu je, aprofeta, ni waze akufunga maliji a mukanda uno: wayila Zambi.