Shimbi 23:7 - MUKANDA USANDU WA ZAMBI 1975

⁷ Kanda nuvwila kole Ka-Endome mumu iye mukwenu. Kanda nuvwila kole Ka-Engitu mumu yenu nwapwile yilambala mu chifuchi chenyi.

Mukanda Wa Zambi 1970

⁷ “Kanda nulelesa akwa Edome, mumu kaali usoko wenu. Kanda nulelesa akwa Egiptu, mumu nwabwile yilambala mu chifuchi cho.

Shimbi 23:7 Iomraidhean Croise

Ubutukilo 25:30

Esau yamba kuli Yakomba ngwenyi, Ngunaliumbu, ngulie makunde je achila mumu hijanguhwa. Kashika amulukile jina ngwo, Endome.

Ubutukilo 46:7

ni anenyi a malunga, ni ana jo a malunga; ni anenyi a mapwo, ni ana a mapwo aze asemene kuli anenyi a malunga, munyachi wenyi weswe ejile no ku Engitu.

Ubutukilo 47:12

José wahokele tato, ni ayayo, ni akwa zuwo lia tato eswe. Yaaha kulia nikulita ni majiko jo.

Ubutukilo 47:27

Mba A-Izalele atwamine mu Engitu mu chifuchi cha Ngoshone. Apichilemo upite wunji, asemene chikolo, okelele kuhiana.

Ubutukilo 47:6

Chifuchi cha Engitu chili kumeso je, kashika tungisa tatenu ni ayayenu mu chihanda chipema cha chifuchi. Atunge mu Ngoshone. Nyi unanyingika amwe akwa kujama hakachi ko Ukaapwise akwa kuyula ha ngombe jami.

1 Yitanga Ya Mianangana 11:25

Yono wapwile mukwa kole kuli A-Izalele matangwa eswe a Solomone, helu lia chipi chize Hadade yalinga. Yapwa ni kole kuli A-Izalele mba wayulile A-Seria.

Ezra 9:12

Kashika kanda nuhana anenu a mapwo kuli ana jo a malunga, kanda nutambula ana jo a mapwo hali anenu a malunga. Kanda nufupa sambukila yo chipwe kuwaha cho nilimwe tangwa, hanga nukatakame, nukalie yipema ya chifuchi nukachihichike chihinga kuli ana jenu ndo ku miaka.

Miaso (Masamu) 105:23

Izalele nawa wejile ku Engitu; Yakomba Watwamine mu chifuchi cha Hame.

Kutuhuka 22:21

Kanda ukalinga chipi kuli njize chipwe kumumwesa lamba, ka. Mumu yenu nwapwile njize mu chifuchi cha Engitu.

Kutuhuka 23:9

Kanda ukamwesa lamba njize, mumu nunanyingika mbunge ya njize, se yenwene nwapwile njize mu chifuchi cha Engitu.

Alevi 19:34

Njize yoze hatunga ni yenu mapwa ngwe mwenyembo hakachi kenu. Munumuzanga ngwe nwakulizanga yenwene, mumu ni yenu nwapwile njize mu chifunchi cha Engitu. Yami Yehova Zambi yenu.

Malaki 1:2

Yehova kanambe ngwenyi, Kunakuzanga. Alioze yenu nunambe ngwenu, Wafuzanga kuchi? Yehova kanambe ngwenyi, Esau kapwile yayo ya Yakomba nyi? Hindu kunazanga Yakomba

Kwalula 20:14

Mose yatuma mikeji ku Kandeshe kuli mwanangana wa Endome ngwenyi, Chocho anambe mwanakwenu Izalele ngwenyi, Yena unanyingika lamba lize liatuwanyine yetu;

Shimbi 10:19

Kashika zangenu yilambala, mumu yenu nwapwile yilambala mu chifuchi cha Engitu.

Shimbi 23:8

Ana jo makasemuka ku chisemuko chamuchitatu kumakanjila mu chikungulwila cha Yehova.