Shimbi 23:5 - MUKANDA USANDU WA ZAMBI 1975

⁵ Hindu, Yehova Zambi yenu katayile kupanjika kuli Mbalau, alioze Yehova Zambi yenu yalumuna shingo likapwe chiwape cha yenu mumu te Yehova Zambi yenu kanuzanga.

Mukanda Wa Zambi 1970

⁵ Hindu Mwene Zambi, Zambi yenu, kabanjikile ko ku maliji ja Balame. Alioze Shingo yalialumuna kuwahisa, mumu yanuzanga.

Shimbi 23:5 Iomraidhean Croise

2 Samuel 16:12

Hanji Yehova matala ku chipi chino anangulingi, hanji Yehova mangukundulula chipema mumu ha matuka jenyi kuli yami musono.

Nehemia 13:2

mumu kapatwijile A-Izalele ni kulia ni meya, ahoze afwetele Mbalau akaashinge. Alioze Zambi walumwine shingo mu chiwape.

Miaso (Masamu) 73:1

Chamwenemwene Zambi kakuwahisa Izalele, waze anapeme ku mbunge.

Yishima 26:2

Ngwe ndalamusepe ha kupekumioka chenyi ni kapiasa ha kuhumuka chenyi, chocho shingo lize kulishi chitela kulishi kupwila.

Jeremia 31:3

Yehova wasolokele kuli ayo nikukatuka kusuku. Hinanuzanga ni zango lia mutolo, kashika hinakukoka ni utu wa zango.

Ezekiel 16:8

Ha kukupalika cheka nawa nikukutala, kumanyi hiwaheta ha mwaka wa zango. Yingukuzazulwila hina liami kufuka uselesele we. Yingulishinga ni yena nikukolesa usendo ni yena (chocho kanambe Mwene Yehova), yiwalumuka niwami.

Mika 6:5

Enu atu jami, iwulukenu chize Mbalake mwanangana wa Moape watakile, ni chize Mbalau mwana Mbeore wamukumbulwile; ni chize chanuwanyine chize ku Shitime ndo ku Ngilingali hanga nukanyingike yilinga ya ulamwino wa Yehova.

Malaki 1:2

Yehova kanambe ngwenyi, Kunakuzanga. Alioze yenu nunambe ngwenu, Wafuzanga kuchi? Yehova kanambe ngwenyi, Esau kapwile yayo ya Yakomba nyi? Hindu kunazanga Yakomba

Kwalula 22:35

Mungelo wa Yehova yamba kuli Mbalau ngwenyi, Yako hamwe ni e malunga; alioze lie liji yami mungukwamba, lioliene wika ukahanjike. Chocho Mbalau wayile hamwe ni miata a Mbalake.

Kwalula 22:5

Iye yatuma mikeji kuli Mbalau, mwana wa Mbeore, ku Petore, kwatwama hakamwihi ni Lwiji, ku chifuchi cha atu jenyi, mukumutambika, ngwenyi, Kunatuhuka atu ku Engitu, kumanyi, hashi hatakana no, kanatwama hatalanganyi ni yami.

Kwalula 24:9

Yapotoka, yautama ngwe ndumba, ni ngwe ndumba wa chihwo, iya mamukatwisa? Kawaha eswe mawahisa yena. Kashingiwa eswe mashinga yena.

A-ROMA 11:28

Ha kutwala ku sango lipema, kanapu akwa kole mumu hali yenu: alioze ha kutwala ku kutongola cha Zambi, kanaazange chikolo mumu hali tulamba.

A-ROMA 8:31

Kuchi mutwamba ku yino yuma? Ngwetu, Kachi Zambi mapwa hamwe ni yetu, iya malimika ni yetu?

A-ROMA 9:13

Ngwe chinasonewa ngwo, Hingunazange Yakomba, alioze hingunavwila kole Esau.

2 Korintu 4:17

Mumu luyinda wetu mulelu, wa kashimbu kano kakepekepe, kakulinga hali yetu kulumbama chahiana cha uhenya wa mutolo;

Shimbi 2:29

ngwe angulingile ana ja Esau akutwama mu Sere ni A-Moape akutwama mu Are ndo mungukazauka Yordau ni kunjila mu chifuchi Yehova Zambi yetu anatwehecho.

Shimbi 33:3

Chamwenemwene kazanga atu jenyi. Asandu jenyi eswe ali mu kwoko lie. Eswe kakutwama ku molu je. Kakutambula maliji je.

Shimbi 4:37

Mba se iye wazangile tulamba twenu, yanutongola yenu ana jo kulutwe lio. Yanuchiza ku Engitu iye mwene te kwali hakachi kenu, ni tachi jenyi jinene,

Yoshua 24:10

Alioze yami chapanjikile kuli Mbalau, kashika anuwahishile. Chocho nanupulwile ku kwoko lienyi.