Shimbi 24:14 - MUKANDA USANDU WA ZAMBI 1975

¹⁴ Kanda numwesa lamba mukwa milimo wa kufweta, chiswale, mukwa kuhona, apwe wa kuli akwenu, apwe wa kuli njize waze ali mu chifuchi chenu, mu yihunda yenu.

Mukanda Wa Zambi 1970

¹⁴ “Kanda numwesa chiswale lamba hanji mukwa milimo yoze unahono, chibwe kali usoko we Kaisraele, hanji chilambala yoze watwama mu limbo lia ku membo jenu.

Shimbi 24:14 Iomraidhean Croise

Yishima 14:31

Wapinjisa yiswale wasaula Tangi yenyi; alioze mukwa kuvwila keke yiswale kakumulemesa.

Yishima 22:16

Yoze mapinjisa yiswale akaweze ku upite wenyi ni yoze kakuhana kuli pichi meza kuhona.

Ezekiel 22:7

Muli yena yisemi kakwalelesa; muli yena ngeji kakwafwetesa ni mbenga; ni ana-ashiwa ni tuliwa kakwavulumuna muli yena.

Alevi 19:13

Kanda nupinjisa mukwenu hanji kumupupa. Fweto ya ngamba kanda yitwama mu kwoko lie ndusu ufuku ndo chimene.

Amose 2:7

Wano kakuliachila mitwe ya yiswale mu fufuta ya hashi; kakupiangula jila ya akwa lamba. Lunga ni tato kakupomba ni mwana-pwo umuwika chocho kanajilula jina liami lisandu.

Amose 4:1

Ivwenu liji lino, enu ngombe a ku Mbashane, enu nuli mu mulundu wa Samaria, nwakupinjisa yiswale, nwakufwenya akwa kuhona, nwakwamba kuli akwenu-malunga ngwenu, Nehenu tunwe.

Amose 8:4

Ivwenu chino, yenu nwakuliata akwa kuhona; nwakusulisa yiswale mu chifuchi ngwenu,

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

Luka 10:7

Mu zuwo lize hene nukatwame, nikulia nikunwa yuma yize mapwa nayo, mumu mukwa milimo kanatela fweto yenyi. Kanda nukatutujoka ku zuwo ni zuwo.

Shimbi 15:7

Kachi mukupwa ni yenu chiswale umwe wa akwenu, mu yihunda yenu, mu chifuchi chenu Yehova Zambi yenu ananwehecho, kanda nukalisa mbunge jenu, kanda nufukukila moko jenu kuli mukwenu chiswale.

1 Timoteu 5:18

Mumu chisoneko chinambe ngwo, Kanda ukasa kata ku kanwa lia ngombe muze mazungula mbuto. Chikwo ngwo, Mukwa milimo kanatela fweto yenyi.